Məhəmmədvəli mirzə Əbdülhüseyn mirzə oğlu Fərmanfərma (1891 və ya 1890, Təbriz – 1983 və ya 1988, Tehran)—Qacar şahzadəsi, İranın ictimai-siyasi xadimi.
| Məhəmmədvəli mirzə Fərmanfərma | |
|---|---|
| Məhəmmədvəli mirzə Əbdülhüseyn mirzə oğlu Fərmanfərma | |
 | |
| Doğum tarixi | 1891 və ya 1890 |
| Doğum yeri | |
| Vəfat tarixi | 1983 və ya 1988 |
| Vəfat yeri | |
| Atası | Əbdülhüseyn mirzə Fərmanfərma |
| Fəaliyyəti | siyasətçi |
Əbdülhüseyn mirzə Fərmanfərmanın üçüncü oğlu Məhəmmədvəli mirzə 1891-ci ildə Təbriz şəhərində anadan olmuşdu. Ailə təlim-tərbiyəsi almışdı. Beyrutda Amerika Universitetini bitirmişdi. Atasının mülklərini idarə edirdi. Məhəmmədvəli mirzə 1916-cı ildən 1917-ci ilədək Təbrizdə maliyyə idarəsində çalışmışdı.
Atası ona tapşırmışdı ki, mülklərini qorumaq üçün məclisdə (parlamentdə) iştirak etsin. O, 4-cü, 5-ci, 6-cı çağırışda məclisə deputat seçilmişdi. 1917-ci ildən 1931-ci ilədək məclisədə vəkil kimi Sərabı təmsil etmişdi. 13-cü, 14-cü çağırışda, 1941-ci ildən 1947-ci ilədək Təbrizin nümayəndəsi kimi məclisdə əyləşmişdi.
Məhəmmədvəli mirzə 1945-ci ildən 1946-cı ilədək Müstəqil Azərbaycan Respublikasının Maliyyə Idarəsinə başçılıq etmişdi. 1946-cı ildə Təbliğat naziri təyin edilmişdi. Məhəmmədvəli mirzə bir ara Əşrəfə xidmət etmişdi.
Məhəmmədvəli mirzə professor Yəhya Adilin bacısı ilə yaşam qurmuşdu. Səidə xanım və Gülnaz xanım adlı qızları vardı.