Məmməd Tağı oğlu Tağıyev (28 aprel 1921, Səfərəliyev, Gəncə qəzası – 29 sentyabr 1994, Bakı) — Azərbaycan dilçi-filoloqu, filologiya elmləri doktoru (1966), professor (1968). Azərbaycan SSR əməkdar elm xadimi (1981).[1][2]
| Məmməd Tağıyev | |
|---|---|
| Məmməd Tağı oğlu Tağıyev | |
 | |
| Doğum tarixi | 28 aprel 1921 |
| Doğum yeri | |
| Vəfat tarixi | 29 sentyabr 1994 (73 yaşında) |
| Vəfat yeri | |
| Vətəndaşlığı |
 SSRİ→ Azərbaycan |
| Elm sahələri | dilçilik, leksikologiya, leksikoqrafiya, fonologiya |
| İş yeri | |
| Mükafatları |
   |
Məmməd Tağıyev 28 aprel 1921-ci ildə anadan olmuşdur. O, 1954-cü ildə Moskva şəhərində namizədlik, 1966-cı ildə Bakıda doktorluq dissertasiyası müdafiə etmişdir. 1968-ci ildə professor elmi adı almışdır.
Məmməd Tağıyev 1963–1970-ci illərdə BDU-da Rus dilçiliyi kafedrasının müdiri, 1970–1972-ci illərdə Bakı Slavyan Universitetinin rektoru, 1972–1994-cü illərdə Müasir rus dili kafedrasının müdiri olmuşdur.
O, Respublikada rusistikanın təməlini qoymuş və rus dilçiliyi sahəsində elmlər doktoru adım almış ilk azərbaycanlıdır. Məmməd Tağıyev rus dilçiliyi problemlərinə dair ümumittifaq elmi konfranslarında, SSRİ Müəllimlərinin III Qurultayında (Moskva, 1978) məruzələr etmişdir. O, rusistikanın leksikologiya, leksikoqrafiya, frazeologiya, frazeoqrafiya, fonologiya, dil tarixi, sintaksis və linqvometodika kimi sahələrində 200-ə yaxın elmi əsərin, milli məktəblərdə rus dilinin tədrisi məsələlərinə dair tədqiqatların, Azərbaycan məktəbləri üçün rus dili dərsliklərinin müəllifidir. Məmməd Tağıyev elmi kadrların hazırlanmasında böyük xidməti olmuşdur.
Məmməd Tağıyev 1981-ci ildə Əməkdar elm xadimi adına layiq görülmüşdür. Məmməd Tağıyev "Qırmızı əmək bayrağı", "Qırmızı ulduz" ordenləri və medallarla təltif edilmişdir.
- ↑ Тағыјев Мәммәд Тағы оғлу // Азәрбајҹан Совет Енсиклопедијасы: [10 ҹилддә]. IX ҹилд: Спутник—Фронтон. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1986. С. 121.
- ↑ Bakı Dövlət Universitetinin professorları. Bakı: Bakı Universiteti. 2014.