Mərkəziasiyaşünaslıq — Mərkəzi Asiyanın mədəniyyətini, tarixini və dillərini öyrənən elm. Asiyaşünaslığın və şərqşünaslığın bölümü.
Sosial elm kimi Mərkəziasiyaşünaslığın kökləri XIX əsrin Britaniya–Rusiya "Böyük oyunu"na gedib çıxır. XIX əsrdə Britaniya və Rusiya agentləri, əsgərləri, alimləri tərəfindən regiona edilən çoxsaylı səfərlər sayəsində Mərkəzi Asiya sistemli məlumat toplanması və təşkili obyektinə çevrilmişdir. Sovet İttifaqının dağılmasından sonra bu sahəyə maraq xeyli artmışdır. Müasir dövrdə Mərkəziasiyaşünaslıq bütün dünyada bir çox alimlər, institutlar və akademik proqramlar ilə təmsil olunur.
XIX əsrin sonlarında Rusiya şərqşünası Vasili Vladimiroviç Bartold Mərkəzi Asiya tarixinin müasir tədqiqatının banisi hesab olunur. 1991-ci ildə Sovet İttifaqının dağılması Mərkəzi Asiyanın öyrənilməsinə marağın artmasına səbəb oldu.[1]
- ↑ Levi, Scott C. "Early Modern Central Asia in World History". History Compass. 10 (11). 2012: 866–878. doi:10.1111/hic3.12004. ISSN 1478-0542. 2023-08-04 tarixində arxivləşdirilib. İstifadə tarixi: 2023-02-05.