Mahmud Muxtar Paşa (türk. Mahmud Muhtar Katırcıoğlu) (1867 - 16 Mart, 1935)[2] — Osmanlı generalı və dövlət xadimi. Əhməd Muxtar Paşanın övladıdır.
| Mahmud Muxtar Paşa | |
|---|---|
| türk. Mahmud Muxtar Paşa | |
 Mahmud Muxtar Paşa | |
| Şəxsi məlumatlar | |
| Doğum tarixi | |
| Doğum yeri | İstanbul, Osmanlı İmperiyası |
| Vəfat tarixi | 15 mart, 1935 |
| Vəfat yeri | Neapol, İtaliya |
| Vətəndaşlığı | |
| Atası | Əhməd Muxtar Paşa |
| Təhsili |
|
| Hərbi fəaliyyəti | |
| Mənsubiyyəti | Türk |
| Xidmət illəri | 1885-1917 |
| Rütbəsi | Feriki sani |
| Döyüşlər | Osmanlı-Yunan müharibəsi (1897), İtaliya-Osmanlı müharibəsi, Balkan müharibələri |
 Vikianbarda əlaqəli mediafayllar | |
1867-ci ildə İstanbulda anadan olmuşdur[3], Rusiya-Osmanlı müharibəsinin Qafqaz cəbhəsi komandiri sədrəzəm qazi Əhməd Muxtar Paşanın oğludur. 1885-ci ildə Hərbi məktəbə daxil oldu, daha sonra Almaniyaya göndərilərək 1888-ci ildə Mets şəhərindəki Hərbi məktəbi bitirdi. Bir leytenant kimi Prussiya Ordusunda xidmət etdi və İstanbula geri döndükdə Hərbi məktəbdəki "Erkanı Harbiye'nin Görevleri" fənnini tədris etdi.[3]
O, 17 sentyabr 1909-cu ildə Aydın qubernatorluğuna təyin edildi və 2 oktyabr 1910-cu ildə Dəniz donanmasında xidmətə başladı və qubernator vəzifəsini tərk etdi. 1913-cü ildə Berlin səfirliyinə təyin edildi.[3]
Mahmud Muxtar Paşa tarix və siyasət mövzusunda müxtəlif əsərlərin müəllifir.
4 sentyabr 1896-cı ildə Misir xədivi Kavalalı İsmayıl Paşanın qızı Nemətullah xanımla evlənmişdir. Cütlüyün bu nigahdan 5 övladı doğulduğu bilinir
- Əminə Dürriyə xanım (avqust 1897-1975), İsveçrə və Almaniyada rəsm təhsili aldı. 1921-ci ildə müşir Fuad Paşanın oğlu diplomat Əhməd Hülusi Fuad Tuqayla (1890-1967) evləndi.
- İsmayıl Muxtar Qatırçıoğlu (1900-1953), 1914-cü ildə Avstriyaya göndərildi. Avstriya və Almaniya ordusunda iştirak etdi. İsgəndəriyyədə baş verən bir qəza nəticəsində vəfat etmişdir.
- Xəlil Muxtar Qatırçıoğlu (1901-1932), 1925-ci ildə Fəthi Əhməd Paşanın nəvəsi Nüveyrə Hasağa ilə evlənmişdir. Xərçəng xəstəliyindən vəfat etmişdir.
- Ömər Muxtar Qatırçıoğlu (1902-1936), 1925-ci ildə II Abbas Hilmi Paşanın qızı Lütfiyə Şövkət Hilmiylə evləndi. Yena və Göttingen Universitetlərində təhsil aldı. Bir müddət Cenevrədə BMT üçün çalışdı. 1932-ci ildə Türkiyə Xarici İşlər Nazirliyində çalışmağa başladı. Vyanada bağırsaq xərçəngi səbəbilə vəfat etdi.
- Ələddin Muxtar Qatırçıoğlu (11 oktyabr 1910-1980), Yel Universitetində kənd təsərrüfatı üzrə təhsil aldı. Misir xədivi II Abbas Hilmi Paşanın qızı Lütfiyə Hilmiylə evlənmişdir. 1954-cü il inqilabından sonra Türkiyəyə qayıtdı. Dəri xərçəngi səbəbilə Fransada vəfat etdi.
- ↑ 1 2 LIBRIS. İsveç Milli Kitabxanası, 2016.
- ↑ Harp Akademileri Komutanlığı, Harp Akademilerinin 120 Yılı, İstanbul, 1968, s. 19.
- ↑ 1 2 3 Şerifoğlu, Ömer Faruk, "Mahmud Muhtar Paşa (Katırcıoğlu)" (1999), Yaşamları ve Yapıtlarıyla Osmanlılar Ansiklopedisi, İstanbul:Yapı Kredi Kültür Sanat Yayıncılık C.2 s.69 ISBN 975-08-0072-9