• Beyni gücləndirir

Xurmanın insan orqanizminə böyük xeyri var. Xurmada olan fosfor, beynin ehtiyaclarını qarşılayır. Yorğunluğu aradan qaldırır. Xurmanın təsirli olduğu bir başqa sahə də sinir sistemidir. Xurmanın sakitləşdirici bir xüsusiyyəti vardır. Xurmada eyni zamanda B1 və B2 vitaminləri var. Bunlar da zehini və sinir sistemini sakitləşdirir. Xurmada insan bədənində hərarət enerjisi yaradan şəkər növü də var.Bu şəkər qan şəkərini yüksəldən qlükoza yox, meyvə şəkəri olan fruktozadır. Gün ərzində 15 ədəd xurma yeməklə həm bədənin dəmirə olan ehtiyacını təmin etmək, həm də bir sıra xəstəliklərdən xilas olmaq mümkündür. Xurmanın tərkibində fosfor və kalsium bolluğu imkan verir ki, sümük zəifliyində və bu xəstəliklərin azalmasında ondan istifadə edilsin. Xurma böyrəklərin yuyulmasına kömək edir, daha yaxşı işləməsini tənzimləyir. Xurma hətta böyrək iltihablarını da aradan qaldırır. Göz xəstəliklərində də xurmanın şəfaverici xüsusiyyəti var. Tərkibində A vitamini olduğuna görə xurma gözləri qüvvətləndirir. Xüsusi ilə də gecə korluğunun və digər xəstəliklərin qarşısını alır.