Məmməd Abdullayev (d. 7 iyul 1976) - taekvondo üzrə Azərbaycan milli komandasının keçmiş üzvü və hal-hazırki baş məşqçisi.
| Məmməd Abdullayev | |
|---|---|
| Məmməd Kamil oğlu Abdullayev | |
| Vətəndaşlığı |
 Azərbaycan |
| Atası | Kamil Abdullayev |
| Milliyyəti | Azərbaycanlı |
| Mükafatları |
"İlin ən yaxşı kişi məşqçisi" (2024) 3 dərəcəli Əmək ordeni |
Məmməd Kamil oğlu Abdullayev 1994-2001-ci illər ərizndə taekvondo üzrə Azərbaycan milli komandasında idmançı olaraq çıxış edib. 2003-cü ildə gənclərdən ibarət Azərbaycan milli yığma komandasının böyük məşqçisi təyin olunub. 2005-ci ildə isə ilk dəfə yaranmış yeniyetmələrdən ibarət milli komandaya baş məşqçi təyin olunub. 2005-2007 ci illərdə rəhbərlik etdiyi yeniyetmələrdən ibarət milli komanda (İtaliya-2005), (Macarıstan-2007) Avropa çempionu olmuşdur. 2012-ci ildə gənclərdən ibarət Azərbaycan millisinə baş məşqçi vəzifəsinə təyin olunub.[1][2] 2014 cü ildə gənclərin dünya çempionatı və lisenziya (Çin Taypey-2014) turnirində 1 qızıl, 1 gümüş və 1 bürünc, eləcə də Gənclər Olimpiya oyunlarına (Nanjing-2014) 4 lisenziya qazanaraq dünyanın ən yaxşı məşqçisi secilmişdir. 2014-cü ildə rəhbərlik etdiyi Gənclər Olimpiya komandası Nanjing-2014 Gənclərin Olimpiya Oyunlarında 1 qızıl, 1 gümüş medal qazanaraq Azərbaycan taekvondo tarixində ilk Olimpiya medalını qazanmış komanda kimi tarixə düşüb.[3]
2012-2023 cü ildə rəhbərlik etdiyi gənclər milli yığması Avropa, dünya, Gənclərin Olimpiya Oyunlarının qalib və mükafatçısı olmuşdur. 2023-cü ildə böyüklərdən ibarət milli yığma komandanın baş məşqcisi təyin edilib. Rəhbərlik etdiyi milli yığma komandanın tərkibində Qaşım Maqomedov Paris-2024 Olimpiya Oyunlarının gümüş mükafatçısı olub.[4]
- 2024-cü il ilin idman yekunlarına əsasən "İlin ən yaxşı kişi məşqçisi" secilib.[5]
- Azərbaycan Respublikası Prezidenti İlham Əliyevin sərəncanı ilə 3 dərəcəli Əmək ordeni ilə təltif olunub.[6][7][8]
- Azərbaycan Respublikasının Fəxri Bədən Tərbiyəsi və İdman İşçisi
- Taekvondo üzrə Azərbaycanın Əməkdar Məşqçisi
- ↑ "Azərbaycanın bütün yığmalarının baş məşqçiləri təsdiqləndi - EKSKLÜZİV". Lent.az (az.). İstifadə tarixi: 2025-02-17.
- ↑ "Azərbaycan taekvondoçuları İsveçə yollanır". Milli.Az (az.). 2012-02-06. İstifadə tarixi: 2025-02-17.
- ↑ "Azərbaycan yığmalarının məşqçiləri təsdiqlənib - SİYAHI". Report İnformasiya Agentliyi (az.). 2020-06-21. İstifadə tarixi: 2025-02-17.
- ↑ "Azərbaycan Taekvondo Federasiyası - Məşqçilər". taekwondo.az. İstifadə tarixi: 2025-02-17.
- ↑ Studio, Balans Web. "Milli Olimpiya komandasının üzvləri təltif edilib". ANS Press (az.). 2024-08-13. İstifadə tarixi: 2025-02-17.
- ↑ "PressSport". presssport.az. İstifadə tarixi: 2025-02-17.
- ↑ Apasport.az. "Azərbaycan Milli Olimpiya komandasının üzvləri təltif edilib - SİYAHI". Apasport.az (az.). İstifadə tarixi: 2025-02-17.
- ↑ "Hidayətlə Zelimə "Şöhrət" ordeni verildi". sportal.az (ingilis). İstifadə tarixi: 2025-02-17.