Məhəmməd Abdullah Məhəmməd

1985–1989-cu illər arasında Amerika Birləşmiş Ştatlarında yerləşən Somali səfirliyində maliyyə işçisi kimi fəaliyyət göstərən Fərmacu, 1990-cı ildə ABŞ-yə köç etməzdən əvvəl ölkəsinin Xarici İşlər Nazirliyində çalışmışdır.

1989–1993-cü illərdə Baffalo Universitetində tarix üzrə təhsil almış Fərmacu bu müddətdə ABŞ vətəndaşlığını da əldə etmişdir.^[3] 1994–1997-ci illərdə Baffalo şəhər idarəçiliyində maliyyə işçisi kimi çalışmış, 1995–1999-cu illərdə qurğuşun təmizləmə proqramında iştirak etmişdir. 2000–2002-ci illərdə Eri qraflığında bərabər imkanlar bürosunda çalışmış, daha sonra Baffalo şəhər nəqliyyat idarəsində fəaliyyət göstərmişdir.

O dövrün baş naziri Ömər Abdirəşid Əli Şarmarkenin dövlət başçısı ilə yaşadığı daxili problemlər səbəbilə istefa verməsindən sonra baş nazir səlahiyyətlərini müvəqqəti olaraq Abdivahid Elmi Gonca icra etmiş, 14 oktyabr 2010-cu ildə isə ozamankı dövlət başçısı Şərif Şeyx Əhməd tərəfindən Fərmacu baş nazir vəzifəsinə təyin edilmişdir.^[4] Somali parlamentində 31 oktyabrda keçirilən səsvermə ilə Fərmacunun baş nazirliyi təsdiqlənmişdir.

Bu vəzifəni 19 iyun 2011-ə qədər icra edən Fərmacu həmin tarixdə postunu Abdivəli Məhəmməd Əliyə təhvil vermişdir.

2017-ci ildə keçirilən Somali prezident seçkilərində namizəd olan Fərmacu, 8 fevral 2017-ci ildə açıqlanan ikinci tur nəticələrinə əsasən vəzifədəki prezident Həsən Şeyx Məhəmməd və onu bir vaxtlar baş nazir təyin etmiş sabiq prezident Şərif Şeyx Əhmədi geridə qoyaraq ölkənin yeni dövlət başçısı seçilmişdir.^[5]