Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinMəmməd Cəfərqulu oğlu Abbasov (10 avqust 1949, Çərçiboğan, Noraşen rayonu) — Azərbaycan dövlət xadimi, Azərbaycan Kommunist Partiyası İliç (Şərur) Rayon Komitəsinin birinci katibi (1988–1991), Naxçıvan Muxtar Respublikası Baş nazirinin birinci müavini (1991–2003), Naxçıvan MR Baş nazirinin müavini — kənd təsərrüfatı naziri (2003–2013).
| Məmməd Abbasov | |
|---|---|
| 2003 – 4 fevral 2013 | |
| Baş nazir | Əlövsət Baxşıyev |
| 1991 – 2003 | |
| Baş nazir | Şəmsəddin Xanbabayev Əlövsət Baxşıyev |
| 13 sentyabr 1988 – 1991 | |
| Əvvəlki | Tahir Əliyev |
| Şəxsi məlumatlar | |
| Doğum tarixi | 10 avqust 1949 (76 yaş) |
| Doğum yeri | |
| Partiya | |
| Təhsili |
|
|
|
|
| Təltifləri |
 |
.svg){kind=small}
Məmməd Cəfərqulu oğlu Abbasov 10 avqust 1949-cu ildə hazırkı Naxçıvan Muxtar Respublikası Şərur rayonunun Çərçiboğan kəndində anadan olmuşdur. 1973-cü ildə Azərbaycan Xalq Təsərrüfatı İnstitutunu bitirmişdir. 1979-cu ildən Çərçiboğan kolxozunda baş iqtisadçı, M. Hüseynzadə adına kolxozda sədr, 1981-ci ildən isə Naxçıvan MSSR Nazirlər Sovetində Kənd təsərrüfatı şöbəsinin müdiri işləmişdir.[1]
1982-ci ildə partiya işinə keçərək Azərbaycan Kommunist Partiyası Naxçıvan Vilayət Komitəsində şöbə müdiri, 1985-ci ildən Azərbaycan KP Mərkəzi Komitəsinin Təşkilat-partiya işi şöbəsində inspektor işləmiş, 1986–1988-ci illərdə Sov.İKP MK yanında İctimai Elmlər Akademiyasında 2 il əyani təhsil almışdır. 1988-ci ildən Azərbaycan KP İliç (Şərur) Rayon Komitəsinin birinci katibi vəzifələrində çalışmışdır. 1991-ci ildə Naxçıvan Muxtar Respublikası Baş nazirinin birinci müavini təyin edilmişdir.[1] Sonralar Naxçıvan MR Baş nazirinin müavini — kənd təsərrüfatı naziri işləmiş, 4 fevral 2013-cü ildə vəzifəsindən azad olunmuşdur.[2]
Məmməd Abbasov XI çağırış Naxçıvan MSSR Ali Sovetinin, XII çağırış Azərbaycan Respublikası Ali Sovetinin, I çağırış Naxçıvan Muxtar Respublikası Ali Məclisinin deputatı seçilmişdir. 29 avqust 1991-ci ildə və 5 mart 1992-ci ildə Azərbaycan Respublikası Ali Soveti fövqəladə sessiyalarında redaksiya komissiyası tərkibinə daxil edilmişdir.[3][4]
- ↑ 1 2 Abbasov Məmməd Cəfərqulu oğlu // Azərbaycanda kim kimdir? (Ensiklopedik sorğu kitabı). Müəllif və tərtibçi: Tariyel Cahangir. Bakı: "Çıraq" nəşriyyatı. 2004. S. 77.
- ↑ "M. C. Abbasovun Naxçıvan Muxtar Respublikası Baş nazirinin müavini-kənd təsərrüfatı naziri vəzifəsindən azad edilməsi haqqında Naxçıvan Muxtar Respublikası Ali Məclisi Sədrinin Fərmanı". Şərq qapısı. 4 fevral 2013. İstifadə tarixi: 15 fevral 2024.[ölü keçid]
- ↑ "Azərbaycan Respublikası Ali Soveti növbədənkənar sessiyasının Redaksiya komissiyasının seçilməsi haqqında". e-qanun.az. 29 avqust 1991. 15 fevral 2024 tarixində arxivləşdirilib. İstifadə tarixi: 15 fevral 2024.
- ↑ "Azərbaycan Respublikası Ali Soveti fövqəladə sessiyası redaksiya komissiyasının seçilməsi haqqında Azərbaycan Respublikası Ali Sovetinin Qərarı". e-qanun.az. 5 mart 1992. 15 fevral 2024 tarixində arxivləşdirilib. İstifadə tarixi: 15 fevral 2024.