Məmməd Alpay (tam adı: Məmməd Abduləli oğlu Alpay (əvvəl: Məmmədzadə); 24 fevral 1990) — azərbaycanlı insan hüquqları fəalı və siyasi məhbus; “Seçki Müşahidə” Alyansının təsisçisi və rəhbəri.
| Məmməd Alpay | |
|---|---|
.jpg) Məmməd Alpay 2024-cs ildə | |
| Doğum tarixi | |
| Vətəndaşlığı | Azərbaycan |
| Təhsili | |
| Fəaliyyəti | insan hüquqları fəalı |
| Fəaliyyət illəri | 2013— |
Hazırda Ədliyyə Nazirliyinin Penitensiar Xidmətinin Bakı İstintaq Təcridxanasında saxlanılır.
Məmməd Abduləli oğlu Məmmədzadə 1990-cı il fevralın 24-də anadan olub. 2007-ci ildə Bakı Dövlət Universitetinə (BDU) qəbul olub və 2011-ci ildə politologiya ixtisası üzrə məzun olub. 2013-2016-cı illərdə fəlsəfə tarixi ixtisası üzrə magistr dərəcəsi alıb.
2010-2012-ci illərdə siyasi analiz və təhqiqatları dərc olunub.
Məmməd Məmmədzadə 2013-2024-cü illərdə Gürcüstan, Ukrayna və Slovakiyada baş tutan prezident və parlament seçimlərində müşahidəçi missiyasında olub.
2013-cü ilin oktybarında Demooratik Seçkilər naminə Avropa Platformasının (EPDE) heyətində Gürcüstanda prezident seçimlərində qısamüddətli müşahidəçi missiyasında olub.
Seçkilərin Monitorinqi Təşkilatlarının Avropa Şəbəkəsinin heyətində (ENEMO) 2014-cü ilin may-iyun aylarında Ukraynada prezident seçimlərində uzunmüddətli müşahidəçi missiyasında, həmin ilin oktyabrında parlament seçimlərində isə qısamüddətli müşahidəçi missiyasında olub.
2016-cı ilin martında EPDE heyətində Slovakiyada parlament seçimlərində qısamüddətli müşahidəçi missiyasında olub.
2017-ci ilin sentyabrında Norveç Helsinki Komitəsinin heyətində Norveçdə parlament seçimlərində qısamüddətli müşahidəçi missiyasında olub.
Məmməd Alpay 2025-ci il martın 15-də Azərbaycan Baş Prokurorluğunun İstintaq İdarəsi (əvvəl Ağır Cinayətlərə dair İşlər üzrə İstintaq İdarəsi) tərəfindən 2014-cü ildə bir sıra yerli və beynəlxalq QHT-lərə qarşı açılmış, 2023-də bəzi QHT-lərə münasibətdə xitam verilən, amma istintaqı davam edən cinayət işi çərçivəsində saxlanılıb.