Müzakirə:Od çərşənbəsi
| Bu, Od çərşənbəsi məqaləsinin müzakirə səhifəsidir. |
Məqalə prinsipləri
|
Azərbaycan Milli Elmlər Akademiyasının (AMEA) Folklor İnstitutu Novruz çərşənbələrinin indiki ardıcıllıqla adlandırılmasının əleyhinədir.
Bunu APA-ya açıqlamasında İnstitutun direktoru Muxtar İmanov bildirib. Onun sözlərinə görə, Novruz xalq bayramı olmaqla bərabər, həm də mühüm folklor hadisəsidir: “Bütün folklor hadisələrinin təməl prinsiplərindən biri çoxvariantlılıqdır. Bu, Novruz bayramına da aid edilməlidir. Ona görə də Novruz çərçənbələrinin su, od, yel və torpaq çərşənbələri kimi bölgü ilə ardıcıl adlandırılması düzgün deyil. Mən şəxsən bu bölgünün tərəfdarı deyiləm”. M. İmanov qeyd edib ki, Novruz çərşənbələri son illər daha çox mətbuat tərəfindən belə bölgü ilə təqdim edilir: “Halbuki, Azərbaycanın müxtəlif bölgələrində də çərşənbələr müxtəlif cür qeyd edilir. Məsələn, su amili sonuncu çərşənbədə özünü daha qabarıq göstərir. Eləcə də od amili həm sonuncu çərşənbədə, həm də digər çərşənbələrdə mühüm yer tutur. Ümumiyyətlə isə, bu dörd ünsürün arasında bizə daha yaxın olanı su və od amilidir”. [1]
Azərbaycan Milli Elmlər Akademiyasının (AMEA) Folklor İnstitutu Novruz çərşənbələri ilə bağlı araşdırmaları davam etdirmək qərarına gəlib. Bu barədə APA-ya institutun direktoru Muxtar İmanov məlumat verib. O bildirib ki, Folklor İnstitutunun təşkil etdiyi Novruz bayramı ilə bağlı elmi sessiyada Novruz çərçənbələri mövzusunda müzakirə aparılıb: “Sessiyanın nəticəsi olaraq belə qərara gəlindi ki, Novruzla bağlı elmi araşdırmalar daha da intensivləşdirilsin. Tədqiqatlar digər türk xalqları ilə əlaqəli şəkildə aparılacaq”.
M. İmanov bir daha xatırladıb ki, Novruz çərşənbələrinin indiki ardıcıllıqla düzülüşü qeyri-elmi bir düzümdür və bu, Novruzu düzgün tədqiq etməyə imkan vermir. [2]
Folklorşünas Ramazan Qafarov elmi sessiyada çıxış edərək etiraf edib ki, 1989-cu ildə folklorşünas Azad Nəbiyevlə birgə siyasi sifariş əsasında Novruz çərşənbələrinə 4 ünsürün (od, su, torpaq, yel) adlarının verilməsi qərarına gəliblər: “Biz o zaman bilmirdik ki, iki nəfərin qoyduğu adlar bu qədər sürətlə yayılaraq qəbul olunacaq. Ertəsi gündən başlayaraq çərşənbələrin yeni adlarını təbliğ etmək məqsədilə “Kommunist” qəzetində silsilə məqalələr çap etdirilməyə başlanıldı”.
- İstifadəçi:89MsHm Vikipediya prinsipləri ilə yaxından tanış olmalıdır. Vikipediyada "nəyin əslində necə doğru olması" deyil, hər uyğun dildə "nəyin nə olduğu" (bu tamamilə doğru olmayan iddia da ola bilər) verilməlidir. Ona görə İstifadəçi:89MsHm-dən xahiş olunur məqaləni silmədən öz iddialarını da əlavə etsin oraya--Melikov Memmed⇒email 05:41, 10 mart 2012 (UTC)