Mənsur ibn Yunus ibn Səlahəddin əl-Buhuti (ərəb. البهوتي; 1591 – 19 iyul 1641, Qahirə) — Hənbəli fəqihi.
| Mənsur əl-Buhuti | |
|---|---|
| ərəb. البهوتي | |
 | |
| Doğum tarixi | 1591 |
| Vəfat tarixi | 19 iyul 1641 (49–50 yaşında) |
| Vəfat yeri | |
| Elm sahəsi | fiqh |
| Təhsili | |
Hicri 1000-ci (1591) ildə Şimali Misirin (və ya Qərbi Misir)[1] Buhut kəndində anadan olub. Buna görə də nisbəsi "Buhuti"dir (Bəhuti). Buhuti Yəhya ibn Musa əl-Həccavi, Əbdürrəhman ibn Yusif əl-Buhuti, Abdullah əd-Dənəvşəri, Əbdülqədir əd-Dənəvşəri, Əhməd əl-Varisi, Yusif əl-Buhuti və Məhəmməd əl-Mərdavi kimi dövrünün qabaqcıl alımlərindən təhsil almış, Əl-Əhzərdə müəllimlik etmişdir. Onun yanına Hicaz, Nəcd, Suriya və Qüds başda olmaqla İslam dünyasının müxtəlif yerlərindən Hənbəli fiqhini öyrənmək üçün tələbələr gəlmişdir. İbrahim ibn Əbu Bəkr əs-Salehi, Əbdülbəqi əd-Dəməşqi, Yusif əl-Kərmi, Yasin əl-Ləbidi, Məhəmməd əl-Xəlvəti, Məhəmməd əl-Buhuti və Məhəmməd ibn Əbüs-Sürur əl-Buhuti onun ən qabaqcıl tələbələridir. Buhuti 10 Rəbiül-axir hicri 1051-ci (19 iyul 1641) ildə Qahirədə vəfat etmişdir.[2]
Mənsur əl-Buhuti "Kəşşafül-qinə ən (mətn)il-İqnə", "Dəqaiqu ulin-nuhə li-Şərhil-Müntəha", "ər-Rəvzül-mürbi", "Minəhuş-şifəş-şəfiyat fi şərhil-Müfrədat", "Ümdətüt-talib" adlı əsərlərin müəllifidir.[3]
- ↑ "البهوتي". المكتبة الشاملة. 24 yanvar 2026 tarixində arxivləşdirilib. İstifadə tarixi: 24 yanvar 2026.
- ↑ ed-Dib, A. Mahmud. "Buhuti". TDV İslâm Ansiklopedisi. 1992. 24 yanvar 2026 tarixində arxivləşdirilib. İstifadə tarixi: 24 yanvar 2026.
- ↑ "منصور البهوتي". Usul. 24 yanvar 2026 tarixində arxivləşdirilib. İstifadə tarixi: 24 yanvar 2026.