Maltəpə Universiteti (türk. Maltepe Üniversitesi) — Türkiyənin İstanbul şəhərinin Maltəpə ilçəsində yerləşən özəl universitet. 9 iyul 1997-ci ildə "İstanbul Mərmərə Təhsil Vəqfi" (İMEV) tərəfindən yaradılmışdır. 9 fakültə, 1 konservatoriya, 1 magistratura institutu, 3 kollec və 1 peşə məktəbi ilə təhsil verir.
| Maltəpə Universiteti | |
|---|---|
| Maltepe Üniversitesi[1] | |
 | |
| Əsası qoyulub | 1997 |
| Ölkə | |
| Sayt | maltepe.edu.tr |
 Vikianbarda əlaqəli mediafayllar | |
Universitetin Qəyyumlar Şurasının sədri Hüseyn Şimşək tərəfindən 1991-ci ildə Mərmərə Təhsil Qurumları, 1996-cı ildə İstanbul Mərmərə Təhsil Vəqfi (İMEV), 1997-ci ildə Maltəpə Universiteti təsis edilmişdir. 9 iyul 1997-ci il tarixli 4282 saylı qanunla yaradılan və 2547 saylı qanunun müddəalarına tabe olan Maltəpə Universiteti 1997–1998-ci tədris ilində əlavə kvota ilə təhsilə başlamışdır.[2]
Universitet hazırda bakalavriat, magistratura və doktorantura proqramları ilə təhsil verir.
Mərmərə Təhsil Kəndi 2002-ci ildə İMEV başda olmaqla Mərmərə Təhsil Qurumlarını bir araya toplamaq məqsədilə şam meşələri arasında 1000 dekar açıq və 300 dekar qapalı sahədə qurulmuşdur.[2]
Kampusda həmçinin 8000 nəfər tutumlu Mərmərə Açıq Hava Teatrı və 2000 kvadratmetr sahəni əhatə edən iki kino və televiziya məkanı yerləşir.[2]
- ↑ https://web.archive.org/web/20230815060630/https://uye.ankos.org.tr/uyeler/.
- ↑ 1 2 3 Üniversitesi, Maltepe. "Üniversitemiz". maltepe.edu.tr (türk). İstifadə tarixi: 2024-09-03.