Müzakirə:Quldarlıq

Məqalənin adlandırılmasında bir problem yoxdur. Ançaq mən bu məsələ ilə bağlı olan digər bir məsələ haqqında fikir bildirmək istərdim. Mən Qul adında məqalə yaratmaq istəyirdim. Ançaq gördüm ki, türk vikipediyasından qul məqaləsinə Azərbaycan dilli bölməyə bu məqaləyə keçid əlavə edilib. İndi mən bilmək istərdim ki, bu məqalədə qulların həyatı, onların yaşayış şəraitləri haqqında yazsam, doğrumu olar?--Baskervill 15:40, 4 noyabr 2011 (UTC)Cavabla

Düşünürəm ki, Türkiyə Vikipediyasında bu keçid yanlış bir vəziyyətdir. Unutmayaq ki, quldarlıq quruluşu dedikdə, yalnız qul nəzərdə tutulmur, burada ən səthi mənada quldar anlamı da mahiyyətini saxlayır. Bu səbəbdən Köləlik məqaləsi yaradılaraq müvafiq Türkiyə Vikipediyasında yanlış keçid olan məqalədə yerləşdirməli, yanlış keçidi isə daha doğru məqaləyə keçirilərərək, bəhs edilən qeyriliyi düzəltmək zənnimcə düzgün addım olar. Həmçinin qeyd etmək istərdim ki, bu keçid Türkiyə Vikipediyasında Qul məqaləsinə deyil, Köləlik məqaləsinə keçir. --Fuad Sultan 16:00, 4 noyabr 2011 (UTC)Cavabla

Doğrudur. Məsələn mənim tərəfimdən əlavə edilən son yazılar, Qul məqaləsinə daha yaxındır. Məsələni həll etmək lazımdır. Mən bilmirəki yazıları hansı məqaləyə əlavə edim. Hörmətlə--Baskervill 16:24, 4 noyabr 2011 (UTC)Cavabla

Məncə bu məqalə "Köləlik" adlandırılmalıdır. Həm daha işləkdir, həm də daha yaxşı təsvir edir mövzunu. Çünki "quldar" qula sahib şəxsdir və tarixi termindir, mövzu isə köləlikdir. @PinkEmaa, ChanisCaucasi, Əkrəm və Мурад 97: fikirləriniz maraqlıdır. Hörmətlə, Qədir (müzakirə) 02:13, 24 yanvar 2026 (UTC)Cavabla

razıyam. Lüğət də həmfikirdir. "Рабство – ср мн. нет 1. köləlik, qulluq, əsarət; 2. tar. quldarlıq (quruluşu); 3. məc. itaət, tabelik". --► Hörmətlə: ChanisCaucasi 03:08, 24 yanvar 2026 (UTC)Cavabla

Quldarlıq elə bu məqalədə yazıldığı kimi bir ictimai-iqtisadi formasiyadır (qulların sahibi olmaq mənasından yanaşı). Amma, başqa vikipediyalarda bu məqalə elə köləlik haqındadır. Yəni, həm məqalənin adı, həm də onun tərkibi dəyişməlidir. Çünki, başlıq hissəsi ilə ictimai-iqtisadi formasiya haqqındadır, köləliyin özü haqqında deyil. --Мурад 97 (müzakirə) 20:38, 24 yanvar 2026 (UTC)Cavabla

Quldarlıq deyilən bir quruluş qədim dövrdə mövcud olub və onu zamanla feodalizm əvəz edib necəki bu məqalənin ilk cümlələrində də həmin quruluşun təsviri verilib. Lakin məqalənin digər bölümlərinə nəzər yetirdikdə məlum olur ki, məqalə quldarlıq quruluşu haqqında deyil, ümumiyyətlə köləlikdən və kölələrin və ya qulların istismarından gedir. Ümumilikdə kölələrin istismarı özlüyündə elə quldarlıq adlandırılır, lakin quldar qulun sahibi olan şəxsə deyilir. Amma yenə də sistem olaraq köləlik deyilən bir sistemin təsviri və ya bu barədə akademik nəşrlərdə bir bölüm bizim dilimizdə yoxdur. Bizim dildə hər yerdə qul əməyindən istifadə edilən sistem Quldarlıq olaraq adlandırılmışdır.PinkEmaa (müzakirə) 20:47, 9 fevral 2026 (UTC)Cavabla

Akademik nəşrlərdə olub-olmamasından asılı olmayaraq VP:TANINMIŞAD qaydası var. Hörmətlə, Qədir (müzakirə) 21:21, 9 fevral 2026 (UTC)Cavabla