MTV Azerbaijan və yaxud MTV Azərbaycan — Azərbaycanda fəaliyyət göstərən ixtisaslaşmış musiqi kanalı. Nominativ oxşarlığa rəğmən, ABŞ-nin məşhur "MTV" telekanalı ilə heç bir əlaqəsi olmayıb, Rusiya Federasiyasının "Muz-TV" telekanalının regional təmsilçisi olaraq fəaliyyətə başlamışdır.[1]
| MTV Azerbaijan | |
|---|---|
| Ölkə |
 Azərbaycan |
| Dil | Azərbaycan dili |
| Baş qərargah | Tbilisi prospekti, 3000-ci məhəllə Nəsimi rayonu, Bakı |
| Keçmiş adları | Muz TV Azərbaycan (11 may 2012–15 noyabr 2018) |
| Sayt | muz-tv.az |
Azərbaycan incəsənətinin təbliğatı sahəsində yeni imkanlar açan telekanal "Muz TV Azərbaycan" adıyla 2012-ci ilin may ayının 11-də "muz-tv.az" saytı vasitəsilə yayıma başlayıb. Telekanal yayıma başladığı ilk gündən tamaşaçıya dünya musiqi xəzinəsinin incilərini təqdim edir. Özünəməxsus layihələrin, eksklüziv kliplərin, ayrı–ayrı proqramlar və reportajlar kanalın əsas prioritetidir. 5 ildən artıq internet vasitəsilə yayımlanmış telekanala 2017-ci ildə MTRŞ tərəfindən peyk yayımı üçün lisenziya verilib.[2] 2018-ci ilin noyabr ayının 15-dən telekanal "MTV Azerbaijan" adıyla fəaliyyət göstərir. Həmçinin, həmin tarixdə kanalın loqosunda, arakəsmələrində, qrafikasında və qismən formatında dəyişiklik edilib.
2020-ci ildə telekanalın qərargahı Rahib Məmmədov küçəsi № 17 ünvanından Tbilisi prospektinə köçürülüb.
2022-ci il iyunun 3-dən "MTV Azerbaijan"ın loqosunda, arakəsmələrində və qrafikasında daha bir dəfə dəyişiklik edilib.
- MTV Xəbər
- 3 canlı
- Ulduzun vaxtı
- Film kimi musiqilər
- Ötən hitlər
- Azəri klassik
- Top-20
- Axşamdan axşama
- ↑ "Azərbaycanın da "Muz TV"si olacaq". Azadliq (az.). 12 April 2012. İstifadə tarixi: 11 October 2024.
- ↑ "Day.az – MTRŞ bu TV-yə peyk yayımı üçün lisenziyası verildi". 2023-07-27 tarixində arxivləşdirilib. İstifadə tarixi: 2020-03-07.