Müzakirə:Qaraçuxur
| Bu, Qaraçuxur məqaləsinin müzakirə səhifəsidir. |
Məqalə prinsipləri
|
@Araz Yaquboglu, @Samral, @Elshanh, @Wertuose, təklif edirəm, qəsəbənin adının tarixini dəqiqləşdirək.
Əvvəl yazılmışdı ki,
1923-cü ildən Kaqanoviç qəsəbə, fəhlə, kəndli, qızıl əsgər və qırmızı donanmaçı deputatları Soveti, 1939-cu ilin dekabr ayından isə Kaqanoviç rayon ZDS İcraiyyə Komitəsi adlandırılmışdır. Azərbaycan SSR Ali Soveti Rəyasət Heyətinin 26.09.1955-ci il tarixli Fərmanına uyğun olaraq Bakı şəhəri ZDS İcraiyyə Komitəsinin 06.10.1955-ci il tarixli 19/473 №-li Qərarı ilə Kaqanoviç rayon ZDS İcraiyyə Komitəsi ləğv edilərək ərazisi Bakı şəhəri Orjenikidze rayonunun tərkibinə verilmiş və həmin qərarla Kaqanoviç rayon ZDS İcraiyyə Komitəsi, Kaqanoviç qəsəbə ZDS İcraiyyə Komitəsi adlandırılmışdır. Azərbaycan SSR Ali Soveti Rəyasət Heyətinin 31.08.1957-ci il tarixli fərmanı ilə Orjenikidze rayonu Kaqanoviç qəsəbəsi, Ordjenikidze rayonu Qaraçuxur qəsəbəsi adlandırılmış, 26.05.1964-cü ildə Qaraçuxur qəsəbəsinin adı Serebrovski adı ilə əvəz olunmuşdur. Azərbaycan Respublikası Milli Məclisinin 29.04.1992-ci il tarixli qərarı ilə qəsəbənin əvvəlki Qaraçuxur adı yenidən özünə qaytarılmışdır.
İndi yazılır ki,
1923-cü ildən Kaqanoviç qəsəbəsi, 1939-cu ilin dekabr ayından isə Kaqanoviç rayonu adlandırılmışdır. 26 sentyabr 1955-ci ildə Bakı şəhəri Orconikidze rayonunun tərkibinə verilmiş və yenidən Kaqanoviç qəsəbəsi adlandırılmışdır. 31 avqust 1957-ci ildə Qaraçuxur qəsəbəsi adlandırılmış, 26 may 1964-cü ildə isə bu ad Serebrovski adı ilə əvəz olunmuşdur.
Azərbaycan Respublikası Ali Sovetinin 29 aprel 1992-ci il tarixli qərarı ilə qəsəbə yenidən Qaraçuxur adlandırılmışdır.
Hər halda, qəsəbənin rayon addlanması, sonra isə yenidən qəsəbə olması bir az reallığa oxşamır - görünür, məlumat qeyri-dəqiq yazılıb. Ola bilər ki, 1939-cu ildə rayon yaradılmış, 1955-ci ildə isə ləğv edilmişdi - mənbə olsa pis olmazı.
Həmçinin, 1923-cü ildə Kaqanoviç qəsəbəsi adlanması dair. Bu mənbədə deyilir ki, Qaraçuxur şəhər tipli qəqəbəsi 1936-cı ildə təşkil edilmişdi. Sual yaranır: əgər məntəqə 1923-cü ildə Kaqanoviç adlanmışdısa, onda 1936-cı ildə nə idi? bəlkə şəhər tipli qəsəbə statusu verilmişdi? 1923-cü ildəki hadisəyə dair mənbə olsaydısa, aydınlaşdırmaq mümkün olardı. Həmçinin, 1923/1936-cı ildən qabaq (yəni Kaqanoviç adlandırılmasından qabaq) məntəqənin adına dair mənbə varmı? Zohrab Javad (müzakirə) 10:32, 20 aprel 2025 (UTC)
- Salam. Belə görünür ki, Kaqanoviç rayonu 1955-ci ildə (bəzi mənbələrdə isə 1957) ləğv edilib və Orconikidze (indiki Suraxanı) rayonuna birləşdirilib. O dövrdəki rayon bölgüsünə nəsə fərqli yanaşma olub görünür, daha kiçik ölçülü rayonlar olub. Yəqin ki, 1923-cü ildə qəsəbə, 1936-cı ildə isə şəhər tipli qəsəbə statusu alıb. Amma ondan əvvəlki adı ilə bağlı dəqiq nəsə olmasa da, görünür, 1957-ci ildə adının bir müddət Qaraçuxur olması, məhz 1923-cü ilə qədər olan adın bərpası ilə əlaqədardır, yoxsa bu adın birdən-birə tətbiq edilməsi məntiqli görünmür. Ru-vikidəki məqaləyə əsasən həmin ərazidə neft mədənləri olub və ola bilsin "qara çuxur" adı da məhz bununla əlaqədardır. Amma təbii ki, mənbəyə ehtiyac var. Arxivlərdən, ya da ən yaxşısı sovet dövründə yazılmış kitablardan istifadə etməklə detalları müəyyən etmək olar, amma nə axtardığını bilmədən belə mənbə tapmaq çətin məsələdir.-- Wertuose (müzakirə) 13:13, 21 aprel 2025 (UTC)
- Ruvikidəki "Основан как посёлок при нефтепромысле имени Кагановича." cümləsinin mənbəyi yoxdur... Zohrab Javad (müzakirə) 08:34, 22 aprel 2025 (UTC)