Madrid müqaviləsi (13 yanvar 1750)

Madrid anlaşması — 13 yanvar 1750-ci ildə İspaniya və Portuqaliya arasında Madriddə imzalanmış beynəlxalq müqavilə. Anlaşma iki ölkə arasında Cənubi Amerikadakı torpaqlarda sərhədlərin müəyyənləşməsini nəzərdə tuturdu. Katolik kilsəsinin dəstəyi ilə imzalanmış Tordesilyas müqaviləsi koloniyada 46-cı meridianın sərhəd olmasını nəzərdə tuturdu. Bu anlaşmanın şərtlərini pozan Portuqaliya ərazini 46-cı meridiandan qərbə doğru genişləndirmişdi. Madrid anlaşmasına əsasən hər iki ölkə Tordesilyas müqaviləsinin şərtlərinin ləğv edilməsini qəbul edir. Portuqaliyanın ələ keçirdiyi torpaqlar onun mülkiyyəti elan edilir. Utrext anlaşmasının 5–7-ci maddələri qüvvədən düşür. 26-cı maddələrə bu şərtlər əlavə edilir:

1. Sakremento koloniyası İspaniyaya verilir. Ru Qrandi du Sul vilayəti Portuqaliyanın nəzarətində qalır. Portuqaliya Uruqvay çayına kiçik dar çıxış əldə edir.
2. Portuqaliya İspaniyanın lehinə Yuxarı La Plata çayı hövzəsində Xapuri çayından qərbdəki torpaqlardan və Sakrementodan imtina etməli olur.
3. İspaniya və Portuqaliya arasında müharibə baş verərsə bu torpaqlar neytral elan edilir. Koloniyada yaşayanlar bu müharibələrə cəlb edilə bilməz.
4. Cənubi Amerikadakı limanlara dost olmayan ölkələrin gəmiləri və tacirləri buraxılmamalıdır.

Bu müqavilənin şərtlərinə görə indiki Braziliyanın ərazisi formalaşır. Sərhədlərin müəyyənləşməsi üçün Quarani müharibəsində Yuxarı Uruqvaya yeddi hərbi missiya təşkil edilir. Madrid anlaşması El Pardo anlaşmasına əsasən ləğv edilir. Bu ərəfədə Portuqaliya Yeddi İllik müharibəyə cəlb edilir. Sakremento yenidən işğal edilir və İspaniya bu torpağı Fonyeneblo və Paris müqaviləsində güzəştə getməli olur. Bununla belə, La Plata vitse-kralı Braziliyaya hücum edərək portuqalların ordusunu darmadağın edir. Hətta Braziliyanın itirilməsi təhlükəsi yarandığından San-İldefonso müqaviləsini imzalamalı olur. Britaniyanın ABŞ İstiqlal müharibəsinə cəlb olması ilə onun dəstək göstərməsi mümkünsüzləsir.