Məktəb ilkin, əsas və tam orta təhsil üçün tədris ocağıdır. Azərbaycan dilində məktəb həm də orta ixtisas və ali təhsilə də aid edilir.
Müasir cəmiyyətdə məktəb uşaqların təhsil almaq hüquqlarını təmin etməkdə əsas rol oynayır. O həm də uşaqların təlim və tərbiyəsi ilə məşğul olur. Məktəblərdə təhsil və tərbiyə cəmiyyətin iqtisadi və mədəni inkişafından asılıdır. Məktəblərdə mövcud olan problemlər islahatlarla həll olunur.Məktəbdə nizam-intizam,qayda-qanun və tərbiyə əsas amillərdəndir.
Ümumi məlumat
Məktəb 10-11 sinifdən ibarət olub 3 pilləyə bölünür, aşağı, orta və yuxarı. Uşaqlar məktəbə kiçik yaşlarından gedirlər. Bu altı yaş həddindədir. Məktəbini bitirdikdə şagirdlərə kamal atestatı verilir. Bunu əldə etmək üçün öncə buraxılış imtahanlarından uğurla keçmək lazımdır. Məktəblər dövlətin, müxtəlif şəxslərin, təşkilatların hesabına maliyyələşdirilirlər. Təhsilin səviyyəsinə görə ilkin, natamam orta, orta və ali mərhələlərə bölünürlər.
Qiymətləndirmə
Məktəblərdə uşaqların təhsildə davamiyyəti və səviyyəsi 5 ballıq sistemlə qiymətləndirilir. Qeyri qənaətbəxş 1 və 2 ilə qiymətləndirilirlər. Qənaətbəxş 3 qiymətinə uyğun gəlir. Bu ən aşağı qanedici qiymətdir. 4 qiyməti yaxşı oxuyanlara verilir və orta qiymət sayılır. 5 əla qiymət olub ən yaxşı imkan verir.