Maşınlar (film)

Avtomobillərin insanlar kimi olduğu bir dünyada “Dinoco 400” yarışı Piston Kuboku mövsümünün çox gözlənilən final hadisəsidir. Bu yarışmada üç nəfər iştirak edir: təqaüdçü çempion Strip "Kral" Weathers, kələkbaz Chick Hicks və istedadlı, lakin lovğa olan yeni gələn Şimşək Makkuin. Şimşək nüfuzlu “Dinoco” komandasına qoşula bilmək üçün yarışda qalib gəlmək arzusundadır. Lakin Şimşəyin müsbət olmayan bir cəhəti var: o, eqoistdir və onun başqaları ilə münasibəti ürəkaçan deyil. Yarış zamanı Chick böyük bir qəza törətməyə çalışsa da, Şimşək bundan sıyrılmağı uğurla bacarır. O, təkərlərini yeniləmək üçün pit-stop etməməyə qərar verir, ki, bu da böyük bir səhvə səbəb olur – şimşəyin təkərləri yarışda qalib gəlməsinə az qalmış partlayır. Yarış Şimşək Makkuin, Strip "The King" Weathers və Chick Hicks arasında bərabərliklə yekunlaşır. Bu yarış bir həftədən sonra Los-Ancelesdəki Beynəlxalq Speedway-da baş tutacaq bir final yarışı üçün zəmin yaradır. Bu yarışın nəticəsi bizə kimin Piston Kuboku mövsümünün son çempionu olacağını göstərəcək.

Şimşək, yarış başa çatdıqdan sonra onu daşıyan yük maşını Mak ilə Kaliforniyaya getməyə tələsir. Ancaq ortaya çıxan bir səhv nəticəsində o, “Radiator Springs” adlı bir qəsəbəyə (və ya şəhərciyə) gedib düşür. Oraya yeni çatan zaman istəmədən qəsəbənin əsas yolunu korlayır. Sakinlər cəza olaraq Şimşəyi yolu düzəltməsi üçün ictimai xidmətə təyin edirlər. Qəsəbənin rəisi olan qoca avtomobil Dok Hadson əvvəlcə yarış avtomobili olan Şimşəyi heç xoşlamır.

Şimşək tələskənliyi üzündən işini doğru-düzgün görə bilmir və o, asfaltı pis günə qoyur. Dok görür ki, bu onun bacaracağı iş deyil və bu üzdən onu yarışa dəvət edir. O, Şimşəyə təklif edir ki, azadlığı üçün yarışsın. Əgər o, yarışda qalib gələrsə, yolu təmir etməyə ehtiyac duymadan çıxıb gedə, öz işinə davam edə bilər. Ancaq bir şey da var: Şimşək yarışı uduzarsa, ondan yenidən başlaması və yolu lazımi qaydada təmir etməsi tələb olunacaq. Özünə arxayın olan Şimşək elə düşünür ki, bu qocanı udmaq onun üçün su içmək kimi olacaq. Lakin bu belə olmur. O, bu günə kimi torpaq yolda yarışmadığı üçün idarə etməni itirərək fırlanıb qəzaya uğrayır. Dok isə öz növbəsində heç bir xətər gəlmədən yarışın qalibi olur. Şimşək zaman keçdikcə bu qəsəbənin sakinlərini yaxından tanımağa başlayır. Hətta o, bəzi sakinlərlə dostlaşır, xüsusilə paslı evakuator Meyter və Porsche 911 Karyera markalı Solli ilə. Şimşək onlardan öyrənir ki, bir vaxtlar şəhər “Route 66” magistralında yerləşdiyi üçün çox məşhur olub. Lakin “Interstate 40” adlı yeni magistral çəkiləndə əksər sürücülər bu magistralı qoyub ondan istifadə etməyə başlayıblar. Nəticədə ziyarətçilərin gəlib-getməməsi səbəbindən qəsəbə bütün varlığını itirib. Şimşək həmçinin Dokun cavanlıq illərində “Fabulous Hudson Hornet” olduğunu aşkara çıxarır. Yəni o, dövrünün ən hörmətli və uğurlu yarışçılarından biri olan məşhur yarış avtomobili olubmuş. Dokun karyerasına son qoymasına səbəb isə yarış zamanı keçirdiyi bədbəxt qəza olub. Şimşək onun keçmişdə qazandığı Piston Kuboklarını heç nəymiş kimi gördüyünü öyrənəndə isə mat qalır.

Şimşək Makkuin “Radiator Springs”də yolun abadlaşdırılması üzərində işlərini tamamladıqdan sonra orada dostlarının yanında qalmağı seçir. O, artıq maşın yarışına marağını itirib, yeni həyatından razıdır. Şimşəyin bu emosional seçimi Dokun narahatlığına səbəb olur. O, məhz buna görə də mediaya Şimşəyin harada olduğu barədə xəbər vermək qərarına gəlir. Bu xəbər təz bir zamanda ölkədə əks-səda doğurur. Medianın və Makın qəsəbəyə toplanmasına şərait yaradır. Qəsəbənin sakinləri belə bir qərar aldığına görə Doka iradlarını bildirirlər. O, buna görə dərin təəssüf hissi keçirir.

Yarışa start verilir. Şimşək Makkuin yarış zamanı maneələrlə rastlaşır. Ancaq yarışın həlledici bir anında o, “Radiator Springs” qəsəbəsindən olan dostlarının ona dəstək olmaq üçün yarışa gəldiklərinə öyrənir. Onların ansız gəlişilə Şimşəyin əhval-ruhiyyəsini artır. Dok Şimşəyin yarışdakı ilk mübarizəsinin ardınca onun ekipaj rəisi rolunu öz üzərinə götürür. O, yarış boyu Şimşəyə yol göstərir, başbilənlik edir. Son dövrə irəlilədikcə və Şimşək finiş xəttinə yaxınlaşdıqca, onunla rəqabət aparan Chick, PIT manevri kimi tanınan bir taktikadan istifadə etmək qərarına gəlir. O, bu manevri qəsdən yarışın başqa bir iştirakçısı olan Krala tətbiq edir. Şimşək final yarışı zamanı yarışa liderlik edir və qalib gəlməyinə az qalıb. Fikir verir ki, hörmət etdiyi təcrübəli yarışçı Kral, təhlükəli qəzaya uğrayıb və yarışı bitirə bilməyəcək. Onun karyerasının da Dok Hadsonunku kimi bitəcəyindən narahataq olarar fədakar bir qərar verir. O, yarışı özü qazanmaq üçün finiş xəttini keçməməyi özünə borc bilir. O, arxaya qayıdaraq Kralı öz yanına alır – onu finiş xəttinə qədər itələyir. Beləcə Şimşək öz qələbəsini fəda edir. Bu qərarı ilə Piston Kuboku heç kimin xoşlamadığı Chick Hicksə nəsib olur.

Chickin Piston Kubokunu qazanması həm izdiham, həm də media tərəfindən güclü narazılıq və tənqidlə qarşılanır. Digər tərəfdən, Şimşək düzgünlüyü və doğruluğu səbəbindən təqdir olunur. Müxtəlif sponsorlar, o cümlədən nüfuzlu neft şirkəti “Dinoco” ona sponsorluq etməkdə maraqlı olduqlarını bildirirlər. Şimşək isə sadiqliyini qoruyur və hazırkı sponsoru “Rust-eze Bumper Ointment” ilə qalmaq qərarına gəlir. Şimşək Makkuin baş verənlərin ardınca “Radiator Springs”ə geri qayıdır, o, dostları Salli və Meyter ilə yenidən bir araya gəlir. Onlar qəsəbənin inkişafı barədə planlar qururlar. Şimşək həm də Dokun müəllimliyi altında məşq edərək yarış bacarıqlarını artırmağa ümid edir.

• Oven Vilson — qırmızı rəng yarış avtomobili olan Şimşək Makkuin
• Pol Nyuman — mavi Hudson Hornet markalı Dok Hadson, bir vaxtlar Fabulous Hudson Hornet olmuşdur
• Bonni Hant — Salli Karrera, Porsche 911 Carrera
• Larri-kabelçi — Meyter paslanmış evakuator
• Toni Şalub — Luigi, 1959-cu il istehsalı Fiat 500
• Cheech Marin — Ramone, 1959 Chevrolet Impala Lourayder
• Michael Wallis — Şerif, 1949 Mercury Eight Coupe
• Corc Karlin — Fillmore, 1960 Volkswagen Type 2
• Pol Duli — Sage, 1941 Villis cipi
• Jenifer Lewis — Flo, 1957 General Motors Motorama show car
• Guido Quaroni — Guido, mavi forklift
• Riçard Petti — Strip "The King" Weathers, mavi 1970 Plymouth Superbird
• Maykl Kiton — Chick Hicks, yaşıl yarış avtomobili
• Katherine Helmond — qara 1923 Ford Model T
• John Ratzenberger — Mack, 1985 Mack Super-Liner
• Joe Ranft — Red
• Jeremy Piven / Jeremy Clarkson — Harv
• Bob Costas — Bob Cutlass, 1999 Oldsmobile Aurora
• Darrell Waltrip — Darrell Cartrip, 199 Chevrolet Monte Carlo
• Humpy Wheeler — Tex Dinoco, 1975 Cadillac Coupe de Ville
• Mixael Şumaxer — Ferrari F430