Mənzum hekayə — nəzmlə yazılır, şeir şəklində olur. Mənzum hekayələr müxtəlif mövzularda olsa da, onların mərkəzində baş qəhrəmanın həyatının bir səhnəsi, başına gələn bir hadisə yığcam şəkildə təsvir olunur. Belə əsərlərdə yazıçı bir və ya bir neçə adamla bağlı əhvalatı, onların qarşılıqlı əlaqəsini əks etdirir.
Nizami Gəncəvi, Qasım bəy Zakir, Seyid Əzim Şirvani və başqa sənətkarlar maraqlı mənzum hekayələr yazmışlar. Abbasqulu ağa Bakıxanovun "Hikmətin fəziləti" əsəri mənzum hekayə olub müdrik bir qoca ilə bağlı ibrətamiz hadisəni əks etdirir.[1]