Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinMaki mağarası (yap. 満奇洞) — Yaponiyanın Okayama prefekturasının Niimi şəhərinin şərqində yerləşən mağara.[1] Bu bölgədə yerləşən 3 əhəndaşı mağarasından biridir. Uzunluğu 450 metr təşkil edir, ən uzaq qurtaracağında kiçik yeraltı göl yerləşir.[2][3]
| Maki mağarası | |
|---|---|
| yap. 満奇洞 | |
 Mağaradan görünüş. | |
 | |
| 34°58′18″ şm. e. 133°35′00″ ş. u. | |
| Ümumi məlumatlar | |
| Uzunluğu | 450 m |
| İşıqlandırma | var |
| Yerləşməsi | |
| Ölkə |
 Yaponiya |
| Əyalət | |
| Şəhər |
|
 Vikianbarda əlaqəli mediafayllar | |
Maki mağarası qədim mağaradır. Mağaradakı yeraltı kanal kiçik sürətlə axır. Burada əhəndaşı formaları və şəlalər görmək mümkündür. Burada yerləşən obyektlərin maraqlı adları var: "Şeytanın yaşayan otağı", "Niaqara şəlalələri", "Terraslı çəltik zəmiləri". Mağarada çoxlu sayda stalaktit var. Mağaradakı kiçik gölün üzərindən qırmızı rəngli təbii körpü keçir.[4]
Mağarada məşhur yapon fantastika filmi "Yatsuhakamura" çəkilmişdir. "Ki" yapon dilində "nadir" və ya "sirr", "Ma" isə "dolğunluq" deməkdir. Mağaranın adı yapon şairəsi Akiko Yosano ilə bağlıdır. O, buranı "sirlərlə dolu mağara" adlandırmışdır. Mağarada yerləşən Sensui ("Bağ gölü") adlı yerə qəpik atan şəxsin arzularının yerinə yetəcəyi inanılır.[5]
Mağaraya daxil olmaq üçün nəzərdə tutulmuş açıq bölgəyə ancaq maşın və ya avtobusla çatmaq mümkündür. Girişə gedən yol qısa uçurumda dırmaşmaqdan keçir. 313 Milli Yolu ilə mağaranın girişinə 30 dəqiqəyə çatmaq olar.
Mağaranı saat 8:30-dan saat 17:00-a qədər ziyarət etmək olar. Saat 16:30-da girişlər bağlanılır. Mağaraya giriş haqqı böyüklər və ali məktəb şagirdləri üçün 1000 yendir. Orta məktəb şagirdləri üçün bu məbləğ 800 yen, balaca uşaqlar üçün 500 yendir.
- ↑ "Maki-do" (ingilis). Show caves. 27 oktyabr 2021 tarixində arxivləşdirilib. İstifadə tarixi: 31 dekabr 2015.
- ↑ "Ikura-do / Maki-do". Japan National Tourism Organization. 28 iyun 2006 tarixində arxivləşdirilib. İstifadə tarixi: 31 dekabr 2015.
- ↑ "Discover okayama". 26 iyun 2010 tarixində orijinalından arxivləşdirilib. İstifadə tarixi: 31 dekabr 2015.
- ↑ "Makido Cave" (ingilis). Japan Travel Guide. 6 mart 2016 tarixində orijinalından arxivləşdirilib. İstifadə tarixi: 31 dekabr 2015.
- ↑ "Used as a location for a popular mystery film" (ingilis). JNTO. 5 may 2016 tarixində arxivləşdirilib. İstifadə tarixi: 31 dekabr 2015.