Bu məqalədə yalnız ilkin və ya onunla əlaqəli mənbələrdən istifadə olunur. |
Mətanət A — Azərbaycanda sement və gips əsaslı məhsulların istehsalı üzrə sənaye şirkətidir.
| Mətanət A | |
|---|---|
| Ümumi məlumatlar | |
| Sənaye | Sement və gips əsaslı məhsullar |
| Təsis tarixi | 2000 |
| Struktur | |
| İşçi sayı | ▲ 1000+ |
| Rəhbərlik | |
| Rəhbərlik | Elxan Bəşirov |
| matanata.com | |
"Mətanət A" şirkətinin əsası 2000-ci ildə qoyulmuşdur. Şirkət əsas fəaliyyət sahəsi olan inşaat materialları istehsalında müstəqil brendlər və çeşidlərlə fəaliyyət göstərir. Əsas brendləri arasında "Mətanət A", "AĞDAĞ", "FasNatural", "ROKOL", "Qraniyap", "PARAKONTAKT", "İzolatex", "FasMazaik", "Parmaket", "Parmawood", "Azerlime", “INOVEX” və “AZVUL” və s. kimi məhsullar yer alır.
“Mətanət A” şirkəti ticarət markası altında istehsal etdiyi məhsulları Qazaxıstan, Gürcüstan, Türkmənistan, Ukrayna və digər xarici ölkələrə ixrac edir. Əsas məhsul kateqoriyalarına daxildir: gips əsaslı məhsullar, izolyasiya materialları, beton, dekorativ suvaqlar və s.
2024-cü ildə «Mətanət A» 5 milyon 50 min manat həcmində İnvestisiya Proqramının icrasına dair öhdəlik götürüb. Şirkət “Bakı Alüminium Profil” MMC-nin dövlətə məxsus paylarını alıb. [1]
Şirkətin nizamnamə kapitalı 2 188 471 manatdır.
2023-cü ildə şirkətin adı "AS İnşaat” MMC ilə qalmaqalda hallanmışdır.[2]
2024-cü ilin sentyabr ayında "Mətanət A" şirkəti vətəndaşa qarşı alqı-satqı müqaviləsi ilə bağlı iddia qaldırıb. [3]
2002-ci ildə əsası qoyulmuş, ixrac yönümlü, Qafqazda ilk müasir tipli gips zavodu olan AĞDAĞ 2007-ci ilin əvvəllərində məhsul istehsalı ilə fəaliyyətə başlamışdır. Azərbaycan Respublikasının Prezidenti İlham Əliyev 2016-cı ilin yanvarın 30-da Bakının Qaradağ rayonunda "Mətanət-A" şirkətinin Yeni Ağdağ gips zavodunun açılışında iştirak etmişdir.[4]
Beton Qatqıları Zavodu 2008-ci illərdə inşaat materialları sahəsində fəaliyyət göstərmək məqsədi ilə təsis olunmuşdur. Zavodun əsas fəaliyyət sahəsi beton qatqıları və bu sahədə təchizat təmin etməkdir.
2020-ci ildə Qazax rayonunda yerləşən "AZERLİME" əhəng zavodu Prezident İlham Əliyevin iştirakı ilə açılmışdır [5]. Zavodda hazırlanan məhsulların 60 faizi daxili bazarın tələbatının ödənilməsi, 40 faizi isə ixracat üçün nəzərdə tutulub [6] .
- "Mətanət A" inşaat məhsulları sahəsində Azərbaycanda ilk dəfə olaraq İSO 9001:2008 "Keyfiyyətin İdarə Olunması" beynəlxalq standartını almışdır.[7]
- 2005-ci il, Madrid: Tikinti üzrə XVII Beynəlxalq Mükafat tədbirində "Mətanət A" "Keyfiyyətin Qlobal İdarəsi" Qızıl Nişan mükafatına layiq görülüb.
- Avropa Keyfiyyət Təşkilatının (EOQ) dəstəyi ilə (Ukrayna Keyfiyyət Assosiasiyası) 2005-ci ildən təşkil olunmuş Mərkəzi və Şərqi Avropa ölkələrinin VIII Beynəlxalq Keyfiyyət Turnirində Azərbaycanı ilk dəfə olaraq "Mətanət A" şirkəti təmsil etmiş və FİNALİST 2012 diplomu və kuboku qazanıb.
- 21 may 2013-cü ildə isə şirkət Rusiyanın Azərbaycandakı səfirliyi, Rusiyanın ölkəmizdəki ticarət nümayəndəliyi tərəfindən Azərbaycan-Rusiya İşgüzar Əməkdaşlıq Palatası (ARİƏP) ilə birlikdə təsis edilmiş “Proqress” mükafatını “Müasir texnologiyaların Rusiya bazarında irəlilədilməsinə görə” nominasiyası üzrə mükafatlanıb.
- Özbəkistanın Qaşqadərya vilayətində gips və gipskarton (alçıpan) məhsulları istehsalı zavodunun tikintisinə başlamışdır. 2024-cü ilin avqust ayında zavodun təməlqoyma mərasimi keçirilmişdir. [8]
- 2023-cü ilin yanvar ayında "Mətanət A" şirkəti Misirdə yeni zavod tikmək planlarını açıqlamışdır. Bu qərar Misir Prezidenti Əbdülfəttah Əs-Sisinin Bakıda Azərbaycan iş adamları ilə görüşü zamanı elan edilmişdir. [9]
- matanatacom — rəsmi saytı
- Mətanət A — Facebook səhifəsi
- Mətanət A kanalı — YouTube platformasında
Bu məqalədəki istinadlar müvafiq istinad şablonları ilə göstərilməlidir. |
- ↑ "Azərbaycanın tikinti materialları istehsal edən müəssisəsi "Mətanət-A" şirkətinə satıldı".
- ↑ "İnşaat sektorunun iki aparıcı şirkəti üz-üzə".
- ↑ ""Mətanət – A" şirkəti məhkəməyə üz tutdu".
- ↑ ""Mətanət-A" şirkətinin Yeni Ağdağ gips zavodunun açılışı".
- ↑ "İlham Əliyev Qazaxda əhəng zavodunun açılışında iştirak edib" (#bad_url).
- ↑ "Zavodda hazırlanan məhsulların 60 %-i daxili bazarın tələbatının ödənilməsi, 40 %-i isə ixracat üçün nəzərdə tutulub" (#bad_url).
- ↑ "Sertifikatlar".
- ↑ ""Mətanət A" şirkətinin Özbəkistanda zavodunun təməli qoyulub".
- ↑ ""Mətanət-A" şirkəti Misir bazarında".