Şəhərin bizim dilimizdəki ənənəvi adı "Qüds"dür. Başlıq niyə əcnəbi dildə yazılıb? Düzəliş edilməsini xahiş edirəm. Digər bir çox başlıqlarda da yenə eyni şəkildə ruscadan olduğu kimi köçürmə xətalar var. — Bu imzasız yazı 89.147.234.115 () tərəfindən əlavə edilib; 23:26, 9 mart 2014 (UTC)

Məncə də Qüds olmalıdır.--samral ^müzakirə18:12, 14 yanvar 2015 (UTC)

Türk dilində Qüds gedir.--Xoncha (talk) 23:43, 17 fevral 2015 (UTC)

İstifadəçi:Sefer_azeri niyə bu məqaləni Yerusəlim edib? Əgər Ziya Bünyadov kimi adam oranı "Qüds" çağırırsa, oranı İstifadəçi:Sefer_azeri istədiyi kimi redaktə edir və ən əsası mövzunu bağlayıb! Bütün Türk dillərində o şəhərin adı Qüds gedir. Gedin tarixi öyrənin. --Xoncha (talk) 23:56, 17 fevral 2015 (UTC)

Hər mövzunu kənd meydanında müzakirəyə çıxarmaq lazım deyil, istifadəçi müzakirə səhifəmə yazdığınız mesaja cavab vermişəm. Məqaləni qərəzli redaktələrdən müdafiə etmək üçün bir müddətlik bağlamışam. Ziya Bünyadov mübahisəli məsələlərdə istinad edilə bilinəcək səviyyədə alim deyil. Hörmətlə --sefer azeri 00:01, 18 fevral 2015 (UTC)

Bütün türk dillərində oranın adı Qüds gedir. Bunu bilmək çətin deyl.--Xoncha (talk) 00:02, 18 fevral 2015 (UTC)

O zaman gedib məqalənin türk dillərində olan versiyalarını redaktə edə bilərsiz. --sefer azeri 00:10, 18 fevral 2015 (UTC)

Birinci tarixi öyrənsəz gözəl olar. İnternetdə görürəm söz cəngavərisiz. --Xoncha (talk) 00:11, 18 fevral 2015 (UTC)

ASE-də şəhərin adı necədirsə, burada da elə yazılmalıdır, 2-ci variantdan söhbət gedə bilməz. Mən baxmamışam, baxıb sonra sizə deyərəm. — Bu imzasız yazı 5.10.244.195 () tərəfindən əlavə edilib; 2:19, 18 fevral 2015 (UTC)

Birincisi Yerusəlim sözünü Qüds ilə əvəz etmək və ya əksini etmək çox mübahisəli məsələdir. "vikipediyanın digər dillərdə olan layihələrində (ərəb və farsdilli layihələr, həmçinin onların təsiri altında olan dil layihələri istisna olmaqla) məqalə Yerusəlim adlandırılır" məncə çox da düzgün fikir deyil. Çünki bu məntiqlə biz Xankəndi məqaləsinin adını dəyişib Stepanakert qoymalıyıq (digər vikilərdə demək olar ki, çoxunda bu adlandırmadan istifadə olunur). Mənim fikrimə gəldikdə isə Yerusəlim adlandırsa daha məqsədə uyğundur. Çünki bura tarixən İsrail şəhəri olub və ad daha qədimdir. Şəxsən mən İsraildə yaşayanda heç kim Qüds sözündən də istifadə etmirdi--Serk@nl@nd 10:49, 18 fevral 2015 (UTC)

Men basha dusmurem, kim ureyi ne istese edir, amma hech qaydaya istinad eden yoxdur. Vikipediya:Məqalənin adlandırılması qaydalarına görə, "Məqalənin adı mümkün qədər qısa və aydın olmalıdır. Azərbaycanca danışan oxucunun ən çox tanış olduğu varianta üstünlük verilməlidir, bu mubahisə yaradarsa onda Azərbaycan dilində olan ensiklopediya, dərslik və ya akademik nəşrlərdə istifadə olunmuş varianta üstünlük verilməlidir." ASE-de "Qüds" yazilibdir, 3-cu cild, seh.292. Burda da bele olmalidir. Orasi-burasi yoxdur. Sadece burada , sebebini Allah bilir. — Bu imzasız yazı 188.226.220.27 () tərəfindən əlavə edilib; 14:44, 18 fevral 2015 (UTC)

Hörmətli həmkarlar Azərbaycan oxucusuna hər iki ad da tanışdır: bu doğrudur. Azərbaycan dilli mənbələrin hamısında indiyədək və indi bu yaşayış məntəqəsinin adı bütün islam şərqində olduğu kimi Qüds adlanır. Əlbəttə burda o şəhərin tarixən hansı etnik qrupa aid olduğunu müzakirə etməyə lüzum yoxdur: yoxsa məsələ çox uzanar. Mənim şəxsi fikrim də belədir ki, adlanmanı azviki-də indiki kimi dəyişməyə ehtiyyac yox idi. Ancaq əgər Azərbaycanın rəsmi sənədlərində və ya uyğun coğrafi ədəbiyyatında bu ad belədirsə ənənədən uzaqlaşmaq olar. Mənə görə: ASE=BSE-nin tərcüməsi 80-90 %, çünki müstəmləkə dövlətdə bundan artığı da ola bilməzdi. Önəmli olan Azərbaycanın hüquqi yanaşmasıdır və ehtimal edirəm ki, özü sərhədlərinin bütövlüyü hücuma və təcavüzə məruz qalmış dövlət olaraq Azərbaycan bu məsləyə beynəlxalq hüquq müstəvisində baxır. Əminəm ki, həmkar uyğun etibarlı istinadı göstərəcəkdir. Hər kəsə hörmətlə !--Asparux Xan Bulqar (talk) 13:18, 19 fevral 2015 (UTC)

OK, olsun Yerusalim. Onda -Serk@nl@nd imkan verin biz redaktə edək.--Xoncha (talk) 21:54, 19 fevral 2015 (UTC)

Hörmətli Xoncha, olmasın, niyə olsun Yerusalim?! Nə onların, nə də sizin fikriniz əsas deyil, əsas vikipediya qaydalarıdır. Sabah birisi də gəlib desə ki, Azərbaycanın adını Atropatena yazmalıyıq, onunla da razılaşacaqsınızmı? — Bu imzasız yazı 188.226.253.252 () tərəfindən əlavə edilib; 14:04, 20 fevral 2015 (UTC)

Fikrimcə məqalənin adı Qüds olmalıdır.--samral ^müzakirə18:43, 20 fevral 2015 (UTC)

Sefer azeri məqalənin adının Yerusəlim olmasının tərəfdarıdır. Səfər bəy istifadəçi səhifəsində qeyd edir ki, İsrail dövlətinin paytaxtı olan bu şəhər həmin dövlətin rəsmi səndlərində Yerusəlim adlandırılır. Əvvəla İsrail dövlətinin paytaxtı Təl-Əvivdir. Sənədə gəldikdə isə, bəli düzdü, lakin İsrail və İsrailpərəst rəsmi sənədlərdə belə adlandırılır. Eləyə qalsa 1917-ci il Balfur bəyannaməsinə qədər olan 99,9 % bütün dillərdə olan bütün sənədlərdə və indi isə kifayət qədər sənədlərdə Qüds yazılıb. Səfər bəy daha sonra isə qeyd edir ki, vikipediyanın digər dillərdə olan layihələrində (ərəb və farsdilli layihələr, həmçinin onların təsiri altında olan dil layihələri istisna olmaqla) məqalə Yerusəlim adlandırılır. Azərbaycan mətbuatında və elmi ədəbiyyatında şəhərin Yerusəlim adlandırılması ilə bağlı yüzlərlə istinad gətirmək mümkündü. Səfər bəy o məntiqə qalsa, biz də deyə bilərik ki, Yerusəlim yazan vikilər də İsrail və yəhudilərin təsiri altında belə yazıb :). Yəni bu çox qeyri-məntiqi arqumentdi. Daha sonra isə Səfər bəy qeyd edir: Türk dilində də ərəb dilinin təsiri ilə (həmçinin türklər bunu bir növ fələstinli ərəblərə dəstək də hesab edirlər) şəhər Qüds adlandırılır. Azərbaycanda da mətbuatda və elmi ədəbiyyatda şəhərin Qüds adlandırılması faktları əlbəttə ki var. Bir çox insanlar bu şəhəri Qüds adı ilə tanıyırlar. Ona görə də Qüds adı da məqalənin əsas adına yönləndirilib. Həmçinin məqalənin preambulasında şəhərin Qüds adı ilə tanınması da qeyd edilib. Yəni Qüds adı ilə məqaləni axtaranlar da rahat şəkildə tapa biləcəklər. Səfər bəy az öncə də qeyd etdiyim kimi, sizin dediyinizlə götürsək onda belə çıxır ki, şəhərin adını Yerusəlim kimi yazanlar da bunu yəhudilərə dəstək üçün edirlər. Yəni qısacası bu da çox məntiqsiz arqumentdir. Səfər bəy məqalənin adını Qüds qoyaq, Yerusəlim məqaləsindən bu məqaləyə istiqamətlənmə qoyaq. Və beləliklə şəhəri Yerusəlim kimi tanıyanlar məqaləni rahatlıqla oxuya bilərlər. :) Son olaraq onu qeyd edim ki, əgər Qüds deyənlərlə razılığa gəlməsə bu məqalənin adı barəsində son sözü Səfər bəydən başqa hər hansı bir idarəçi qərar verməlidir. Çünki Səfər bəy bu mövzuda tərəfdi və ona görə də bu məqalədə son qərarı o verə bilməz.--samral ^müzakirə19:05, 21 fevral 2015 (UTC)

Onu da qeyd edim ki, google.az-da da Qüds sözünün açıq aşkar üstünüyü var:

Qüds:

Yerusəlim: --samral ^müzakirə19:08, 21 fevral 2015 (UTC)

Azərbaycan Sovet Ensiklopediyasında (3-cü cild, 292-ci səhifə) şəhərin adı Qüds olaraq verilmişdir.--samral ^müzakirə12:50, 24 fevral 2015 (UTC)

Başa düşmürəm, bu "Yerusəlim" adı haradan meydana çıxıb? Azərbaycan dilində yazılan 99% akademik mənbədə (o cümlədən ASE-də) bu şəhərin adı "Qüds" kimi göstərilir. Azərbaycan dilində danışan hər insan, istər Azərbaycanda, istər İranda yaşayan, daha çox "Qüds" sözünə bələddir. Burada heç bir siyasi mövqe yoxdur.

sefer azeri, məqaləni "ətrafında müzakirələr səngiyənə kimi" mühafizəyə qoymusunuz, amma sizdən başqa burada "Qüds" yazılışına qarşı çıxan yoxdur; qarşı çıxan təkcə siz olduğunuz halda da özünüz müzakirədən çəkinib, öz fikrinizi dəstəkləyən heç bir isbat, heç bir mənbə göstərməmisiniz. Bu nə müzakirə oldu? Üstəlik "Qüds" sözünü hətta şəhərin alternativ adları siyahısından da pozmusunuz, sanki bu sözün ümumiyyətlə Azərbaycan dilinə aidiyyəti yoxdur. Şəxsən mən "Yerusəlim" yazılışının leyhinə olan və yaxud "Qüds" yazılışının əleyhinə olan ciddi arqumentlər eşitmək istəyərdim. Parishan (talk) 15:55, 24 fevral 2015 (UTC)

Yerusəlim abidələri, görməli yerləri, tarixi, mədəni həyatı və sair haqqında çoxsaylı məqalələr yaradılmasını, şəhər haqqında məqalənin isə seçilmiş məqalə səviyyəsində işlənməsini nəzərdə tutmuşdum, sonradan şəhər haqqında portal da yaradacaqdıq. Lakin, destruktiv fəaliyyətiniz (müzakirədə iştirak edən bütün istifadəçiləri nəzərdə tuturam!) bu fikrimizdən əl çəkməyimizlə nəticələndi. İstədiyiniz kimi məqalənin adını Qüds olaraq dəyişdim. Lakin, nəzərə alın ki, bununla mən heç nə itirmədim. İtirən vikipediya və azərbaycandilli cəmiyyət oldu. Çünki, nə hansısa Azərbaycandilli kitablarda, nə də ürəklə istinad etdiyiniz Azərbaycan Sovet Ensiklopediyasında bizim yazmağı planlaşdırdığımız geniş məlumatlar və məqalələr yoxdur. Təxminən buna oxşar müzakirə (təbii ki, daha intellektual və akademik səviyyədə) bir neçə il əvvəl ingilisdilli vikipediyada da aparılıb və sonda məqalənin adının Yerusəlim olaraq saxlanmasına qərar verilib. İngilis vikipediyasının iş prinsipi ilə tanış olanlar ərəblərin həmin vikipediyada necə aktiv və planlı işlədiklərindən xəbərdardılar. Yəhudilər həmişə, ərəblərin bir çox faktları saxtalaşdırdıqlarından və bunun qarşısını almaqda əziyyət çəkdiklərindən şikayət edirlər (bizimkilərin tez-tez rus vikipediyasında ermənilərin aktivliyi ilə bağlı şikayət etdikləri kimi). Bununla belə müzakirələrin nəticəsi olaraq, şəhər haqqında məqalənin məhz Yerusəlim adlandırılması qərarı verilmişdi. Mən həmin müzakirələrdə səsləndirilən faktlar, arqumentlər və mənbələrdən istifadə edərək əlbəttə ki, məqalənin məhz Yerusəlim adlandırılmasına nail ola bilərdim. Lakin kimlərində çirkli ambisiyalarını (bu ifadəm hamıya aid deyil, konkret istifadəçiyə yönəlib) həyata keçirmələri üçün apardıqları bu cür lüzumsuz müzakirdə iştirak etməyi vaxt itkisi hesab edirəm (ən azı ona görə ki, bu mövzu illər əvvəl ingilis vikipediyasında müzakirə olunub və bir balaca dil bilgisi və intellektual səviyyəsi olan adam ən azı həmin müzakirəni oxuduqdan sonra burda səsləndirdiyi fikirlərin və istinad etdiyi mənbələrin qarşı tərəfin arqument və mənbələri qarşısında gülünc səsləndiyini görə bilərdi). Lazımsız müzakirəyə sərf etdiyim vaxtı məqalə redaktə etmək üçün istifadə etməyimin daha doğru olacağını düşünürəm. Məqalənin Qüds adlandırılması üçün dəridən-qabıqdan çıxan istifadəçilərin məqaləni zənginləşdirmək üçün də bu cür canfəşanlıq göstərəcəklərinə ümid edirəm. Hər birinizdən ricam, müzakirənin davamında mənim adımı qeyd etməyin ki, bildiriş gəlməsin və sizin yazdıqlarınızı oxumaq məcburiyyətində qalmayım. Hər birinizə hörmətlə --sefer azeri 18:21, 24 fevral 2015 (UTC)

Nəzərinizə çatdırım ki, ümumi tonunuz və xüsusi ilə "çirkli ambisiyalar" kimi ifadələr işlətməyiniz Vikipediya:Nəzakət qaydasını pozmaqdadır. Xahiş edirəm cavab verməmişdən emosional amilləri istifadəçilərə ünvanlanmış müraciətlərdən xaric edəsiniz.

"Yəhudilər həmişə ərəblərin bir çox faktları saxtalaşdırdıqları əziyyət çəkdikləri" əsassız, qərəzli, irqçı, sırf şəxsi emosiyalar təsiri altında yaranmış qeyri-elmi arqumentdir. İngilis-dilli Vikipediyaya dönə-dönə əsaslanırsınız, amma ingilis-dilli Vikipediyada on ilə yaxın fəal iştirak edən bir istifadəçi kimi sizə tam əminliklə deyirəm ki, bu cür irqçi arqumenti siz orada əsas kimi gətirsəydiniz, sizi ən azı bir neçə aylıq məqalələri redaktə etməkdən məhrum edəcəkdilər. Üstəlik, ingilis-dilli Vikipediyada siz heç vaxt görməzsiniz ki, nəzarətçi öz şəxsi fikriylə üst-üstə gəlməyən əsaslı və cəmi bir dəfə tətbiq edilmiş ad dəyişməsini geriyə çəkib məqaləni mühafizə edə.

Hər halda qonşu layihələrdə baş verən müzakirələr bu layihəyə aid deyil. Yeri gəlmişkən, mənim yadımda deyil ki, kimsə ingilis-dilli Vikipediyada məqaləninin adını ingilis dilində azı 1500 il ərzində işlənilən "Jerusalem" sözündən "Qüds" sözünə dəyişməyi təklif etsin. Bizdə isə əksinə, əsrlər boyu işlənilən "Qüds" sözü niyə "Yerusəlim" sözüylə əvəz olunsun?

Sizin Qüdsə dair məqalələr yaratmaq planınızı ürəkdən dəstəkləyirəm. Lakin bu cür məqalələrin ASE-də mövcud olmaması hələ o demək deyil ki, onlar üçün özümüzdən ad qoşmaq hüququndayıq. Vikipediya azad tribuna deyil: azlıq təşkil edən terminologiyanı buradakı məqalələrə sırıya-sırıya Vikipediya vasitəsiylə onu təbliğ edib, onu yazı ədəbiyyatında "qanuna salmaq" Vikipediya qaydalarına ziddir.

Buradakı iştirakçılar heç bir qaydanı pozmamışdır. Hərə qaydalarda nəzərdə tutulmuş şəkildə akademik mənbələrə istinad edərək öz mövqeyini ədəb-ərkənli bildirmişdir. Sizin buna bu cür reaksiya verdiyiniz tamamilə yersizdir. Parishan (talk) 19:18, 24 fevral 2015 (UTC)

Dil cəngavərliyi eləmək asandır, zəhmət çəkin savad, bacarıq və təcrübənizi məqalənin zənginləşdirilməsində göstərin. Hörmətlə --sefer azeri 20:55, 24 fevral 2015 (UTC)

Hörmətli sefer azeri, bura yarış deyil ki, kimin daha zəngin məqalələr yazmaq bacarığının müqayisəsinə çıxaq. Söhbət sizin savadınızdan ya bacarığınızdan getmirdi, konkret bir hərəkətdən, yəni akademik mənbə göstərmədən müəyyən mövqedə israr etmənizdən gedirdi. Məsələ öz həllini tapmağına şadam, lakin məcburi deyil ki, mən kiməsə "savad, bacarıq və təcrübəmi" nümayiş edəm. İnanın ki, mənim savad, bacarıq və təcrübəm sizinkindən əskik deyil. Dəfələrlə istinad etdiyiniz ingilis-dilli Vikipediyada son 10 il ərzində Azərbaycana dair məqalələrlə maraqlanmısınızsa, ümid edirəm ki, mənim orada elmi dəlillərə və nəzakətli davranış prinsiplərinə söykənən "savad, bacarıq və təcrübəmin" şahidi olmamış olmazsınız. Qarşılıqlı hörmətlə, Parishan (talk) 00:04, 25 fevral 2015 (UTC)

Məqalənin mühafizəsi üçün heç bir ciddi səbəb yoxdur. Sefer azeri mühafizəni məqalədən götürün.--samral ^müzakirə20:30, 21 fevral 2015 (UTC)

Məqalə ətrafında müzakirələr səngiyənə kimi məqalənin mühafizəli qalması məqsədəuyğundur. --sefer azeri 22:41, 21 fevral 2015 (UTC)

Müzakirə deyəndə ki, burada təktərəfli isbat gedir. Müzakirə 2 və daha artıq adam arasında olur. Sübutetməni də tam başa çatdıracam inşəAllah.--samral ^müzakirə23:53, 21 fevral 2015 (UTC)

Samral, düz deyir, mühafizəni nə vaxtsa götürəcəksiz və bu heç bir qarantiya vermir gələcək dəyişikliyə. Bir neferin mövqesini hamıdan yüksək tutmaq, düz deyl.--Xoncha (talk) 02:18, 22 fevral 2015 (UTC)

Məqalənin adını dəyişəndə niyə heç bir müzakirə aparılmadı ki?! Məqalənin mühafizəsi aradan qaldırılmalı, adı əvvəlki vəziyyətə qaytarılmalı, bundan sonra müzakirə aparılmalıdır. Vikipediya qaydaları belə tələb edir. Lap cəhənnəm, adını mühafizə edin, məqaləni açıq buraxın, məqalənin mənti ilə bağlı mübahisə yoxdur ki? Elə adı ilə bağlı da mübahisə heç yox idi, sadəcə bəzi şəxslər qəsdən mübahisə yaratdılar, vikipediyanın işini pozmaq üçün. — Bu imzasız yazı 188.226.226.40 () tərəfindən əlavə edilib;

Keçən defə geniş müzakirə oldu ki, məqalənin adı Qüds olsun. Xahiş edirəm, Yerusəlimə çevirməyin.--Azerifactory (müzakirə) 00:59, 24 avqust 2016 (UTC)

@sefer azeri, keçən dəfə sonra bu səhifədə "Yerusəlim" adına üstünlük verilməsinin Azərbaycan dilində mövcud olan elmi mənbələrin əksəriyyəti ilə uyğun olmaması göstərildi. Bilmək olarmı, nə səbəbdən siz səhifədə "Yerusəlim" adını "Qüds" adına nisbətən irəli çəkib məqaləyə qatdığınız hissələrdə sırf "Yerusəlim" adından istifadə edirsiniz? Parishan (müzakirə) 08:41, 9 dekabr 2017 (UTC)

@Parishan,, Azərbaycan Milli Ensiklopediyası hər iki adı istifadə edir, ona görə də məqalədə hər iki ad istifadə edilə bilər, sizin qeyd etdiyiniz müzakirə isə məqalənin adlandırılması ilə bağlı idi və gördüyünüz kimi, məqalə Qüds adlandırılır. Mən tədricən məqaləni inkişaf etdirmək fikrindəyəm, həmçinin Yerusəlimin adlandırılması haqqında da ayrıca məqalə yaradacam. Hörmətlə --sefer azeri 09:03, 9 dekabr 2017 (UTC)

Sefer azeri, keçən dəfəki müzakirədə məqalənin adlandırılması Qüds olaraq qəbul edilibsə deməli məqalənin daxilində də Qüds sözündən istifadə olunmalıdır. O nə deməkdir ki, AME-də iksi də var deyə iksindən də istifadə edirəm. Siz iksindən də istifadə etmirsiz. Siz sadəcə Yerusəlim sözündən istifadə edirsiz. Və götürmüsüz ən başda Yerusəlimi Qüds sözündən əvvələ keçirmisiz, bundan da əlavə əsas məlumat şablonunda da Qüdsü Yerusəlim etmisiz. Biz keçən dəfə müzakirəni sırf məqalənin adlandırılması, yəni az.wikipedia.org/Qüds olsun deyə etməmişik. Bunu demək, iddia etmək vikiqaydalara ziddir. Son müzakirəmizdə qərar qəbul edilib ki, bu şəhərin bizim dildə adı Qüdsdü, sadəcə Yerusəlim sözü də ümunişləkdi. Və bu da ən başda qeyd olunub. Yoxsa ki, müzakirədə Qüds qərarı çıxa-çıxa götürüb təkcə ən başda Qüds sözünü yazaq, özü də Yerusəlimdən sonra. Və məqalənin qalan bütün hər yerində Yerusəlim yazmaq bu həm vikiqaydalara ziddir, həm sonuncu uzun müzakirədən sonra qəbul edilmiş qərara ziddir, həm də bütün vikicəmiyyətə hörmətsizlikdir. Və çox maraqlıdır ki, siz oturmusuz-oturmusuz Tramp Qüdsü İsrailin paytaxtı kimi tanıyandan sonra, dünyada və Azərbaycanda bu mövzu geniş müzakirə obyektinə çevriləndən sonra başlamısız bu məqalədə təxribatçı fəaliyyətə.--samral ^müzakirə09:39, 10 dekabr 2017 (UTC)

Samral harda yazılıb ki, məqalələrdə Yerusəlim sözündən istifadə etmək olmaz? Sizin etirazınız nəyədir konkret olaraq? Mən ikisindən də istifadə edirəm yazmamışam, ikisindən də istifadə edilə bilər yazmışam, mən isə Yerusəlim adından istifadə etməyə üstünlük verirəm. Zəhmət olmasa keçən dəfəki müzakirəni bir daha nəzərdən keçirin və görərsiz ki, müzakirə yalnız məqalənin adlandırılması ilə bağlıdır və mən məqalənin adını dəyişməmişəm. Yerusəlim sözünü istifadə etmək hansı vikiqaydaya ziddirsə onu da izah edin zəhmət olmasa, həmçinin məqalənin içində Yerusəlim sözünün istifadəsinin vikicəmiyyətə necə hörmətsizlik olmasını da izah edin, əks halda iftira atdığınıza və fəaliyyətə mane olduğunuza görə idarəçilərə müraciət edəcəm. --sefer azeri 09:46, 10 dekabr 2017 (UTC)

Sefer azeri, mənimlə söz oyunu oynamayın. Məni bu cür ilişdirə bilməzsiz. Mən yuxarıda qeyd etdim və bir daha təkrar edirəm ki, müzakirədə qərar qəbul edilibsə ki, bu şəhərin adı Qüdsdü bu o deməkdir ki, məqalədə də bu addan istifadə olunmalıdır. Bu avtomatik bir şeydi. Bunu başa düşməmək qərəz olar, başqa heç nə. Biz o müzakirəni ona görə aparmamışdıq ki, məqalənin sırf URL-ı, linki Qüds olsun. Yuxarıda da dedim. Bir sözü adama bir neçə dəfə təkrar etdirməyin. Ortada konkret müzakirə və konkret qərar var. Biz o müzakirəni sırf az.wikipedia.org/Qüds linki üçün etməmişik. Siz yalan danışırsız. Vikicəmiyyətə də hörmətsizlik, qaydalara zidd hərəkət də odur ki, vikicəmiyyət konkret qərar verib ki, bu şəhərin bizim dildə, bizim vikidə əsas adı Qüdsdür. Məqalə adlandırılması da əsas ada uyğun edilir zatən. Sizin dediyiniz halda isə paradoksallıq yaranır. İndi bütün o müzakirədən, nəticəsindən sonra durub məqalədəki Qüdsləri Yerusəlim etmək həm vikiqaydalara ziddir, həm də vikicəmiyyətə qarşı hörmətsizlikdir. İndi gedib kimə nə şikayət edirsizsə edin.--samral ^müzakirə09:58, 10 dekabr 2017 (UTC)

Samral danışığınıza fikir verin! MÜzakirədə şəhərin adının nə olması qəbul edilmir, müzakirədə məqalənin necə adlandırılması məsələsi ortaya qoyulub və qərar alınıb, mən də həmin qərarı pozmamışam, yəni müzakirə nəticəsi olmasa pozmaq fikrim yoxdur. Məqalənin məzmununda isə hansı addan istəsəm onu da istifadə edə bilərəm. Şəhərin adı ilə bağlı da ayrıca məqalə yaradıb bütün mənbə və məlumatları orda qeyd edəcəm. --sefer azeri 10:09, 10 dekabr 2017 (UTC)

@sefer azeri, "hansını istəsəm onu da istifadə edə bilərəm" qaydasını haradan çıxarmısınız? Vikipediyanın qaydalarına əsasən başlıqda istifadə olunan ad müntəzəm olaraq məqalənin bütün mətnində istifadə olunmalıdır. Əgər tarixən coğrafi yerin adı yazdığınız dildə fərqli olmuşdursa (məs. İstanbul 1926-cı ilə kimi ingilis dilli mənbələrdə "Konstantinopol" kimi göstərilmişdir), bu halda sözügedən dövrlə əlaqədar köhnə adı göstərmək olar. Lakin Azərbaycan dilində bu şəhər həmişə əsasən Qüds kimi tanınmışdır (yeri gəlmişkən, "Yerusəlim" formasının ASE-na salınmasının düzgünlüyü də şübhə doğurur: həm ərəb, həm fars dilində "s"-dan sonra gələn sait uzundur, azərbaycanca əslində "-salim" olmalıdır, "ə"-nin orada heç yeri yoxdur, lakin bu ayrı bir söhbətə aid məsələdir). Bundan başqa, azlıq təşkil edən nəzəriyyəyə süni şəkildə çəki verilə bilməz. Hər hansı fikir elmi mənbələrdə əks olunduğu qədər Vikipediyada yer almalıdır. Məsələ isə bu yerdədir ki, "Yerusəlim" sözünü istifadə edən mənbələr "Qüds" sözünü istifadə edənlərdən qat-qat azdır. Bu terminin olduqca dar yayılmasını Vikipediya vasitəsiylə şişirdib onu kütləviləşdirmək qaydalara ziddir. Parishan (müzakirə) 01:54, 11 dekabr 2017 (UTC)

Azərbaycanda bir çox KİV-də Yerusəlim işlədilir. Qüds tarixi məqamlardan söhbət açılanda, keçmiş və indiki adları müqayisə edəndə eləcədə iki ölkənin (İsrail, Fələstin) onu necə adlandırması kimi hallarda işlədilir. Beynəlxalq səviyyədə belə şəhər Yerusəlim adlanır. Qüds kimin ideyasıdır daha doğrusu niyə məhz bu cür adlandırma ?? Mehdi4444 (müzakirə) 1:48 PM 18 yanvar 2018 (UTC)