Müzakirə:Hokkey/Arxiv 1

"Xokkey" sözü məqalənin girişində qalmalıdır (axtarış nəticələri), həmçinin Azərbaycan dilinin 2013-cü ildə buraxılan 6-cı nəşr orfoqrafiya lüğətində "xokkey" qeyd olunub (səh. 307). 2021-ci ildə buraxılan lüğətdə bu söz "hokkey" olaraq dəyişdirilsə də, "xokkey" də nəticələrdən göründüyü kimi aktual və ümumişləkdir (hətta "hokkey" sözündən daha çox nəticə verir; "hokkey" — 305.000 nəticə, "xokkey" — 1.530.000 nəticə) və qalmalıdır. Buradan da sözün izahına baxmaq olar. Hörmətlə, Qədir (müzakirə) 21:19, 25 fevral 2025 (UTC)

Hokkey sözünün xokkey kimi yazılışı düzgün deyil, çünki belə bir yazılış ədəbi azərbaycan dilində yoxdur. Ancaq şifahi danışıqda var. Azərbaycanda bu gün insanlar danışanda çox sözləri rus versiyasında deyirlər (Qermaniya, Qamburq, qamburqer, Qerakl, qertsoq və s). Savadı yüksək olmayan aparıcılar və ya saytlarda yazanlar danışdıqları kimi də yazırlar. Elə bil şərh yazırlar. Və onların yazdıqları variantı burda vermək düzgün deyil. Axtarış nəticələri sanballı mənbə və ciddi bir səbəb sayıla bilməz. Çünki, axtarış ümumiyyətlə internetdəki bütün yazıların statistikadır. YouTube, sayt, Tiktok, İnstaqram və s. Kim harda necə istəyib yazıb axtarışda da bu ümumi statistikaya düşür. Azərbaycan dilindən xəbəri olmayan, öz adını yazanda səhv edən birisinin internetdəki yazı forması necə səbəb kimi götürülə bilər?

O ki, qaldı lüğətə məntiqlə hansı variant götürülməlidir, 2013 yoxsa 2021-ci il nəşri? 2013 götürülürdü onda niyə deyək kı, 1950 və ya 1930-cu illərdəkilər götürülmür? 1930-cu illərdə Azərbaycan dilində üfüq horizont kimi yazılırdı. İndi bu variant preambulada qeyd olunmalıdır?

Konkret xokkey sözünə qaldıqda elə burada xokkey yox, hokkey kimi verilib.

Rus variantının verilməsi ümumiyyətlə qarmaqarışıqlıq yaradar. Onda gərək bütün məqalələrdə düzəlişlər edilə. Hələ üstəlik şifahi danışıq dilində sözün ancaq rus versiyasını işlətdiyimiz sözləri nəzərə alsaq onda ümumiyyətlə aləm qarışar bir birinə. Məs, rozetka, otvyorkka, krossovka, tufli və s sözlər də gərək elə rus dilində deyildiyi kimi yazıla.

Qısası, mənim fikrimcə "xokkey" variantı burdan götürülməlidir NR SHENER (müzakirə) 23:12, 25 fevral 2025 (UTC)

Ona görədir ki, bu söz hər iki formada da işlənilir, nə bilmək olar gələn lüğətdə də bəlkə "xokkey" yazacaqlar? Bu söz 2021-ci ilə kimi həm orfoqrafiya lüğətində, həm də mənbələrdə "xokkey" kimi qeyd olunub. Ümumiyyətlə, burada AMEA-nın mövqeyinə əsaslanmaq lazım deyil. Kifayət qədər nüfuzlu mənbələrdə "xokkey" kimi də qeyd olunur (onlardan bəziləri: azertag, musavat, qafqazinfo və s.) və bu söz ümumişləkdir. Köhnə versiyaları "Etimologiyası" bölməsində qeyd etmək olar. Digər mövzuların bura aidiyyəti yoxdur, bu mövzu üçün arqument kimi istifadə etməyin. Və zəhmət olmasa "mən bunu bəyənmirəm" prizmasından fikir bildirməyin. En Merker, Əkrəm Cəfər, siz də fikirlərinizi bildirə bilərsiniz. Hörmətlə, Qədir (müzakirə) 23:45, 25 fevral 2025 (UTC)

hokkey yazılışı lüğətə təzəlikcə əlavə olunub. hələ ki, xoşuma gəlməsə də, xokkey qalmasını təklif edirəm. sabah-o biri gün digər variant populyarlaşanda dəyişə bilərik :3 əkrəm. 13:58, 26 fevral 2025 (UTC)

Artıq silmişəm :D belə bir şey etdim, amma düşünülərsə ki, ehtiyac var, etirazım yoxdur. Hörmətlə, Qədir (müzakirə) 14:01, 26 fevral 2025 (UTC)

shagzhhshdhahsha bir az tez cavab vermişəm, deyəsən :D x variantını xətalı hesab etməzdim, çünki dəyişiklik 50 il əvvəl olmayıb və bu gün işlənən lüğətlərin hamısında h getmir. alternativ forma kimi qiymətləndirməyi üstün tuturam. belə də eləmək olar: həmin o qeydi bu cür də verə bilərik: hokkey^[1] əkrəm. 14:07, 26 fevral 2025 (UTC)

Bir az rəsmi olur, nəzərə alsaq ki, AMEA-nı etibarlı mənbə qeyd etmirik və eynən onları qeyd etməyimizə ehtiyac yoxdur, amma ola bilər, edə bilərsən, əlimizdə alternativ istinad mənbəyi yoxdur. Əlavə olaraq "istifadə edildiyi də" qeyd oluna bilər. Mən də bu dəfə bir az tez qərar vermişəm deyəsən :p Etimologiyada da qalmalıdır prinsipcə onsuz. Hörmətlə, Qədir (müzakirə) 14:17, 26 fevral 2025 (UTC)

indiki vəziyyəti də pis deyil, qalsın elə :P əkrəm. 14:24, 26 fevral 2025 (UTC)

👍 Etimologiyada bu barədə qeyd edəcəm. Hörmətlə, Qədir (müzakirə) 14:25, 26 fevral 2025 (UTC)

Xahiş edirəm hər dəfə mən fikir bildirəndə cavab olaraq "mən belə düşünürəm" kimi şablonlar qoymayasınız. Çunki, əvvəla mən arqument, istinad, nümunə gətirirəm, boş boşuna yazmıram. İkincisi isə elə burda bir çoxları öz fikirlərini bildirir, heç bir arqument gətirmədən və hətta elə açıq formada 'mənim fikrimcə" yazır. Bu normal bir şeydir. İnsan öz fikrini, mövqeyini bildirir. Elə sizin özünüz də mənə öz şəxsi fikrinizi yazan vaxtınız olub, hətta "mənim fikrimcə və ya mən belə düşünmürəm" yazmısınız. Bunu da normal sayıram, yəni basqa cür diskusdiya forması da olur ki, bəyəm?

İstinad etdiyiniz "Müsavat" və "Qafqazinfo" sanballı mənbə sayıla bilməz. AMEAnı sanballı mənbə saymayanın bu cür saytlara istinad etməsini də başa dusmədim. Əsasən də "Müsavat" sarı mətbuat, feyk xəbərlər saytı kimi ad çıxarıb.

O ki, qaldı bu mövzuya, düzəlişinizi bəyəndim, məncə ən doğru bir variantdır. Və təklif edərdim ki, bundan sonra ancaq bu cür edilsin, yəni bu cür yazılış formaları preambulada yox, ayrıca paraqrafa verilsin. Razıyam ki, azViki "copy-paste" prinsipi ilə işləməməlidir, daha çox maarifləndirici rol oynamalıdır, axtarış sistemlərinin nəticələri də Azərbaycandakı internet KİV-lərin bu günkü vəziyyətini, səviyyəsini nəzərə alsaq əsas arqument olmamalıdır. NR SHENER (müzakirə) 20:46, 26 fevral 2025 (UTC)

• Sözün originalı Hokkeydir. Sovet dövründə termin rus dilindən götürüləndə Xokkey kimi yazılıb. Müstəqillik illərində bir çox sözlər kimi bu sözdə original dildə yazılmağa başlayıb. Vikipediya da da məqalənin adı yazılarkən buna üstünlük verilib. Həm də Vikipediya ensiklopediya olmaqla yanaşı, həm də müəyyən çərçivədə dilə, üsluba öz töhvəsini verməlidir. Başqa yerlərdə belə yazılıb deyə olmamalıdır. Bizim özümüzdə təkcə "Copy paste" üslubu ilə işləməməliyik, öz töhfəmizi də verməliyik. Yeni gələnlər bunu xatırlamaz amma bu haqda burada çox müzakirələr olub. Yenidən bu müzakirələrə qayıtmaq fikrim yoxdur. --Tarixi Nadir (müzakirə) 06:04, 26 fevral 2025 (UTC)

  Tamamilə silinməsini doğru hesab etmirəm, ən azından vaxtilə sözün bu formada olduğu barədə məlumat vermək olar. @White Demon, siz necə düşünürsünüz? Hörmətlə, Qədir (müzakirə) 07:55, 26 fevral 2025 (UTC)

  Nəysə, bir qədər düşündüm və fikirləşdim ki, həqiqətən girişdə eyni sözün xətalı formasını qeyd etməyə ehtiyac yoxdur. Ona görə də girişdən sildim və etimologiya haqqında məlumat verdim. Hörmətlə, Qədir (müzakirə) 10:01, 26 fevral 2025 (UTC)