Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinHəsənova Məryəm Mirdaməd qızı[1] (1938, Bakı – 29 iyul 2018, Bakı) — Azərbaycan Milli Məclisinin sabiq üzvü, istiqlalçı millət vəkili.[2][3]
| Məryəm Həsənova | |
|---|---|
.jpg) | |
| Şəxsi məlumatlar | |
| Doğum tarixi | 1938 |
| Doğum yeri | |
| Vəfat tarixi | 29 iyul 2018 (79–80 yaşında) |
| Vəfat yeri | |
| Partiya | |
| Təhsili |
|
| Fəaliyyəti | legislator |
1938-ci ildə Bakıda anadan olmuşdur. Orta təhsilini Bakıda 190 nömrəli orta məktəbdə almışdır. Azərbaycan Dövlət Universitetinin Filologiya fakültəsini bitirmişdir. Həyatının sonrakı mərhələləri Siyəzən rayonunda keçmişdir.
Bir müddət Siyəzən rayonunda direktor vəzifəsində çalışmış, Azərbaycan dili və ədəbiyyatı fənnindən dərs demişdir. 2010-cu ildə işdən çıxmışdır.[2]
1990-cı ilin sentyabr ayının 30-da deputat seçilməsi elan edildikdən az sonra, 6 oktyabrda qardaşı, qardaşının həyat yoldaşı, bacısı, bacısı oğlu avtomobil qəzasına düşərək həlak olmuşdur. Ondan sonra həyatının sonuna qədər başına qara yaylıq örtmüşdür.
Anasının xahişi ilə ailə həyatı qurmuş və həyat yoldaşını 2009-cu ildə itirmişdir. Övladları olmamışdır.
1990-cı il 6 oktyabrda Milli Məclisə deputat seçilir.[4] 1990–1995-ci illərdə cəmi 51 nəfərdən ibarət olan Azərbaycan parlamentinin yeganə qadın üzvü olan Məryəm Həsənova 1991-ci ilin 18 oktyabrında qəbul olunmuş Müstəqillik haqqında Konstitusiya Aktına səs verənlərdən, "Müstəqil Azərbaycan" deputat blokunun 43 üzvündən biri olmuşdur.[5]
Azərbaycanın Sovet İttifaqından ayrılaraq müstəqil olması üçün mübarizə aparan Demblokun 25 üzvündən biri olan M.Həsənova vaxtilə Azərbaycan Ali Sovetinin məşhur 4-cü mikrofonda ilk çıxış edən deputatdır. İndiki Siyəzən rayonunun yaradılmasında onun xüsusi rolu var. O zaman məhz onun təklifindən sonra rayon təşkil edilib.[2]
2000-ci il parlament seçkilərində Məryəm Həsənova Müsavat Partiyasının proporsional seçki üzrə vahid namizədlər siyahısında partiya daxili keçirilmiş praymerizə əsasən 28-ci sırada olmuşdur.[6] Müsavat Partiyası proporsional seçkilər üzrə 140 546 səs (ümumi səslərin 4.85%-i) toplamış, lakin 6%-lik seçki həddini keçə bilmədiyi üçün mandat qazana bilməmişdir. Beləliklə, Məryəm Həsənova deputat seçilə bilməmişdir.[7][8]
Müstəqillik haqqında dövlət aktının qəbul olunduğu günü belə xatırlayır:[2]
|
Ən şərəfli gün kimi. Həmin gün sevincimdən hönkür-hönkür ağladım. O gün Milli Məclisin zalında şəkil çəkdirdilər. Digərləri kişilər idi deyə, mən getmək istəmirdim. Məni güclə dartıb apardılar. Ona görə də bir qolum düşüb, yumruğumu sıxdığım yerdə. Amma o anları mən həyatımın ən gözəl anları sayıram. Elə bilirdim ki, cənnətin qapısı ağzındayam. Bundan şərəfli, bundan gözəl gün ola bilməzdi. | 
|
Milli Məclisə seçilməsini belə xatırlayır:[2]
|
|
O zaman Zarat kənd məktəbində direktor işləyirdim. Maşın-maşın adamlar gəldi ki, bəs, biz bu işə qoşuluruq, sizin namizədliyinizi irəli sürürük. |
|
Məryəm Həsənova uzun sürən xəstəlikdən sonra 29 iyul 2018-ci il tarixində Bakıda vəfat etmişdir.[9][10] Siyəzəndə dəfn olunub.
- ↑ İstiqlalçı yox, YAP-çı Məryəm Həsənova… Arxivləşdirilib 2021-10-22 at the Wayback Machine musavat.com, 19.10.2011 (az.)
- ↑ 1 2 3 4 5 "Məryəm Həsənova". 22 oktyabr 2021 tarixində arxivləşdirilib. İstifadə tarixi: 29 iyul 2018.
- ↑ "Şikayətləri eşidlməyən istiqlalçı deputatın evindən reportaj". 14 mart 2018 tarixində arxivləşdirilib. İstifadə tarixi: 29 iyul 2018.
- ↑ "Deputat Həsənova Məryəm". 23 fevral 2019 tarixində arxivləşdirilib. İstifadə tarixi: 29 iyul 2018.
- ↑ ""Müstəqil Azərbaycan" deputat bloku". 31 iyul 2018 tarixində arxivləşdirilib. İstifadə tarixi: 29 iyul 2018.
- ↑ "2000-ci ilin və bu günün Müsavat Partiyası - deputatlığa namizədləri müqayisə etsək... (FOTOLAR)". musavat.com. 29 aprel 2023 tarixində arxivləşdirilib. İstifadə tarixi: 8 yanvar 2024.
- ↑ "2000-ci il parlament seçkilərinin nəticəsi". 26 iyul 2011 tarixində arxivləşdirilib. İstifadə tarixi: 30 may 2022.
- ↑ "2000-2001-ci illər parlament seçkiləri haqqında yekun hesabat" (PDF). 1 avqust 2021 tarixində arxivləşdirilib (PDF). İstifadə tarixi: 30 may 2022.
- ↑ "İstiqlalçı deputat". 29 iyul 2018 tarixində orijinalından arxivləşdirilib. İstifadə tarixi: 29 iyul 2018.
- ↑ "İstiqlalçı deputat vəfat etdi". 2 avqust 2018 tarixində arxivləşdirilib. İstifadə tarixi: 29 iyul 2018.