Məlikçobanlı — Azərbaycan Respublikasının Şamaxı rayonunun inzibati ərazi vahidində kənd. Azərbaycan Respublikası Ali Sovetinin 25 may 1991-ci il tarixli, 123-XII saylı Qərarı ilə Şamaxı rayonunun Məlikçobanlı kəndi Çarhan kənd Sovetindən ayrılaraq, bu kənd mərkəz olmaqla Məlikçobanlı kənd Soveti yaradılmışdır.[1]
| Məlikçobanlı | |
|---|---|
| 40°32′31″ şm. e. 48°41′14″ ş. u.HGYO | |
| Ölkə | |
| Tarixi və coğrafiyası | |
| Saat qurşağı | |
| Əhalisi | |
| Əhalisi |
|
| Rəqəmsal identifikatorlar | |
| Poçt indeksi | AZ 5615 |
  Məlikçobanlı | |
XIX əsr qaynaqlarının birində Bakı quberniyasının Şamaxı ərazisinin Qəbiristan sahəsində Məlik çobanı köçü qeydə alınmışdır. Əvvəllər Göyçay qəzasında və Şamaxı qəzasında maldarlıqla məşğul olan Məlik çobanı eli olmuşdur. Keçmişdə hakim mövqeyə malik Xançobanı tayfasına mənsub olan ellərdən birinin Məlik çobanlıların olması göstərilir. Ehtimal ki, Məlik titul və ya şəxs adıdır.[2]
Kənd Zoğalava çayının sahilində, dağ ətəyində yerləşir. Məlikçobanlı palçıq vulkanı ilə məşhurdur. Həmin vulkan 1810-cu ildə aşkarlanıb və bu günədək 4 dəfə püskürüb. Sonuncu dəfə vulkanın püskürməsi 27.05.2019-ci ildə qeydə alınıb.
Kənd əhalisi 2065 nəfərdir ki, onun da 977 nəfəri kişi, 1088 nəfəri isə qadınlar təşkil edir.
- Mustafayev Qədim İbrahimxəlil oğlu — Azərbaycan filosofu, fəlsəfə elmləri doktoru, professor
- Abdullayev Əlövsət Zakir oğlu — Azərbaycan dilçisi, fılologiya e.d. (1963), professor (1964), Azərbaycan SSR Dövlət mükafatı laureatı (1974)
- Abdullayev Şakir Zakir oğlu — jurnalist, filologiya elmləri namizədi, Azərbaycan Respublikasının əməkdar jurnalisti
- Abdullayev Əlikram Zakir oğlu — Azərbaycan fılosofu, fəlsəfə e.d. (1988), professor (1991)
- Abdullayev Tofiq Əlövsət oğlu — Azərbaycan diplomatı, filologiya üzrə fəlsəfə doktoru
- Eyvazov Mirsahib Mirələm oğlu — coğrafiyaçı, coğrafiya elmləri namizədi (1971), dosent (1977)
- Abdullayev Əbilhəsən Zakir oğlu — biologiya üzrə elmlər namizədi
- Namazov Vaqif Mirzalı oğlu — Fizika-riyaziyyat üzrə elmlər namizədi
- Abdullayev Cahangir Tacəddin oğlu — iqtisadçı, iqtisad elmləri namizədi (1988)
- Gülalıyev Çingiz Gülalı oğlu — torpaqşünas, kənd təsərrüfatı elmləri üzrə fəlsəfə doktoru (1984)
- Namazov İlqar Şahlar oğlu — geologiya-mineralogiya üzrə fəlsəfə doktoru (2000), dosent (2012)
- Gülalıyev Mayıs Gülalı oğlu — fizika üzrə fəlsəfə elmləri namizədi (1991), Dünya iqtisadiyyatı üzrə dosent (2017), İqtisad (2021)
- namizədi
Kənddə 347 təsərrüfat var. Əhali əsəsən kənd təsərrüfatı — əkinçilik və maldarlıqla məşğul olur.
- ↑ "Azərbaycan Respublikasının Abşeron, Ağstafa, Balakən, Beyləqan, Bərdə, Biləsuvar, Qobustan, Qubadlı, Zaqatala, İsmayıllı, Yevlax, Kəlbəcər, Masallı, Xızı, Şamaxı rayonlarının və DQMV Hadrut rayonunun inzibati ərazi bölgüsündə qismən dəyişikliklər edilməsi haqqında Azərbaycan Respublikası Ali Sovetinin 25 may 1991-ci il tarixli, 123-XII saylı Qərarı". 27 August 2022 tarixində arxivləşdirilib. İstifadə tarixi: 28 August 2022.
- ↑ Məlikçobanlı (Şamaxı) // Azərbaycan toponimlərinin ensiklopedik lüğəti. II cild. Bakı: Şərq-Qərb. 2007. 304. ISBN 978-9952-34-156-0.
Şamaxı rayonu haqqında olan bu məqalə bu məqalə qaralama halındadır. Məqaləni edərək Vikipediyanı zənginləşdirin. |