Mahir Əl-Muəqli
Mahir bin Həmid Əl-Muəqli (ing. Maher bin Hamad Al Mueaqly; ərəb. الشيخ ماهر بن حمد المعيقلي) — Məkkədəki Məscidül-Həramın imamı, məşhur Quran qiraətçisi, çox gözəl səsə və avaza sahib olan məşhur imam.
| Mahir Əl-Muəqli | |
|---|---|
| ərəb. ماهر المعيقلي | |
 | |
| Doğum tarixi | 7 yanvar 1969 (56 yaş) |
| Doğum yeri |
|
| Fəaliyyəti | imam |
Şeyx Mahirin ana və atası Mədinəyə köçmüşlər və Mahir 7 yanvar 1969-cu ildə burada anadan olmuşdur. Ana babası qədim Ərəb qəbiləsindən olmuşdur. Anası isə Pakistan əsilli imiqrantdır. Evlidir və 4 övladı vardır: 2 oğlan və 2 qız.
O Mədinədə Quranı öyrənmiş, əzbərləmiş və hafiz olmuşdur. Bir çox məşhur alimlərin dərslərində iştirak etmişdir. Özunun Şeyx karyerasını Səudiyyə Ərəbistanının Şimal tərəfində başlamışdır. Daha öncə riyaziyyatdan dərs demişdir. Mahir Əl-Muəqli Umm Əl-Qura Universitetində Şəriət sahəsi üzrə magistr dərəcəsi almışdır. O Şəriətdən də tədris etmişdir.
2004-cü ildə Məkkə şəhərinə qayıdaraq Al-Balaat məscidində quran oxumağa və xütbə verməyə başlamışdır. Daha sonra insanlar tərəfindən sevilmiş, məşhurlaşmış və Prins Abdul Məcidin Məkkədə məsləhətçisi seçilmişdir. Kral Abdullah Saud Universitetində Quran dərsi verməzdən əvvəl Məkkə şəhərində Quran dərsləri verməyə başlamışdır. 2005 və 2006-cı illərdə Mədinədə Təravih namazlarına İmamlıq edərək qıldırmışdır.
Həmçinin Mədinədə Məscid an Nəbəvidə İmamlıq etmişdir. 2007-ci ildə isə müqəddəs Məkkə şəhərində Məscidul Haramda (Kəbə məscidində) imam təyin edilmişdir. Ondan sonra Shexy Abdullah Avad Al Juhanny ilə bərabər təravih namazlarına da başçılıq (imamlıq) edir. Onun Quran qiraətini yayımlayan TV kanalı da vardır — Al Arabab.