Hörmətli Burocan, əlavə etdiyiniz etibarlı mənbələrlə bağlı şablonun qalma səbəbini dəqiqləşdirə bilərsiniz? Çatışmayan nəsə varsa aradan qaldıraq. Bu məqalə hazırda tərəfimdən olunur və hələ də edilir. Hörmətlə, Elnur Neciyev (müzakirə) 12:29, 23 iyun 2021 (UTC)
- Hər vaxtınız xeyir. Məqalədə göstərilən məzmunun hər bir predmetinin etibarlı mənbələrlə təsdiqlənməsi zəruridir. VP:EM keçidindən bu barədə ətraflı məlumat ala bilərsiniz. — Burocan (müzakirə) 13:18, 23 iyun 2021 (UTC)
Hər vaxtınız xeyir. Vikipediyanın qaydaları ilə tanışam, xatırlatmanıza görə təşəkkür edirəm. Etibarlı mənbənin nə olduğundan ixtisasca mənbəşünas olduğumu nəzərə alsaq "qismən" də olsa anlayışım var. Məqaləyə diqqət etmisinizsə iş gedir. İstinadlarına diqqət etmisinizsə gətirilən qaynaqlar ya professor Kərim Tahirovun rəhbərlik etdiyi Milli Kitabxananın rəsmi veb saytından, sərəncamlar rəsmi saytlardan, digər məlumatlar isə qəzet və jurnallarda çap edilən məqalələrdəndir. Sizdən istəyimiz bir qədər iradınızı konkretləşdirməyinizdir. Yəni səhv gördüyünüz nədir? Bilmədiyimiz nəsə ola bilər və siz də iradınızı haqlı olaraq dəqiq göstərsəniz rahatlıqla aradan qaldırarıq. Məlumunuz məqalədə iş gedir və məqsədimiz daha etibarlı bir məqalə ortaya qoymaqdır. Hörmətlə, Elnur Neciyev (müzakirə) 06:28, 24 iyun 2021 (UTC)
- Elnur Neciyev, qeyd etdiyim kimi, daxil etdiyiniz məzmunun hər bir predmeti üzrə etibarlı mənbələr əlavə etməlisiniz. Məsələn, "Təltif və mükafatları" hissəsində qeyd olunan bir sıra mükafatlar mənbəsizdir. Konkret bir misal istədiyiniz üçün bunu göstərdim, ancaq sözügedən mənbə azlığı məsələsi məqalənin demək olar ki, əksər qisimlərinə sirayət edir. Məqalə tərtibatı ilə əlaqədar əlavə köməyə ehtiyacınız olarsa, yardımçı olmağa hazıram. — Burocan (müzakirə) 21:25, 25 iyun 2021 (UTC)
Hər vaxtınız xeyir. Məqalədə istinadsız heç bir kontent qalmayıb artıq. Hər bir məlumatın mənbəsi var. Qarşısındakı istinadlarla yoxlaya bilərsiniz. Şablonu orada saxlamağa hər hansı bir əsas görmürəm. Artıq mənbəsiz heç bir məlumat yoxdur. Mənbəsi olmayan təltif və mükafatları hələlik özümüz sildik ki, commonsda onların əsasını yaradandan sonra - yəni fotosunu yüklədikdən sonra etibarlı mənbəsi yaratmış olarıq. Çünki bəzi mükafatlarla bağlı xəbər saytlarında məlumat yayımlanmayıb. Qaldı ki, əsərlərinə, həmin əsərləri də daxil olub Milli Kitabxananın rəsmi veb saytında yanlış məlumat olub olmadığını yoxlaya bilərsiniz. Zamanla onların hər birinə hiperlink qoyacağıq ki, arzu edən elektronu ilə tanış olsun. Hazırda isə görülən işi daha obyektiv qiymətləndirməyiniz arzuolunandır. Hörmətlə, Elnur Neciyev (müzakirə) 23:16, 25 iyun 2021 (UTC)