Müzakirə:Tarixi Azərbaycan dövlətlərinin rəsmi sarayları
Ən son rəy:1 il öncə, Sefer azeri tərəfindən "Saxtakarlıq" mövzusunda
| Bu, Tarixi Azərbaycan dövlətlərinin rəsmi sarayları məqaləsinin müzakirə səhifəsidir. |
Məqalə prinsipləri
|
Başa düşmürəm, belə saxta məlumatlarla dolu siyahı nəyə lazımdı? Kimi aldatmağa çalışırıq ki, belə siyahı ilə?
- "Qafarlı Sarayı" adı ilə qeyd edilmiş bənddə göstərilmiş şəkil hansısa saraya yox, Marağadakı Qaffariyə türbəsinə aiddi. Yəni türbə, saray kimi təqdim olunur.
- Sacilər dövrünə aid "Şahidgah Qəsri" kimi təqdim edilmiş şəkil isə Qacarlar dövrünə aid Hacı İsmayıl Ağazadənin evidir və Nasirəddin şah Qacarın hakimiyyəti vaxtı inşa edilib.
- Salarilər dövrünə aid "Rzazadə Sarayı" kimi təqdim edilən bina da, ehtimal ki, Qacarlar dövrünə aid eyvanlı mülklərdən biridir. Bu tipli kərpic evlər Qacarlar dövründə inşa edilirdi, ümumiyyətlə Ərdəbildə ən qədim tikili Cümə məscididir ki, o da, Səlcuqlular dövrünə aiddir və bu dövrdən əvvələ aid edilən istənilən tikili üçün ciddi mənbə göstərilməlidir.
- Şəddadilər dövrünə aid "Qala sarayı" kimi təqdim edilən şəkil Dvinin mərkəzi meydanında yerləşən bazilikadır. Abidə dövrümüzə çatmayıb, qalıqları Nikolay Marr tərəfindən tədqiq edilib. Memarlıqdan bir balaca başı çıxan adam ilk baxışdaca bu şəkilin hansısa saraya yox, Bizans üslublu xristian bazilikasına aid olduğunu deyə bilər.
- Şəddadilər dövrünə aid "Sandal Sarayı" kimi təqdim edilmiş şəkildə Gəncə xan sarayı təsvir edilmişdir. Ümumiyyətlə Şəddadilər dövründə Gəncə indiki ərazisində yox, Qədim Gəncə ərazisində yerləşirdi. Şəddadilərin sarayı da həmin ərazidə olmuşdur.
- Şəddadilər dövrünə aid "İçəri qala" kimi təqdim edilən abidə Ani qalasıdır. Ən erkən hissəsi Kral Smbatın dövründə inşa edilib.[1]
- VII əsrə aid (!) "Qəddəki ev" kimi təqdim edilən bina da Qacarlar dövrünə aiddi və hazırda binada Təbriz İslam İncəsənəti Universitetinin korpuslarından biri yerləşir. [2]
- Naxçıvanşahlıq dövrünə aid "Nəqş evi" kimi təqdim edilən şəkil XIX əsrə aid Naxçıvan xan sarayının həyətində xidmətçilər üçün binadır. Naxçıvanşahlıq elə qısa müddətdə mövcud olub ki, heç dövləti düz əməlli formalaşdırmağa imkanları olmayıb.))
- Memar Əcəminin Eldənizlər sarayı kimi təqdim edilən şəkil Naxçıvan xan sarayının əsas fasadında iki şəbəkəli pilləkəndən biridi.
- Elxanilər dövrünə aidmiş kimi göstərilən Saat evi 1934-cü ildə tikilib.
İdarəçilərdən xahiş edirəm, kimsə bu məqaləyə nəzər yetirsin. Müəllif saxta məlumatlar verdiyinə görə ya xəbərdarlıq alsın, ya da cəzalandırılsın. --sefer azeri 08:58, 13 may 2018 (UTC)
- @Sefer azeri, salam. Sizcə bu məqalə silinməlidir? samral müzakirə 07:13, 9 avqust 2023 (UTC)
- Bəli. Hörmətlə — sefer azeri 10:52, 9 avqust 2023 (UTC)