Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinMəmməd Aslan oğlu Abbasbəyli (17 may 1975, Gəncə) — ABŞ-ın Nyu-York ştatının Vəkillər Kollegiyasının (New York Bar) həqiqi üzvü[1], İqtisadiyyat nazirinin müşaviri (2019–2020), Antiinhisar və İstehlak Bazarına Nəzarət Dövlət Xidmətinin sabiq rəisi.[2] İqtisadiyyat nazirinin müşaviri (2025-ci ildən)[3][4]
| Məmməd Abbasbəyli | |
|---|---|
| 23 dekabr 2021 – 12 fevral 2025 | |
| Sonrakı | Elnur Bağırov (agentlik sədri kimi) |
| Şəxsi məlumatlar | |
| Doğum tarixi | 17 may 1975 (50 yaş) |
| Doğum yeri | |
| Partiya | Yeni Azərbaycan Partiyası |
| Təhsili | Xəzər Universiteti, Bakı Dövlət Universiteti |
| İxtisası | Hüquqşünas |
| Atası | Aslan Abbasov |
Məmməd Aslan oğlu Abbasbəyli 1975-ci il mayın 17-də hazırkı Gəncə şəhərində anadan olmuşdur. 1992–1997-ci illərdə Xəzər Universitetində Beynəlxalq əlaqələr və Bakı Dövlət Universitetində Hüquq üzrə ali təhsil almışdır.[5] 1999-cu ildə ABŞ-ın Perdyu Universitetində (Purdue University) ABŞ-ın xarici siyasət tarixi, 2000-ci ildə ABŞ-ın Corc Vaşinqton Universitetində (George Washington University) Hüquq üzrə magistr dərəcələri almışdır.[6]
Ailəlidir, 3 övladı var.
Əmək fəaliyyətinə 2000-ci ildə ABŞ-ın Nyu-York şəhərində yerləşən "Salans Hertzfeld & Heilbronn" hüquq şirkətində başlayıb və 2003-cü ilədək şirkətin Bakı ofisində fəaliyyətini davam etdirib. 2000-ci ildən ABŞ-ın Nyu-York ştatının Vəkillər Kollegiyasının (New York Bar) həqiqi üzvüdür. 2004–2008-ci illərdə "Azpetrol International Holdings B. V.", "EUPEC Pipe-Coatings LLC" və "BP Group" kimi bir sıra iri xarici sənaye və investisiya korporasiyalarında hüquqşünas, hüquq bölməsinin rəhbəri və baş menecer vəzifələrində çalışıb.
2009–2014-cü illərdə Azərbaycanda aktivlərin idarə olunması üzrə fəaliyyət göstərən "CRA Group" şirkətinin baş icraçı direktoru vəzifəsində çalışıb. Eyni dövrdə, mobil və stasionar rabitə və telekommunikasiya şirkətlərinin, xarici qızıl və əlvan metal hasilatı şirkətinin, neft-qaz və iri tikinti sənayəsi şirkətlərinin direktorlar şuralarının üzvü, həmsədri və sədri kimi fəaliyyət göstərib.
2013–2014-cü illərdə ADA Universitetinin biznes fakültəsinin Himayədarlar Şurasının üzvü və Şura nəzdindəki komitənin həmsədri olub.
2016-cı ildə Azərbaycan Alpinizm Federasiyasının prezidenti seçilib və 52 gün fəaliyyət göstərib. (16.02.2016[7][8] — 09.04.2016[9])
2019–2020-ci illərdə İqtisadiyyat nazirinin müşaviri vəzifəsində çalışıb.[10]
2020-ci Azərbaycan Respublikasının İqtisadiyyat Nazirliyi yanında Sahibkarlığın İnkişafı Fondunun Müşahidə Şurasının üzvü və Azərbaycan Respublikasının İqtisadiyyat Nazirliyinin Apellyasiya Şurasının üzvü təyin edilib.[11][12]
Azərbaycan Respublikasının Prezidentinin 8 iyul 2020-ci il tarixli Sərəncamı ilə Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəis müavini vəzifəsinə təyin edilib.
Azərbaycan Respublikasının Prezidentinin 30 mart 2021-ci il tarixli Sərəncamı ilə "Bakı Metropoliteni" Qapalı Səhmdar Cəmiyyətinin Müşahidə Şurasının üzvü təyin edilib.[13][14]
Azərbaycan Respublikasının Prezidentinin 23 dekabr 2021-ci il tarixli Sərəncamı ilə Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi vəzifəsinə təyin edilib.[15][16][17]
12 fevral 2025-ci ildə Antiinhisar və İstehlak Bazarına Nəzarət Dövlət Xidməti Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinə çevrilib. Yeni agentliyin yaradılması ilə əvvəlki qurumun (Dövlət Xidmətinin) rəisi Məmməd Abbasbəyli vəzifəsini itirib.[18]
21 aprel 2025-ci ildə yenidən İqtisadiyyat nazirinin müşaviri təyin olunub.[19][20]
- ↑ "Abbasbəyli Məmməd Aslan oğlu". 28 yanvar 2023 tarixində arxivləşdirilib. İstifadə tarixi: 19 noyabr 2023.
- ↑ "Məmməd Abbasbəyli Dövlət Xidmətinə rəis təyin edildi". 19 noyabr 2023 tarixində arxivləşdirilib. İstifadə tarixi: 19 noyabr 2023.
- ↑ Məmməd Abbasbəyli nazir müşaviri təyin edildi
- ↑ Məmməd Abbasbəyli nazirin müşaviri vəzifəsini icra edəcək
- ↑ "Prezidentin yüksək vəzifə verdiyi Məmməd Abbasbəyli kimdir? - DOSYE". 19 noyabr 2023 tarixində arxivləşdirilib. İstifadə tarixi: 19 noyabr 2023.
- ↑ "Prezidentin yüksək vəzifə verdiyi Məmməd Abbasbəyli kimdir?". 28 sentyabr 2022 tarixində arxivləşdirilib. İstifadə tarixi: 19 noyabr 2023.
- ↑ "Alpinizm Federasiyasının rəhbərliyində dəyişiklik". turan.az (az.). 28 fevral 2024. 28 fevral 2024 tarixində arxivləşdirilib. İstifadə tarixi: 28 fevral 2024.
- ↑ "Alpinizm Federasiyasına yeni prezident seçilib". Oxu.Az (az.). 16 fevral 2016. İstifadə tarixi: 28 fevral 2024.
- ↑ "Alpinizm Federasiyasına yeni prezident seçilib". Azərtac. 8 aprel 2019 tarixində arxivləşdirilib. İstifadə tarixi: 28 fevral 2024.
- ↑ "Yerli şirkətlərə hansı halda güzəşt olunacaq?". 19 noyabr 2023 tarixində arxivləşdirilib. İstifadə tarixi: 19 noyabr 2023.
- ↑ "Məqsədimiz sahibkarlar üçün bərabər imkanlar yaratmaqdır - Məmməd Abbasbəyli". 19 noyabr 2023 tarixində arxivləşdirilib. İstifadə tarixi: 19 noyabr 2023.
- ↑ "Məmməd Abbasbəyli: Keyfiyyətlə bağlı ilin sonunda ölkədə böyük sıçrayış olacaq". 19 noyabr 2023 tarixində arxivləşdirilib. İstifadə tarixi: 19 noyabr 2023.
- ↑ "Bakı Metropoliteni" Qapalı Səhmdar Cəmiyyətinin Müşahidə Şurası
- ↑ "Bakı Metropoliteni" Qapalı Səhmdar Cəmiyyətinin Müşahidə Şurasının tərkibinin təsdiq edilməsi haqqında
- ↑ "M.A.Abbasbəylinin Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi təyin edilməsi haqqında Azərbaycan Respublikası Prezidentinin Sərəncamı". 15 yanvar 2022 tarixində arxivləşdirilib. İstifadə tarixi: 19 noyabr 2023.
- ↑ "Məmməd Abbasbəyli Dövlət Xidmətinin rəisi təyin edildi". 19 noyabr 2023 tarixində arxivləşdirilib. İstifadə tarixi: 19 noyabr 2023.
- ↑ "İqtisadiyyat Nazirliyi Məmməd Abbasbəylinin rəis təyin edilməsilə bağlı məlumat yaydı". 19 noyabr 2023 tarixində arxivləşdirilib. İstifadə tarixi: 19 noyabr 2023.
- ↑ Musayev, Turqay. "Xidmət rəisi vəzifəsini İTİRDİ". modern.az. 14 fevral 2025 tarixində arxivləşdirilib. İstifadə tarixi: 1 mart 2025.
- ↑ Azxeber.com. "Məmməd Abbasbəyli nazir müşaviri təyin edildi". azxeber.com. İstifadə tarixi: 7 may 2025.
- ↑ "Mikayıl Cabbarovun müşaviri işdən ayrıldı". Qafqazinfo (az.). 21 aprel 2025. İstifadə tarixi: 7 may 2025.