Malatkeşin — Azərbaycan Respublikasının Zəngilan rayonunun Zəngilan şəhər inzibati ərazi dairəsində kənd.[1] Kənd Oxçuçayın sahilində, dağətəyində yerləşir. [2]
| Malatkeşin | |
|---|---|
| 39°05′59″ şm. e. 46°39′08″ ş. u.HGYO | |
| Ölkə |
 Azərbaycan |
| Rayon | Zəngilan rayonu |
| Tarixi və coğrafiyası | |
| Mərkəzin hündürlüyü | 590 m |
| Saat qurşağı | |
| Əhalisi | |
| Əhalisi |
|
  Malatkeşin | |
1886-cı il tarixli "Transqafqaz bölgəsinin əhali siyahısı haqqında statistik məlumatlar"-na əsasən, Yelizavetpol quberniyasının Zəngəzur rayonunun Pirçivan kənd qəzasının Malatkeşin kəndində 115 ev və 565 nəfər (mənbədə "Tatarlar" olaraq qeyd olunmuşdur) Azərbaycanlı yaşayırdı ki, bu şəxslər şiə dini məzhəbinə mənsub idilər. Bütün əhali torpaq mülkiyyətçisi kəndlilərdən ibarət idi.[3]
1921-ci il Azərbaycan Kənd Təsərrüfatı Siyahıyaalmasının nəticələrinə görə Azərbaycan SSR Qubadlı rayonunun Zəngilan kənd mahalında yerləşən Malatkeşin kəndində 330 nəfər (85 təsərrüfat) yaşayırdı, əsas əhalisi Azərbaycan türkləri idi.[4]
1933-cü il yanvarın 1-nə olan məlumata görə, Malatkeşin Azərbaycan SSR Zəngilan rayonunun Pirçivan kənd qəzasının tərkibində olub. Əhalisi 450 nəfər, 113 təsərrüfat (97 ümumi və 16 fərdi, 226 kişi və 224 qadın) olmuşdur. Genlik, Malatkeşin, I Pirçivan, II Pirçivan, Tağılı kəndlərindən ibarət olan kənd sovetinin bütün əhalisini (98,7%) türklər (azərbaycanlılar) təşkil edirdi.[5]
1993-cü ildə Birinci Qarabağ müharibəsi zamanı kənd Ermənistan silahlı qüvvələri tərəfindən işğal edilmişdir.[2] İşğaldan sonra kənd tamamilə dağıdılmışdır. Mənzil binaları, kənd məktəbi, məscid[6][7] və qəbiristanlıq məhv edilmişdir.[8] 22 oktyabr 2020-ci ildə, İkinci Qarabağ müharibəsi zamanı Azərbaycan Respublikasının Prezidenti Azərbaycanın Silahlı Qüvvələri tərəfindən Malatkeşin kəndinin azad edildiyini elan etmişdir.[9]
- ↑ Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı" (PDF) (az.). stat.gov.az. 2019. 2020-04-16 tarixində arxivləşdirilib (PDF). İstifadə tarixi: 2020-04-16.
- ↑ 1 2 "Zəngilan rayonunun Malatkeşin kəndi". Azərbaycan Dövlət İnformasiya Agentliyi. 2022-12-06. İstifadə tarixi: 2024-11-26.
- ↑ Свод статистических данных о населении Закавказского края, извлеченных из посемейных списков 1886 г. (rus). Tiflis. 1893. 29. 2021-12-11 tarixində arxivləşdirilib. İstifadə tarixi: 2024-02-05.
- ↑ Азербайджанская сельско-хозяйственная перепись 1921 года. Вып. 9. Кубатлинский уезд (Издание Аз. Ц. С. У.). Баку. 1922. 52–53. 2024-03-10 tarixində arxivləşdirilib. İstifadə tarixi: 2024-12-13. Arxivləşdirilib 2024-03-10 at the Wayback Machine
- ↑ Административное деление АССР. Баку: Издание АзУНХУ. 1933. 101.
- ↑ Əli, Orxan. "Qarabağdakı ibadət evləri: ermənilər indi orada donuz saxlayırlar". modern.az (az.). 2012-04-19. 2023-10-26 tarixində arxivləşdirilib. İstifadə tarixi: 2024-11-26.
- ↑ "Ermənilər 286 kitabxana, 237 mədəniyyət evi, 19 muzeyi tamamilə dağıdıblar - RƏSMİ". Report İnformasiya Agentliyi (az.). 2021-02-18. 2024-02-21 tarixində arxivləşdirilib. İstifadə tarixi: 2024-11-26.
- ↑ "Malatkeşin". Karabakh (az.). 2024-05-27 tarixində arxivləşdirilib. İstifadə tarixi: 2024-11-26.
- ↑ "Zəngilanın daha 1 qəsəbəsi və 13 kəndi işğaldan azad edilib". Report İnformasiya Agentliyi (az.). 2020-10-22. 2024-02-24 tarixində arxivləşdirilib. İstifadə tarixi: 2024-11-26.