Müzakirə:Sin sülaləsi (1644–1911)
Bu sülalənin adı Azərbaycan Milli Ensiklopediyasındakı "Çin" məqaləsinin tarixi dövlətlərə aid bölməsində Sin sülaləsi kimi yazılıb. Məqalədə "Çin Sin sülaləsinin hakimiyyəti altında" adlı bölmə də var. Amma bir problem var ki, eramızdan əvvəl mövcud olmuş digər bir sülalənin də adı Sin sülaləsi kimi göstərilib. Onun məqaləsi də az-vikidə elə bu cür adlanır. İndi problem ondadır ki, bunları Vikipediyada necə bir-birindən ayıraq. Bir həll yolu AME-nin "S" hərfi olan cildinin nəşrini gözləməkdir, bəlkə orda fərqli nəsə yazacaqlar. Amma bu proses 5-6 il çəkə bilər. Ona görə də təklif edirəm ki, hər iki sülalənin məqaləsini "Sin sülaləsi" adlandıraq, amma mötərizədə dəqiqləşdirmə kimi hansısa söz və ya ifadədən istifadə edək. Məsələn, "eramızdan əvvəl" və "bizim era", yaxud "qədim" və "yeni". Ya da məqalələrdən birini Qədim Sin sülaləsi, digərini isə Sin sülaləsi adlandıraq. Başqa təklifi olan varsa, münasibət bildirsə, yaxşı olardı.--Wertuose (müzakirə) 10:55, 13 dekabr 2024 (UTC)