Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Məhəmməd Rza oğlu Rzazadə (1890, Kolagir, Bolnisi bələdiyyəsi – 1942) — Borçalıda doğulub Gürcüstanda fəaliyyət göstərən azərbaycanlı mətbuat xadimi.
| Mühəqqər | |
|---|---|
| Məhəmməd Rza oğlu Rzazadə | |
 | |
| Doğum tarixi | |
| Doğum yeri | Kolagir Borçalı |
| Vəfat tarixi | |
Məhəmməd Rza oğlu Rzazadə 1890-cı ildə Borçalı mahalının Kolayır kəndində dünyaya gəlib. Yeddi yaşında köhnə üsulla işləyən məktəbə gedib. İki il burada oxuyandan sonra atası vəfat etdiyindən məktəbi yarımçıq qoymaq məcburiyyətində qalıb. 1902-ci ildə qonşu Arıxlı kəndindəki rus-tatar məktəbində müəllim işləyən Hüseyn Əfəndinin yanında dərs alıb, sonralar özü evdə bir neçə şagirdə dərs verib.[1]
Çox erkən yaşlarında şeir yazmaqla bədii yaradıcılığına başlayan Məhəmməd Rzazadə özünə Mühəqqər təxəllüsünü götürüb və bu adla tanınıb. (Mühəqqər sözü – həqir, aciz, anlamlı deməkdir.) 1920-ci ildə Mühəqqəri Tiflisdə ərəb hürufatı ilə nəşr olunan "El şeirləri" kitabı ədibin yaradıcılığının çox dəyərli bir hissəsidir. 1920–1921-ci illərin ərəb əlifbasıyla nəşr olunan "Vətən" dərgisində 1920-ci illərdə Tiflisdə işıq üzü görüb, "Əşar məcmuəsi" kitabında, ərəb əlifbası ilə "Yeni fikir", latın qrafikasıyla "İşıq yolu" qəzetlərində Mühəqqərin xeyli əsərləri işıq üzü görüb. Mühəqqərin “Molla Nəsrəddin” dərgisində az sayda yazısı dərc olunub. Şairin yazıları əsasən "Yeni fikir", "Vətən", "Gənc nəsl", "İşıq yolu", "Dan Ulduzu", "Qızıl Şəfəq" kimi o dövrün mətbuat orqanlarında geniş yer alıb.[1]
Məhəmməd Rzazadə Mühəqqər 1942-ci ildə dünyasını dəyişib.[1]