Makoto Kobayaşi- (7 aprel 1944il, Naqoya, Yaponiya) [1][2] — yapon fiziki, fizika üzrə 2008-ci il Nobel mükafatı laureatı. Zəif qarşılıqlı təsirlər nəzəriyyəsində CP-simmetriya pozulması ilə bağlı məqalənin həmmüəllifi.
Makoto Kobayaşi 1944-cü ildə aprelin 7-də Naqoyada anadan olub. Təhsilini Naqoya Universitetində bitirmiş və 1972-ci ilin martında orada doktorluq dissertasiyası müdafiə etmişdir. Sonra Kioto Universitetində, 1979-cu ildən isə Yüksək Enerji Fizikası üzrə Milli Laboratoriyada çalışmışdır.
2003-cü ildən - Hissəciklər və Nüvə Tədqiqatları İnstitutunun direktoru olub. 2008-ci ildə "Təbiətdə ən azı üç kvark ailəsinin mövcudluğunu təhmin edən simmetriya qırılmasının mənşəyini kəşf etdiklərinə görə" Toşihide Maskaua ilə birlikdə fizika üzrə Nobel mükafatı alıb. Çoxsaylı milli və beynəlxalq mükafatların laureatıdır.[3][4]
- 1985 -ci ildə - Yaponiya Elmlər Akademiyasının mükafatı
- 1985-ci ildə - Sakurai Mükafatı
- 1994-cü ildə - Asaxi mükafatı
- 2007-ci ildə - Hissəciklər fizikası və yüksək enerji fizikası sahəsi üzrə mükafat
- 2008-ci ildə - Mədəniyyət ordeni
- 2008-ci ildə - Fizika üzrə Nobel Mükafatı