Maqomed-Başir Xaniyev

Maqomed-Başir Xaniyev 25 aprel 2002-ci ildə Rusiyanın İnquşetiya dövlətinin Sunja rayonunda anadan olub. 2008-ci ildən güləşlə məşğul olmağa başlayıb. Zəlimxan Hüseynovun rəhbərliyi altında məşq edir.

Maqomed-Başir Xaniyev Rusiya və Dağıstan miqyaslı bir sıra turnirlərdə uğurlara imza atdıqdan sonra 2022-ci ilin fevralında Azərbaycan Çempionatına dəvət edildi. Həmin turnirin qalibi olduqdan sonra o, 2023-cü ildə Azərbaycan Güləş Federasiyası (AGF) tərəfindən sərbəst güləş üzrə Azərbaycan yığmasının heyətinə dəvət edildi.

Xaniyev 2023-cü ilin martında Buxarest şəhərində (Rumıniya) baş tutan 23 yaşlılar arasında Avropa Çempionatında bütün rəqibləri üzərində qələbə qazanaraq turnirin qalibi oldu. Həmin ilin iyununda İstanbulda Yaşar Doğunun xatirəsinə həsr olunmuş beynəlxalq turnirində qızıl, iyulda isə Varşavada Poland Open beynəlxalq turnirində gümüş medala sahib oldu. Sentyabrda Belqrad şəhərində (Serbiya) baş tutan Dünya Çempionatında mübarizə aparacaq sərbəst güləş üzrə Azərbaycan yığmasının heyətinə cəlb edildi. Debüt Dünya Çempionatını o, 12-ci pillədə başa vurdu. Xaniyev 2023 və 2024-cü illərdə Azərbaycan Çempionatlarının bürünc medallarına sahib oldu.

2024-cü ilə Antalyada Yaşar Doğunun xatirəsinə həsr olunmuş beynəlxalq turniri beşinci pillədə tamamlamaqla başlayan Xaniyev həmin il Albaniyanın Tirana şəhərində baş tutan 23 yaşlılar arasında Dünya Çempionatında bütün rəqibləri üzərində qələbə qazanaraq turnirin qalibi oldu.