Mədənçilik-Telekommunikasiya İnstitu (fransızca: Institut Mines-Télécom) və ya qısaldılmış şəkildə IMT — Fransada ali təhsil və sənayeyə xidmət edən mühəndislik, rəqəmsal texnologiyalar sahəsində tədqiqatlar aparan dövlət təhsil qurumudur. Fransa İqtisadiyyat, Maliyyə və Sənaye Nazirliyinin tabeliyindədir. Əksəriyyəti eyni nazirliyin tabeliyində olan Fransa dövlət mədən-telekommunikasiya məktəblərini bir araya gətirir. İqtisadiyyat, Sənaye, Enerji və Texnologiyal üzrə Dövlət Komissiyası tərəfindən nəzarət olunur.
| Mədənçilik-Telekommunikasiya İnstitu | |
|---|---|
| Institut Mines-Télécom | |
 IMT-in loqosu | |
| Əsası qoyulub | 1996 |
| Yenidən təşkil olunub | 2012 |
| Tabelik | Paris Politexnik İnstitutu |
| Prezident | Olivye Huar |
| Direktor | Sesil Dubarri |
| Ölkə | Fransa |
| Sayt | imt.fr |
| 48°42′46″ şm. e. 2°12′01″ ş. u. | |
 |
|
 Vikianbarda əlaqəli mediafayllar | |
1996-cı ildə Telekommunikasiya İnstitu adı altında yaradılımışdır. 2012-ci ilin martında Sənaye Nazirliyinin tabeliyində olan Mədənçilik Məktəbləri Qrupu (fransızca: Groupe Écoles des Mines) ona birləşdirilmiş və adı Mədənçilik-Telekommunikasiya İnstitu olaraq dəyişdirilmişdir.
IMT Paris-Saclay Universitetinin yaradılmasında iştirak etmiş və hazırda Paris Politexnik İnstitutunun yaradılmasında iştirak edir. Onun qərargahı 2019-cu ildən bəri Paris-Sakle elm və texnologiya parkında, Palezoda yerləşir.
Əslində, mədənçilik və telekommunikasiya ali təhsil müəssələri mühəndislik məktəbləri olmaqla yanaşı, həm də yüksək vəzifəli dövlət qulluğuna hazırlıq üçün xüsusi tipli təhsil qurumları idi.
thumb|Mədənçilik Məktəbləri Qrupunun loqosu.
Paris Mədənçilik Məktəbi 1783-cü ildə mədən sənayesinin mühəndislərə olan ehtiyacını ödəmək üçün yaradılmışdır ki, bu da o dövrdə əsas sənaye problemlərindən biri idi. O, 1795-ci ildə yaradılan Fransa Politexnik Məktəbinin tətbiqi məktəbinə çevrilmişdir. Daha sonra 1816-cı ildə mədən ustaları yetişdirmək üçün Sent-Etyen Mədənçilik Məktəbi yaradılmışdır.[1] Bu məktəblər sonradan "Milli Mədənçilik Məktəbi" (fransızca: École nationale des mines) adını qəbul etdilər. Daha sonra isə bu tip ali təhsil müəssisələri 1843 və 1878-ci illərdə, müvafiq olaraq, Ales və Duedə yaradıldı.[2] 1919-cu ildə Metallurgiya və Mədən İnstitutu təsis edildi və sonradan Nansi Milli Mədənçilik Məktəbinə çevrildi.
1991-ci ildə o vaxtlar Sənaye Nazirliyinin tabeliyində olan Paris, Sent-Etyen, Due və Alesdə yerləşən dörd mədənçilik məktəbi Sənaye inzibati xarakterli dövlət müəssisələrinə (fransızca: établissements publics à caractère administratif) çevrildi. Bu status həmçinin həmin günün fərmanı ilə yaradılmış Nant Ali Milli Mədənçilik Məktəbinə və 1993-cü ildə yaradılmış Albi-Karmo Ali Milli Mədənçilik Məktəbinə verildi.
2000-ci illərdə bu altı ali məktəb arasında qeyri-rəsmi olaraq Mədənçilik Məktəbləri Qrupu yaradıldı. 2012-ci ildə yaradılması Mədənçilik-Telekommunikasiya İnstitunun yaradılması ilə qrup yox oldu.
1878-ci ildə Fransada Ali Teleqraf Məktəbi yaradıldı. 1942-ci ildə onun adı Telekommunikasiya Ali Milli Məktəbinə dəyişdirildi. Daha sonra 1977-ci ildə Bretan Telekommunikasiya Ali Milli Məktəbi, 1979-cu ildə isə Milli Telekommunikasiya İnstitutu yaradıldı.
Bretan Telekommunikasiya Ali Milli Məktəbi, səs-küylü rabitə kanalı üzərindən rəqəmsal məlumat ötürülməsi zamanı baş verən səhvləri düzəltməyə qadir olan paralel birləşdirilmiş sistematik kod olan turbo kodun ixtirası ilə məşhurdur.
2009-cu ildə mədənçilik korpusu və telekommunikasiya korpusu birləşdirildi. Fransa ali təhsil müəssisələrinin birləşməsi kontekstində Mədənçilik-Telekommunikasiya İnstitu yaradıldı. Yeni insitut 11 mart 2012-ci il Telekom İnstitutunun yerini tutdu.
IMT bir neçə daxili ali məktəbdən ibarətdir:
- Albi-Karmo Mədənçilik Ali Milli Məktəbi
- Ales Mədənçilik Ali Milli Məktəbi
- Sent-Etyen Mədənçilik Ali Milli Məktəbi
- Télécom Paris
- Télécom SudParis
- Mədənçilik-Telekommunikasiya İnstitunun Biznes Məktəbi
- Bretan – Pei-de-la-Luar Mədənçilik-Telekommunikasiya Atlantik Ali Milli Məktəbi
- Lill – Due Mədənçilik-Telekommunikasiya Ali Milli Məktəbi
- ↑ "Historique". École des Mines de Saint-Étienne (fransız). 10 iyul 2025 tarixində arxivləşdirilib. İstifadə tarixi: 9 yanvar 2026.
- ↑ Caffet, Digne və Magne, 2009