Müzakirə:Bursada Azərbaycan bayrağı qalmaqalı

Məncə, bu və Bir millət, iki dövlət kimi məqalələri məsələn, "Azərbaycan-Türkiyə münasibətləri" (təxmini adı) adlı məqalə yaradıb onun içində vermək olar. Çünki faktiki belə mövzularda məqalələri genişləndirmək mümkün deyil. Amma "Azərbaycan-Türkiyə münasibətləri"nin içində bu münasibətlərin tarixini ta qədimdən müasir dövrə qədər verəndə, müasir dövr hissəsində 10-15 cümlə ilə bunları da yazmaq olar. Hər halda bu mənim şəxsi fikrimdir. Hörmətlə:--Sortilegus 09:51, 29 Oktyabr 2009 (UTC)

Azərbaycan-Türkiyə münasibətləri ana məqalə olaraq olmalıdı. Bu münasibətlərə dair nüanslar isə kifayət qədər əhəmiyyətlidirsə haqqında ayrı məqalə açıla bilər. --TimBitsتِمبِتس 17:54, 29 Oktyabr 2009 (UTC)

Hər halda belə məqalələrin qalmasına təkid edirsinizsə, mən bir demokratik idarəçi kimi etiraz etmirəm:) Amma bu sonradan bizə problemlər yaradacaq. Gələcəkdə məsələn, "Türkiyə prezidenti filankəsin Azərbaycana səfəri", "Azərbaycan xarici işlər naziri filankəsin Rusiyaya səfəri" və s. bu tip məqalələr yaradıla bilər və iddia edilə bilər ki, bunlar əhəmiyyətli hadisələrdir və qalmalıdır. Çalışmaq lazımdır mümkün qədər belə mövzuları bir yerə, bir məqalənin içinə toplayaq, səpələməyək. Hər halda 1 aydan sonra bu mövzu heç yada düşməyəcək. Bura axı ensiklopediyadır, informasiya agentliyi saytı deyil. Azərbaycan dilində VikiXəbər olsaydı bəli - belə məqalələr orda yaradıla bilərdi. Amma yenə deyirəm, heç bir etirazım yoxdur. Dəyərli istifadəçilərin istəyini həmişə nəzərə almalıyıq.--Sortilegus 18:46, 29 Oktyabr 2009 (UTC)

Dəyərli istifadəçi titulu üçün çox sağ ol. Vikipediyanın maşallah imkanları genişdir, milyonlarla məqalə yaradıla bilər. Əsas o deyil, məsələ orasındadır ki, bu kimi məqalələrin nə dərəcədə əhəmiyyəti var, mətbuatda, cəmiyyətdə və s. nə qədər yer alıb. Hazırda haqqında söhbət gedən hər iki məqalə kifayət qədər diqqət çəkib, xüsusilə də "bir millət, iki dövlət" prinsipi uzun müddətdir haqqında danışılan rəsmi dövlət prinsipidir. Əgər prezidentindən tutmuş, nazirinə qədər bunu dilinə dolayıbsa onda deməli kifayət qədər əhməiyyətli subyektdir və haqqında ensiklopediya məqaləsi yaradılaraq bunun nə mənə olduğu barədə maraqlanan oxuyuculara məlumat vermək olar. Yuxarıda verdiyin nümunələrin də hansısa bir səbəbdən xüsusi əhəmiyyəti olarsa onlar haqqında da məqalə yaradıla bilər. Bu cür məqalələr üçün hər vəziyyəti ayrı-ayrılıqda dəyərləndirmək (bu sözün dilimizdə bu konteksdə işlənməsi düzdür?) lazımdır, ümumi qayda tətbiq etmək mümkün deyil. --TimBitsتِمبِتس 18:59, 29 Oktyabr 2009 (UTC)

Ümumi qayda tətbiq etməyə çalışmıram. Sadəcə təklif kimi verdim ki, bunları bir məqalədə birləşdirmək ("Azərbaycan-Türkiyə münasibətləri") daha məqsədəuyğun olardı. Məqalə daha zəngin və ensiklopedik alınardı. Bayraq qalmaqalı da bəlkə bu günə qədər 50 ölkə arasında olub. "Bir millət-iki dövlət" şüarı da təkcə Azərbaycan və Türkiyə arasında olan şüar deyil. Bolqarlar və makedonlar, moldovanlar və rumınlar da bu şüarı bayraq edib başlarının üstündən asıblar. Bu hələ mən bildiklərimdir. Yəni bu tip məqalələrin adlandırılması, gələcəkdə intervikilərin onlara əlavə olunması problemlər yaradacaq.--Sortilegus 19:18, 29 Oktyabr 2009 (UTC)

Bu barədə natahatçılığı mən də bölüşürəm. Məqalələrin həddən artıq şaxələnib bir başlıq altında toplanması mümkün olan məlumatların bir neçə məqaləyə səpələnməsini mən də düzgün hesab etmirəm. Eləcə də lazım gəldi gəlmədi hər şey üçün məqalə açmağı. Sadəcə bəzən məqalə öz-özlüyündə kifayət qədər əhəmiyyətli ola bilər. Onda bu hallara tək-tək baxıb qərar vermək lazımdır, qalan vaxtlarda isə sən deyən prinsipi güdməy daha düzgündü. --TimBitsتِمبِتس 14:46, 30 Oktyabr 2009 (UTC)

Sortilegus, salam. Nə əcəb intervikisi yoxdur bunun? dancewithdevil (müzakirə) 08:00, 21 iyun 2022 (UTC)Cavabla