Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinMəcnun Qadir oğlu Məmmədov (15 sentyabr 1983[1], Mincivan, Zəngilan rayonu[1]) — Azərbaycan Respublikasının kənd təsərrüfatı naziri (2023-cü ildən).
| Məcnun Məmmədov | |
|---|---|
 | |
Vəzifədədir | |
| 14 aprel 2023-cü ildən[*] | |
| Prezident | İlham Əliyev |
| Əvvəlki | İnam Kərimov |
| Şəxsi məlumatlar | |
| Doğum tarixi | 15 sentyabr 1983[1] (42 yaş) |
| Doğum yeri | |
| Təhsili |
|
| Fəaliyyəti | siyasətçi |
Məcnun Məmmədov 1983-cü ili sentyabrın 15-də Zəngilan rayonunun Mincivan qəsəbəsində anadan olub.[2]Əslən Cəbrayıl rayonu Yuxarı Məzrə kəndindəndir. O 2000–2004-cü illərdə Azərbaycan Dövlət İqtisad Universitetində "Ümumi İqtisadiyyat: Mühasibat uçotu və Audit" ixtisası üzrə bakalavr təhsili, daha sonra isə Pakistanın Lahor İdarəetmə Elmləri Universitetində biznesin idarə edilməsi üzrə magistr (MBA) təhsili almışdır.[3][4]
2017-ci ildə ABŞ-də "Aqrobiznesdə İnnovasiya və Effektivlik" üzrə SABIT (Special American Business Internship Training) proqramının iştirakçısı olmuşdur.[3][4]
2022-ci ildə Hollandiyanın Wageningen Universiteti ilə Tilburg Universitetinin birgə magistr proqramı olan "Qida və Aqrobiznesdə İdarəetmə" (EMBA in Food & Agribusiness) ixtisası üzrə təhsilə başlamışdır.[5]
Məcnun Məmmədov əmək fəaliyyətinə 2004-cü ildə "Billur & Astron" şirkətində mühasib vəzifəsində başlayıb.
2005-ci ildə Məcnun Məmmədov Qazaxıstanın Almatı şəhərində "ABN AMRO Bank Kazakhstan" bankında təcrübə keçib.[3][6]
2006-2007-ci illərdə hərbi xidməti keçmişdir.
2007-ci ildə "Deloitte" şirkətində maliyyə məsləhətçisi vəzifəsində işləməyə başlayıb. Daha sonra "AER" MMC-də 2010–2011-ci illərdə həmin qurumun direktoru olub. 2011-2015-ci illərdə "Modern Group" şirkətrlər qrupunda biznesin inkişafı üzrə direktor olub və əsasən aqrar layihələrə nəzarət edib. 2015–2018-ci illərdə "Paşa Holdinq"ə bağlı olan "PMD Group" şirkətində müxtəlif vəzifələrdə çalışıb.[3][7]
2018-ci ildən "Agro Food İnvestment" MMC-də direktor olub.
14 aprel 2023 tarixində Azərbaycan Respublikasının Prezidenti İlham Əliyevin sərəncamı ilə Məcnun Məmmədov Azərbaycan Respublikasının kənd təsərrüfatı naziri təyin edilmişdir.[8]
- ↑ 1 2 3 4 https://modern.az/az/iqtisadiyyat/407206/yeni-nazir-haqda-daha-mufessel-dosye-doghuldughu-rayon-aile-veziyyeti-tehsili/.
- ↑ "Məcnun Məmmədov". www.agro.gov.az (az.). 3 may 2023 tarixində arxivləşdirilib. İstifadə tarixi: 3 may 2023.
- ↑ 1 2 3 4 "Ona 8 ay əvvəl "Məcnun 5 il sonra özünü harada görür?" sualı verilmişdi – VİDEO". marja.az (az.). 14 aprel 2023 tarixində arxivləşdirilib. İstifadə tarixi: 14 aprel 2023.
- ↑ 1 2 "Prezident yeni kənd təsərrüfatı naziri təyin edib". Report İnformasiya Agentliyi (az.). 16 aprel 2023 tarixində arxivləşdirilib. İstifadə tarixi: 16 aprel 2023.
- ↑ "Məcnun Məmmədov LinkinedIn profil səhifəsi".
- ↑ "Yeni nazir kimdir? — Dosye". Qafqazinfo (az.). 14 aprel 2023. 18 aprel 2023 tarixində arxivləşdirilib. İstifadə tarixi: 14 aprel 2023.
- ↑ "Yeni kənd təsərrüfatı naziri təyin edilən Məcnun Məmmədov kimdir?" (ingilis). 14 aprel 2023. 16 aprel 2023 tarixində arxivləşdirilib. İstifadə tarixi: 16 aprel 2023.
- ↑ "M.Q.Məmmədovun Azərbaycan Respublikasının kənd təsərrüfatı naziri təyin edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 14 aprel 2023 tarixində arxivləşdirilib. İstifadə tarixi: 14 aprel 2023.