Müzakirə:Cəfərqulu xan Xoyski

Ənvər bəy! Əhməd xan Cəfərqulu xanın atası yox qardaşıdır! Hörmətlə--Aydın Məmmədov 17:54, 19 avqust 2011 (UTC)

Aydın bəy! Siz hansı mənbəyə görə iddia edirsiniz ki, Əhməd xan Cəfərqulu xanın atası deyil? Mən "Xoy xanlığı" adlı kitab üzərində işləyirəm. Dünbililərin fars dilində hazırlanmış şəcərəsinə baxmışam. Azərbaycan müəlliflərindən H. Ə Dəlili, E. ismayılov da kitablarında yazırlar ki, Cəfərqulu xan Əhməd xanın oğludur. Hörmətlə:--Enver62 20:06, 18 avqust 2011 (UTC)Cavabla

Aydın bəy! Farsca bilirsinizsə, bu yazını oxuyun. Ya da sizə kömək etsinlər. Hörmətlə:--Enver62 20:12, 18 avqust 2011 (UTC) http://www.donboli.info/jafar-goli-khan.htmCavabla

Hörmətli Ənvər bəy, İrəvan xanının qızı Səltənət bəyim Əhməd xanın arvadı olub, Kəlbəli bəy - Fətəli xan Xoyskinin babası, Əhməd xanla Səltənət xanımın nikahından doğulub. Səltənət bəyim Əhməd xanın ölümündən sonra Cəfərqulu xana ərə gedib. Bütün bunlar Qafqaz aktlarında dəfələrlə qeyd olunub, hansı ki mən F.x.Xoyskinin əsli-nəcabəti barədə yazdığım məqalədə həmin mənbələri konkret olaraq bir-bir göstərmişəm. İnanmırsınızsa, özünüz də yoxlaya bilərsiniz. O ki qaldı Dəliliyə, yəqin ki Qafqaz aktlarına baxmayıb. Dəlili Xoy tarixini doğrudan da elə gözəl öyrənibsə və Cəfərqulu xanı da yaxşı tanıyıbsa, heç olmasa onun hakimiyyət illərini göstərərdi. Məlumunuzdur ki, indiyə qədər bunu heç kim göstərməyib, səhərdən bütün mənbələrə baxıram, heç nə tapa bilmirəm, bir sənəddə Hüseyn xanın 1787-ci ildə xan olması, digər sənəddə (mənbədə yox ha, sənəddə) Cəfərqulu xanın xan olması göstərilir. Sonrakı illərə aid sənədlərdə və mənbələrdə də vəziyyət təxminən belədir. Nə isəə..

Təklif edirəm ki, məqalədən Cəfərqulu xanın atasının Əhməd xan olması barədə yazdığınızı çıxarasınız, ya da bunun doğru olduğunu sübut etmək üçün konkret bir sənədə istinad edərsiniz.

Hörmətlə, --Aydın Məmmədov 4:10, 19 avqust 2011 (UTC)