Məlahət Gürsel (türk. Melahat Gürsel; 1900, Osmanlı imperiyası – 23 fevral 1975, İzmir) — Türkiyənin 4-cü prezidenti Camal Gürsəlın həyat yoldaşı.[1]
| Məlahət Gürsəl | |
|---|---|
| Melahat Gürsel | |
 .svg){kind=small} | |
| 27 may 1960 – 2 fevral 1966 | |
| Prezident | Camal Gürsəl |
| Əvvəlki | Rəşidə Bayar |
| Sonrakı | Atıfət Sunay |
| Şəxsi məlumatlar | |
| Doğum tarixi | 1900 |
| Doğum yeri | |
| Vəfat tarixi | 23 fevral 1975 (74–75 yaşında) |
| Vəfat yeri | |
| Vəfat səbəbi | ürək tutması |
| Dəfn yeri | |
| Fəaliyyəti | siyasətçi |
| Həyat yoldaşı | |
Məlahət Gürsel 1899-cu ildə anadan olub. Atası Osmanlı imperiyası kreyseri Həmidiyənin baş mühəndisi idi. 1927-ci ildə böyük qardaşı tərəfindən tanış edildiyi ordu zabiti Camal Gürsələ evlənib. Bu evlilikdən Özdəmir adlı bir oğlu dünyaya gəlib. Cütlük həmçinin Xədicə və Türkan adlı iki qızı da övladlığa götürüb.[1]
27 may 1960-cı ildə Türkiyə Ordusunun bəzi orta rütbəli zabitləri hərbi çevriliş edərək hökuməti devirdilər. Dörd ulduzlu general Camal Gürsəl, o vaxtkı Türk Ordusunun komandanı, inqilabçılar tərəfindən dövlət başçısı təyin edildi. O, 28 mart 1966-cı ildə xəstəliyi səbəbindən Türkiyə Böyük Millət Məclisi tərəfindən prezidentliyinə son qoyulana qədər vəzifəsində qaldı.[2]
Məlahət Gürsel qənaətcil və qürurlu bir qadın kimi tanınırdı. Birinci xanım olduğu dövrdə də Məlahət Gürsel təvazökar evdar qadın olaraq qalırdı, prezident sarayı Çankaya köşkündə işləyən aşpazlar olsada mətbəxdə yemək bişirir və gündəlik paltarlarını tikirdi. Dövlətin xərclərinə qənaət etmək üçün ərini ölkə daxilində və ya xaricdə rəsmi səfərlərdə müşayiət etmirdi. Ona verilən hədiyyələri rəsmi olaraq dövlətə təhvil verirdi.[2]
O, 23 fevral 1974-cü ildə saat 23:30-da İzmirin Karşıyaka səmtinin Dəniz Bostanlı məhəlləsindəki evində 75 yaşında vəfat etdi. Cənazəsi ertəsi gün İstanbula aparıldı və dini dəfn mərasimindən sonra Zəncirliquyu qəbiristanlığında dəfn edildi.[3]
- ↑ 1 2 "Çankaya'nın First Lady'leri". tr:Hürriyet (türk). 15 aprel 2007. İstifadə tarixi: 13 fevral 2019.
- ↑ 1 2 "Türkiye'nin First Lady'leri". Sabah (türk). İstifadə tarixi: 13 fevral 2019.
- ↑ "Yıllar: 1975, Aylar: 2, Günler: 34". tr:Cumhuriyet Arşivi (türk). İstifadə tarixi: 14 fevral 2019.
- Vikianbarda Məlahət Gürsəl ilə əlaqədar mediafayllar var