Müzakirə:Elnur Hüseynov (dəqiqləşdirmə)

Salam. Ssenarist Elnur Hüseynovun doğum tarixi ilə bağlı mənbə tapa bilmirəm (bu halda məqalədə verilməli deyil; çıxarıldı), ümumiyyətlə, hər iki aktyor barədə mənbələr çox dardır, doğru-düzgün mənbələr yoxdur. Hələlik SNS etmək əvəzinə, hər iki məqaləyə də {{əhəmiyyət}} şablonu əlavə etdim, amma başlıqlarda təvəllüdləri qeyd olunub, o da səhv yazılmışdı, amma birinə mənbə tapa bildim və düzəltdim, problem deyil. Digərinin də doğruluğundan əmin deyilik, düz belə olsa, bu, mənbə ilə göstərilməlidir. @Toghrul R, əməkdar artist adı şəxsi birbaşa ensiklopedik edir? (ümumiyyətlə, hansı adlar şəxsi ensiklopedik edə bilər, bu, ayrıca geniş müstəvidə müzakirə olunası məsələdir. şəxsən, mənə görə, şəxs hansısa ada görə yox, mənbələrdə əhatələnməsinə görə ensiklopedik dəyər göstərir, titulu da önəmlidirsə, çox vaxt mənbələr olur və ensiklopedik hesab olunur) Məsələn, Azərbaycan Respublikasının əməkdar artistlərinin siyahısı səhifəsindəkilərin heç də hər birinə məqalə yoxdur. Okey, sözügedən şəxslər məşhur ola bilərlər, amma ensiklopedikdirlərmi? Məşhurluğun ensiklopediklikdə payı olur, amma yenə də bu ikisini qarışdırmamaq lazımdır. Ensiklopediklik mənbələrə əsaslanan məsələdir. Məqalələr qalırsa, başlıq da qalırsa, onda heç olmasa, digər şəxs üçün "Google" Panelini istinad kimi göstərmək lazımdır (və ya etibarlı mənbə tapıb əlavə etmək, ən pis halda, hansısa bir öz müsahibəsinə və ya sosial media postlarına istinad etmək olar, ya da məqalə adına düzəliş edilməlidir; "ssenarist" qeyd oluna bilər), amma deyəsən heç o da yoxdur. 🤷 Bu vəziyyətdə nə edək? Fikirləriniz maraqlıdır. Bir neçə istifadəçini də teq edirəm: @White Demon, @Bikar, @Atakhanli, @Əkrəm Cəfər, @Мурад 97, lütfən, fikirlərinizi bildirin. Hörmətlə, Qədir (müzakirə) 20:41, 4 yanvar 2025 (UTC)Cavabla

salam :3

etibarlı olub-olmamağı haqqında dəqiq fikir deyə bilmərəm, amma ssenaristin doğum tarixi ilə əlaqədar 2 mənbə tapdım :3^[1][2]

ensiklopediklik barədə isə bir qədər inklüzionist olduğum üçün şərh verməməyi seçirəm :D əkrəm. 07:19, 5 yanvar 2025 (UTC)Cavabla

Hər ikisi də etibarsız mənbədir. İndiki vəziyyətdə nə edəcəyimizi bilmirəm. Birinə "aktyor", birinə "ssenarist" yazsan da olmayacaq, çünki ikisi də aktyordur. @Samral, siz nə təklif edirsiz? Hörmətlə, Qədir (müzakirə) 05:13, 9 yanvar 2025 (UTC)Cavabla

Əslində əvvəlki adlandırmalar daha uyğun idi: "Elnur Hüseynov (aktyor, ssenari müəllifi)" ("aktyor-ssenarist" də qeyd etmək olar) və "Elnur Hüseynov (aktyor)". Mənbə yoxdursa, doğum tarixi qeyd edilməməlidir. Hörmətlə, Qədir (müzakirə) 05:16, 9 yanvar 2025 (UTC)Cavabla