Vikipediya ?

Müzakirə:Kürdüstan — Vikipediya

Qərbi Azərbaycan ostanı

Məqalədə göstərilmiş xəritədə Qərbi Azərbaycan ostanında yerləşən Urmiya, Salmas, Maku və Xoy şəhərləri Kürdüstan sərhədləri içərisində qeyd edilib. Məqalənin preambulasında isə Kürdüstanın "kürdlərin əhalisinin böyük əksəriyyətini təşkil etdiyi, kürd mədəniyyətinin, dillərinin və milli kimliyinin tarixən əsaslandığı coğrafi-mədəni vilayət" olduğu qeyd edilir. Tələb edirəm ki, yuxarıda adlarını qeyd etdiyim şəhərlərdə kürd əhalinin böyük əksəriyyət təşkil etdiyi, həmçinin, həmin şəhərlərin "kürd mədəniyyətinin, dillərinin və milli kimliyinin tarixən əsaslandığı" ərazilər olmasına dair akademik mənbələrdən istinadlar gətirilsin. Əks halda tarixi faktların saxtalaşdırılması kimi qəbul edilməli olan xəritənin məqalədən çıxarılmasını və Kürdüstan adı altında nəzərdə tutulan ərazinin sərhədləri ilə bağlı dəqiq məlumat verilməsini təklif edirəm. Yuxarıda qeyd etdiyim mənbələr göstərilənə kimi məqalədə tərəfsizliyin kobud şəkildə pozulduğunu düşünür və məqaləyə müvafiq şablon əlavə edirəm. Ümidvaram müzakirənin sonunda daha tərəfsiz və qaydalara uyğun məqalə əldə edə bilərik. Hörmətlə --sefer azeri 19:00, 29 avqust 2019 (UTC)

Sefer azeri, xəritənin Commons səhifəsində iki link tapa bildim – --► Hörmətlə: SolaVirum 19:04, 29 avqust 2019 (UTC)
belə bir xəritə var, ancaq burada sadəcə kürdlərin yaşadıqları ərazilər verilib, Kürdüstanın ərazisi yox. --► Hörmətlə: SolaVirum 19:06, 29 avqust 2019 (UTC)
Xahiş edirəm, məsəyə belə sərt və qərəzli şəkildə yanaşmayın. Həddindən artıq çox reaksiya verirsiniz. Guya bu xəritəni mən hazırlamışam, ya da ki antiazərbaycan siyasət yürüdürəm. --► Hörmətlə: SolaVirum 19:07, 29 avqust 2019 (UTC)
Solavirum göstərdiyiniz linklərin hansısa iddianı isbat etməyə kifayət edəcək akademik mənbələr hesab edirsizsə, sizə sözüm yoxdur. Zəhmət olmasa, akademik məqalədə irəli sürülən iddialarla bağlı akademik mənbələr göstərin və ya mənbəsiz məlumatları məqalədən ixtisar edin. Hörmətlə --sefer azeri 19:10, 29 avqust 2019 (UTC)
Sefer azeri, Foreign Policy çox etibarlı bir mənbə hesab edilir, . --► Hörmətlə: SolaVirum 19:20, 29 avqust 2019 (UTC)
Əslində bu xəritə mənim vecimə deyil, heç bələd də deyiləm, amma bir xəritə qoymaq lazımdır. Sefer azeri, zəhmət olmazsa, əgər bu xəritənin dəyişdirilməsini istəyirsinizsə, buradan münasib bir xəritə seçin və yerləşdirin --► Hörmətlə: SolaVirum 19:22, 29 avqust 2019 (UTC)
Xəritənin etibarlılığından şübhəniz varsa, bu müzakirəyə diqqət yetirin. --► Hörmətlə: SolaVirum 19:27, 29 avqust 2019 (UTC)
Solavirum, Yeni Dehlidəki Cəvahirləl Nehru Universitetinin elmi işçisi olan (heç professor da deyil) Sonia Roy tərəfindən yazılmış məqalə nəyə görə akademik mənbə hesab edilməlidir ki? Həmin kateqoriyadakı xəritələrin hamısı eyni xəritə əsasında hazırlanıb. Hörmətlə --sefer azeri 19:42, 29 avqust 2019 (UTC)
Sefer azeri heç olmazsa bu elm işçisi ola-ola beynəlxalq jurnalda məqalə dərc etdirə bilib. Sizin istinad göstərdiyiniz tarixçiləri Biləcəridən o tərəf tanımır. Beynəlxalq jurnallarda br dənə olsun belə işləri yoxdur. Məsələ orada deyil, məsələ sizin CIA kimi bir təşkilatın hazırladığı şeyi etibarsız saymağınızdır. --► Hörmətlə: SolaVirum 19:47, 29 avqust 2019 (UTC)

Bütün Commons səhvi, bir dənə Sefer azeri düzdü...

  • Hörmətli Solavirum, Bütün Commons səhvi, bir dənə Sefer azeri düzdü... cümləsi ilə Nəzakət qaydalarının 4-cü və 11-ci bəndlərini pozmusunuz. Bu sizə son xəbərdarlığım olacaq. Artıq dəfələrlə bloklanmısınız və qaydalara əsasən növbəti qayda pozuntusu halında sizə uzun müddətli blok tədbiq olunmalıdır. Ümid edirəm ki, artıq fəaliyyətiniz zamanı bunu nəzərə alacaqsınız. Hörmətlə --eldarado 20:03, 5 sentyabr 2019 (UTC)
Eldarado, məni süni təbliğat aparmaqla günahlandıran nəzakət qaydalarını pozmuş olmur? Az qala məni söysünlər burada (olsun lab, olsun istifaçi, olsun məqalə müzakirəsi) və siz ancaq mənim bu şərhimi görüb bir kənara ilişdirirsiniz. Bir həftəyə yaxındır ki, 4-5 istifadəçinin durmadan təzyiqinə məruz qalıram (hansılar ki, əvvəl mübahisədə olmuşam) və sırf buna görə də Vikipediyaya girmirəm. --► Hörmətlə: SolaVirum 23:28, 5 sentyabr 2019 (UTC)
Sefer azeri ilə tamamilə razıyam. --Qızılbaş (müzakirə) 05:40, 6 sentyabr 2019 (UTC)Hörmətlə,
Hörmətli Solavirum, müəyyən şəxslərə lazımi xəbərdarlıqlar olunub. Hansısa istifadəçinin qayda pozduğunu düşünürsünüzsə, İdarəçilərə müraciət səhifəsinə və ya istənilən idarəçiyə bununla bağlı ətraflı yaza bilərsiniz. --eldarado 17:42, 6 sentyabr 2019 (UTC)

Tarixi təhriflər

1) Kürdüstan vilayəti adı ilə göstərilmiş xəritədə əhalisinin 76 faizinin türk olduğu Qərbi Azərbaycan ostanının demək olar ki əksər ərazisi də buraya əlavə edilib. Ostanın MahabadBukanSərdəşt şəhristanında kürd əhalisi çoxluq təşkil edə bilər amma ostanın Xoy , Maku , Salmas Urmiya şəhristanında kürdlər azlıqdadırlar və ümumiyyətcə o tarixi Kürdüstan vilayətinə aidiyyatları yoxdur. Əgər yenə Urmiya Xoy şəhərləri orada göstərilməyib deyəcəksinizsə bu xəritəyə nəzər salın və şəhristanların sərhəddini tanıyın. Şəhərlər salınmaya bilər mövzu ümumi şəhristanlardan gedir.

2) Məhabad Cümhuriyyətinin qeyd olunmuş xəritəsi də təhrifə uğrayıb. Bu cümhuriyyət qurulanda Mahabad, Uşnu, Tərgəvər, Sərdəşt və Bane ərazilərini əhatə edib. Yəni bu xəritədəki kimi.

3) Kürdüstan məqaləsində Azərbaycan, Ermənistan, Gürcüstan bölmələrinə nə ehtiyac var? Sadaladığım ərazilər həmin vilayətə və yaxud da əraziyə daxildirmi? Yazdığınız hissələr Kürdlər məqaləsinə əlavə edilə bilər amma Kürdüstan məqaləsinə heç bir aidiyyatı yoxdur.

4) Daha sonra Xosrov bəy SultanovunNurməmməd bəy Şahsuvarovun kürd olması ilə bağlı. Bu insanlardan milliyyətini soruşan olmayıb və "ikisi də Laçında doğulub. Laçınlılar avtomatik kürd hesab olunmur ki?" cümləsi ilə iki şəxsin milliyətini təyin etmək olmaz. Və nəzərə alın ki 1926-cı ilin Kürdüstan uyezdinin siyahıyaalınmasında Laçının əhalisi etnik tərkibinə görə 37% türk, 15% erməni, 25% kürd, 13% rus və 4% ukraynalıdan ibarət olub. İndi Xosrov bəy ukraynalı və rus da ola bilər elədir? Əhalinin sayına görə belə desəz ümumi 73 faizin yanında olan 27 faiz hara gedir? Qaldı göstərdiyin mənbəyə şəxslərin kürd olduğu yalnız sonluqda, heç bir istinadı olmayan fikir kimi qeyd olunub. Bu yazını jurnala tutarlı istinadı olmadan buraxanların günahıdır təbii ki. Lakin mətndə onların əsli, kökü haqqında heç bir şey yazılmayıb yalnız sonda kürd olduqları və Azərbaycanın ictimai siyasi həyatında rol oynadıqları qeyd olunub. Yəni sırf etnik kimliyi göstərmək üçün tutarlı mənbə deyil.

5) Daha sonra "Alimlər arasında qəbul edilmiş səs çoxluğuna görə, 1501-ci ildə qurulmuş Səfəvilər dövlətinin qurucusu Şah İsmayıl Xətainin əcdadları əslən İran Kürdüstanındandırlar və daha sonra Cənubi Azərbaycana köçüblər. 1501-ci ildən əvvəl yazılmış Səfəvi əlyazmaları sülalənin əslini kürd əyanı olan Firuz Şaha qədər çıxardırlar." fikrində "Alimlər arasında qəbul edilmiş səs çoxluğu" söhbəti nədənsə sırf bir istinadla göstərilir. Eyni o istinadlardan Xətainin fars, ərəb və türk olduğunu göstərənləri də var. Və əgər alimlərin səs çoxluğudursa bu istinad çoxluğu ilə bərkidilsin əgər yox elə deyilsə silinməlidir. İstinada qalanda da bir çox alimlər məsələn Hans Roemer, Lucien-Louis Bellan, David Ayalon, Riçard Nelson Fray, İsmayıl Marsinkovki Şah İsmayılın türk olduğunu yazıblar. Mən hələ türkiyəli və azərbaycanlı alimlərin yazdıqlarını yazmıram.

Son əsrlərdə kürdlərin həmin ərazilərdə törətdikləri soyqırımları və onların torpaqlarımıza qarşı olan iddialarını nəzərə alaraq bu məqalənin qərəzli şəkildə belə tərəfli yazıldığını düşünürəm. Məqalədə olan həmin təhrif edilmiş hissələr mütləq düzəldilməlidir. --Rəcəb Həsənbəyov (müzakirə) 05:46, 11 sentyabr 2019 (UTC)

 Y Rəcəb HəsənbəyovSefer azeri tərəfindən göstərilmiş arqumentlərə artıq 2 aydan çoxdur heçbir cavab verilmir. Bu səbəbdən mən məqalə üzərində lazımı düzəlişlərə başlayıram. Hörmətlə, Turkmen müzakirə 19:07, 31 oktyabr 2019 (UTC)

Mühafizə

Məqalədə baş verən redaktə müharibəsinə görə məqaləni mühafizə edirəm. İstifadəçilər arasında məqalənin müzakirə səhifəsində fikir mübadiləsi ilə konsensus əldə etməyə dəvət edirəm. Və təklif edirəm ki, narazıçılıqlarını və təkliflərini punkt-punkt yazsınlar ki, digər istifadəçilərə də mövqe bildirmək asan olsun. Hörmətlə, --127-ci yapon imperatoru 18:09, 31 avqust 2019 (UTC)

Mənbə — ""
"Kürdüstan" səhifəsinə qayıt.

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019