Məqsəd Səttarov (13 may 1924, Qazax rayonu – 2000, Bakı) — elmlər doktoru (1964), professor (1968), AMEA-nın müxbir üzvü (1989).[1]
| Məqsəd Səttarov | |
|---|---|
| Məqsəd Məhəmmədəli oğlu Səttarov | |
| Doğum tarixi | 13 may 1924 |
| Doğum yeri | |
| Vəfat tarixi | 2000 (75–76 yaşında) |
| Vəfat yeri | |
| Elm sahəsi | fəlsəfə |
| Elmi dərəcələri | |
| İş yeri | |
| Üzvlüyü | |
Məqsəd Məhəmmədəli oğlu Səttarov 13 may 1924-cü ildə Qazax rayonunda kəndli ailəsində anadan olub. O, 1945-ci ildə Bakı Dövlət Universitetinin Tarix fakültəsinin nəzdindəki Fəlsəfə şöbəsinə daxil olub, 1950-ci ildə oranı fərqlənmə diplomu ilə bitirib. Məqsəd Səttarov professor Tofiq Məmmədovun əmisi oğludur.[1]
Məqsəd Səttarov Azərbaycan Milli Elmlər Akademiyası Fəlsəfə və Hüquq İnstitutunda şöbə müdiri və Azərbaycan EA Fəlsəfə kafedrasının müdiri vəzifələrində çalışıb.[2]
Məqsəd Səttarov 1954-cü ildə fəlsəfə doktoru, 1964-cü ildə elmlər doktoru dissertasiyası müdafiə edib. 1968-ci ildə isə professor elmi adını alıb. 1989-cu ildə Azərbaycan Milli Elmlər Akademiyasının müxbir üzvü seçilib.[1]
Məqsəd Səttarovun elmi fəaliyyəti əsasən, din və ateizm tarixi, nəzəriyyəsi, həmçinin ictimai şüurun inkişaf qanunauyğunluqları istiqamətlərini əhatə edib. Azərbaycanın mənəvi-mədəni həyatında islamın yeri və rolu, Azərbaycanda ateist fikir kimi məsələləri, ictimai şüurun strukturu və onun ünsürlərinin qarşılıqlı təsiri, ictimai şüurun yeniləşdirilməsi və sağlamlaşdırılması yollarını araşdırıb.[2]
Məqsəd Səttarov 10 monoqrafiya, 4 kitab, 21 kitabça və 60-a yaxın məqalənin müəllifidir. Həmçinin bir sıra elmi nəşrlərin redaksiya heyətinin üzvü olub. Alimin fəlsəfə üzrə yüksək ixtisaslı kadrların hazırlanmasında böyük xidmətləri olub. Onun rəhbərliyi altında 30-dan çox elmlər namizədi və elmlər doktoru dissertasiya müdafiə edib.[2]
- N. Nərimanov və din. Bakı, 1995
- İnsan və cəmiyyət haqqında düşüncələr. Bakı , 2000
Məqsəd Səttarov 2000-ci ildə Bakı şəhərində vəfat edib.[1]
Məqsəd Səttarov Müharibə və əmək veteranı kimi medallarla və fəxri fərmanlarla təltif edilmişdir.[2]
- ↑ 1 2 3 4 "Səttarov Məqsəd Məhəmmədəli oğlu". science.gov.az. 26 sentyabr 2023 tarixində arxivləşdirilib. İstifadə tarixi: 29 iyul 2024.
- ↑ 1 2 3 4 "Səttarov Məqsəd Məhəmmədəli oğlu". nkpi.az. 2016-06-10. İstifadə tarixi: 29/07/2024.
- Azərbaycan Milli Elmlər Akademiyasının üzvləri haqqında məlumat kitabı. II cild. Bakı, Elm, 2005. səh. 291