Müzakirə:Teymurilər

Amma təəssüf ki, Ənvər bəy inadkarığında davam etməkdədir və həmin səhifənin adını Teymurlular şəklində dəyişdi. Ola bilsin ki, sabah kiminsə ürəyi istəyəcək, həmin səhifənin adını Teymurovlar, ya Teymurzadələr şəklinə salacaqdır. Məlumat üçün bildirirəm ki Azərbaycan tarixçiliyində "teymurlular" adlı termin bu günə qədər olmayıb və indi də yoxdur! Niyə bəzi istifadəçilər AzVikini gülüş və istehza hədəfinə çevirmək istiqamətində iş görürlər?! İdarəşilərdən xahiş edirəm, yeni icad edilən gülməli "Teymurlular" termininin hansı əsaslarla AzVikipiyə daxil edilməsi məsələsini öyrənsinlər. -- Aydın Məmmədov 22:15 10 oktyabr 2011 (UTC)

Aydın müəllim, yəqin Siz də bilirsiniz ki, dilimizdə Teymurilər yazmaq əvəzinə Teymurlular yazmaq daha “türkçədir”. İnanıram ki, Azərbaycanda gələcəkdə sülalə adlarını bu şəkildə adlandırmağa davam ediləcək və bu çox düzdür. Ancaq hazırki mübahisədə Siz haqlısınız. Çünki Vikipediya tam əks prinsipə üstünlük verir, əsas olan düz olan deyil, dildə ən çox hansı variant işlənməsidir. Bu da mübahisə doğurarsa akademik mənbələrə üstünlük vermək lazımdır. Məncə Ənvər müəllim də təsdiq edər ki, dilimizdə ən çox Teymurilər işlənib (Google axtarış 5300 və 400), sovet dövrürdə isə ancaq Teymurilər yazılıb, deməli akademik nəşrlərdə də Teymurilər istənilən sayda var. Tez-tez “ibn” əvəzinə “oğlu” yazılır, ancaq AzVikidə məqalə adları üçün biz bunu istifadə edə bilmərik (Afşin ibn Kavus, Afşin Kavus oğlu, Əli ibn Əbu Talib, Əli Əbu Talib oğlu, hamısın tərcümə etsək Əli Talibin atasının oğlu). Qısa olaraq, səbəb nə olursa olsun, hazırda Vikipediya prinsiplərinə əsasən (hazırda da əsas olan budur) məqalə “Teymurilər” adlanmalı, məqalədə isə “Teymurilər, Teymurlular …” kimi verilməlidir. 5-10 il sonar isə yəqin ki, əksinə olacaq, məncə bunun üçün mübahisə etməyə dəyməz.--Melikov Memmed^⇒email 04:47, 11 oktyabr 2011 (UTC)Cavabla

Dilimizdə ən çox işlənən variant Teymurilərdir. Bunu Google-da axtarış da göstərir. Teymurlular – 431, Teymurilər – 5350. Əlavə olaraq bu adlandırma AzVikidə mübahisəli olan bir tarixi məqalə adı üçün ən mötəbər 3 əsas akademik mənbələrdən olan aşağıdakı nəşrlər ilə də təsdiqlənir:

• Azərbaycan Milli Ensiklopediyası. Səh. 244
• Azərbaycan tarixi (yeddi cilddə). Bakı: 2007. Cild III
• Azərbaycan Sovet Ensiklopediyası. Cild IX

Teymurlular adlandırılması da akademik nəşrlər ilə təsdiq olunur, ancaq Vikipedya prinsipləri ilə ən mötəbər mənbələr ilə təsdiqlənən daha daha çox işlədilən varianta üstünlük verilməlidir --Melikov Memmed^⇒email 05:48, 11 oktyabr 2011 (UTC)Cavabla

Siyahıda dəqiqləşdirmələrə ehtiyac var. Məsələn əslində 2 Pir Məhəmməd mirzə var. Biri 1405-7-ci illərdə 2 illik qısa bir müddətdə sultan olub və Şahzadə Cahangirin oğludur. Digəri isə hələ atasının sağlığında vəfat edən Şahzadə Muizəddin Ömər Şeyx Mirzənin oğlu Pir Məhəmməd mirzədir. Və ya Məhəmməd mirzələr. Məqalədə bütün Məhəmməd mirzələrə eyni bir keçid qoyulub. Amma elə təkcə bu məqalənin ingiliscəsinə baxsaq görərik ki, Məhəmməd mirzə adlı 3-4 Teymuri şahzadəsi olub. samral ^müzakirə 10:48, 28 may 2023 (UTC)Cavabla