Mərdan Əhməd oğlu Mehdizadə (25 mart 1979, Göybulaq, Şəki rayonu – 12 oktyabr 2020, Füzuli rayonu) — Azərbaycan Müdafiə Nazirliyinin Hərbi Dəniz Qüvvələrinin baş miçmanı; 2020-ci ildə Qarabağ müharibəsi zamanı Füzulinin azad edilməsi uğrunda gedən döyüşlərdə şəhid olub, ölümündən sonra "Qarabağ" ordeni ilə təltif edilib.[1]
| Mərdan Mehdizadə | |
|---|---|
 | |
| Şəxsi məlumatlar | |
| Doğum adı | Mərdan Əhməd oğlu Mehdizadə |
| Doğum tarixi | |
| Doğum yeri | Şəki rayonu, Azərbaycan SSR |
| Vəfat tarixi | (41 yaşında) |
| Vəfat yeri | Füzuli rayonu, Azərbaycan |
| Dəfn yeri | Şəki rayonu, Azərbaycan |
| Vətəndaşlığı |
 Azərbaycan |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Hərbi Dəniz Qüvvələri |
| Xidmət illəri | 1997—2020 |
| Rütbəsi |
 Baş miçman |
| Döyüşlər | |
| Təltifləri |
         |
Mərdan Əhməd oğlu Mehdizadə 1979-cu il, martın 25-də Şəki rayonunun Göybulaq kəndində anadan olub.[2][1]
1996-cı ildə Şəki rayonu Çələbixan qəsəbə tam orta məktəbindən məzun olub.[1]
1997-ci ildə Şəki Rayon Hərbi Komissarlığı tərəfindən müddətli həqiqi hərbi xidmətə çağırılıb və 1997–1999-cu illərdə N saylı hərbi hissədə xidmət edib.[1]
1999-ci ildə Azərbaycan Ali Hərbi Dənizçilik Məktəbi nəzdində "Xüsusi təyinatlı gizir və miçmanlar kursu"nu bitirib.[1]
Müdafiə naziri, general-polkovnik Səfər Əbiyevin 1 avqust 1999-cu il tarixli əmri ilə "K/miçman" hərbi rütbəsi verilib.[1]
Azərbaycan Silahlı Qüvvələrində xidmət etdiyi 21 il ərzində dəniz dalğıc gəmisi dalğıc postunun rəisi, axtarış xilasedici gəmilər divizionunun dəniz dalğıc gəmisinin (DDG-109) dalğıc postunun rəisi, xüsusi təyinatlı dəstənin xüsusi təyinatlı qrupunun dalğıcı-qrup komandirinin müavini, hərbi hissənin anbar rəisi, hərbi hissənin qərargah və təchizat bölüyünün təsərrüfat taqımının anbar rəisi, xüsusi təyinatlı dəstənin (sualtı müdafiə) xüsusi təyinatlı qrupunun dalğıcı-kəşfiyyatçısı, xüsusi təyinatlı taborun (xüsusi əməliyyatlar) gəmi əməliyyatları dəstəsinin xüsusi təyinatlı qrupunun dalğıcı-kəşfiyyatçısı, xüsusi təyinatlı taborun (sualtı hücum) xüsusi təyinatlı dəstəsinin xüsusi təyinatlı qrupunun dalğıcı-kəşfiyyatçısı vəzifələrində xidmət edib.[1]
Müxtəlif illərdə müdafiə nazirinin əmrləri ilə 1-ci, 2-ci və 3-cü dərəcəli "Qüsursuz xidmətə görə" medalları, Azərbaycan Silahlı Qüvvələrinin 90 və 95 illiyi, həmçinin "Azərbaycan Ordusunun 100 illiyi" yubiley medalları ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Cəbrayılın və Füzulinin azad edilməsi uğrunda gedən döyüş əməliyyatlarına qatılıb. Oktyabrın 12-də Füzuli istiqamətində döyüş tapşırığının icrası zamanı şəhid olub.[1] Şəki rayonunun Göybulaq dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Cəbrayılın azad olunmasına görə", "Füzulinin azad olunmasına görə" və "Vətən uğrunda" medalları ilə təltif edilib.[4][5][6]
Evli idi. Əkrəm adında bir oğlu və Əfşan adında bir qızı var.
- ↑ 1 2 3 4 5 6 7 8 9 layihənin müəllifi, tərtibatçı-redaktor Abdulla Qurbani. "Vətən müharibəsi şəhidləri: Azərbaycan Ordusunun şəhid zabit və gizirləri:". Azərbaycan Prezidentinin İşlər İdarəsinin Prezident Kitabxanası ( (az.)). 01.10.2022. İstifadə tarixi: 01.10.2022.
- ↑ Müdafiə Nazirliyi. "Vətən müharibəsində şəhid olmuş hərbi qulluqçuların SİYAHISI" (PDF). www.mod.gov.az ( (az.)). 01.10.2022. 2022-08-22 tarixində arxivləşdirilib (PDF). İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 09.12.2020-ci il tarixli 2338 nömrəli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Cəbrayılın azad olunmasına görə" medalı ilə təltif edilməsi haqqında Azərbaycan Prezidentinin 24.12.2020-ci il tarixli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycanın ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 05.11.2021-ci il tarixli Sərəncamı". www.e-qanun.az ( (az.)). 01.10.2022. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.