Məcnun Salam oğlu Hacıbəyov (5 oktyabr 1935, İkinci Nügədi, Quba rayonu – 16 noyabr 2021) — Azərbaycan aktyoru, Azərbaycan SSR əməkdar artisti (1989).
| Məcnun Hacıbəyov | |
|---|---|
| Doğum tarixi | |
| Doğum yeri | İkinci Nügədi, Quba rayonu, Azərbaycan SSR, ZSFSR, SSRİ |
| Vəfat tarixi | (86 yaşında) |
| Vəfat səbəbi | COVID-19 |
| Dəfn yeri | |
| Fəaliyyəti | Aktyor |
| Mükafatları |
  |
Məcnun Hacıbəyov Quba rayonunun İkinci Nügədi kəndində yaşamışdır. 1935-ci ilin 5 oktyabrında rayonun II Nügədi kəndində doğulan aktyor 10 illik orta məktəbi də bu kənddə bitirib.[1] Akyorluq istedadını isə elə uşaq yaşlarından hiss etməyə başlayıb. 1965-ci ildə Azərbaycan Dövlət Mədəniyyət və İncəsənət Universitetinin aktyorluq fakültəsini bitirib[2].
Aktyor "Canavar balası", "Evlənmək istəyirəm", "Gənclik Macərası", "Göz həkimi", "Gülüş sanatoriyası", "Kişilər", "Qatarda", "Qəzəlxan", "Yarımştat" kimi film və televiziya tamaşalarında yaddaqalan obrazlar ifa edib. Aktyor yalnız "Solğun çiçəklər" tamaşında "Əbdül" rolunu oynamadığı üçün heyfislənir. 1999-cu ilin 13 iyulunu həyatının ən ağrılı günlərindən biri kimi xatırlayır. Həmin gün aktyorun ömür gün yoldaşı Zahidə xanım 57 yaşında faciəli şəkildə vəfat edib. Bir neçə ildir ürəyinə görə müalicə alır. Aktyor deyir ki, yaşlandığım üçün bəzən yaddaşım da sözümə baxmır. Buna baxmayaraq hələ də mütaliə edir. Aktyorun son yaratdığı obraz isə "Yarımştat" tamaşında olub. O, bu tamaşada Murtuz obrazını canlandırıb.
Görkəmli sənətkar 16 noyabr 2021-ci ildə 86 yaşında Covid-19 xəstəliyindən vəfat etmişdir. Sənətkar doğulduğu Quba rayonunun İkinci Nügədi kəndində doğmalarının məzarı yanında torpağa tapşırılıb.[3]
Məcnun Hacıbəyovgil ailədə 9 uşaq olublar — 7 oğlan 2 qız. Əməkdar artist Məcnun Hacıbəyovun Ceyhun və Pərviz adında 2 oğlu, Zülfiyyə adında 1 qızı, 7 nəvəsi və 3 nəticəsi var.
- Alov (film, 1979) (tammetrajlı televiziya tamaşası)
- Analar (film, 1988)
- Astana (film, 1986)
- Atayevlər ailəsi (film, 1978)
- Canavar balası
- Evlənmək istəyirəm (film, 1983)
- Gənclik macərası (film) (tammetrajlı televiziya tamaşası) (AzTv)
- Göz həkimi (film)
- Gülüş sanatoriyası (film, 1989)
- Kişilər (film, 1979)
- Qatarda (film, 1981)
- Qəzəlxan (film, 1991)
- Mənim günahım (film, 1985)
- Min birinci söz (film, 1997)
- Sabiqlər (film, 1999)
- Sabiqlərin yeni sərgüzəştləri (film, 2000)
- Sarıköynəklə Valehin nağılı (film, 1980)
- Şirin bülbül (film, 2000)
- Yarımştat (film, 1996)
- Yeni evlənənlər (film, 1983)
- ↑ "Əməkdar artistin 80 illik yubileyi qeyd edildi". 2015-10-08 tarixində orijinalından arxivləşdirilib. İstifadə tarixi: 2015-10-08.
- ↑ "Məcnun Hacıbəyov". 2016-09-09 tarixində arxivləşdirilib. İstifadə tarixi: 2014-02-07.
- ↑ "Məcnun Hacıbəyov dəfn edildi". 2021-12-26 tarixində arxivləşdirilib. İstifadə tarixi: 2021-11-16.