Müzakirə:Azərbaycan 2012 Yay Olimpiya Oyunlarında

Ağır atletika bölməsində 5 lisenziyanın komanda kimi qazanılmasını göstərmişdim. İfadə rəsmi saytdan götürülüb. Nədənsə komanda ilə ifadəsi çıxarılıb. Olimpiya tarixində birinci dəfədir ki, Azərbaycan olmpiadaya komanda çıxarmaq hüququ əldə edib. İfadənin qaytarılmasının tərəfdarıyam.--Acategory 06:47, 15 noyabr 2011 (UTC)Cavabla

Azərbaycan ilk dəfə 2008-ci ildə Pekində keçirilmiş Olimpiya Oyunlarında komanda ilə təmsil olunub. Həmin vaxt 6 nəfərlik gimnastika komandamız turnirdə iştirak ermək hüququ qazanmış və son nəticədə 7-ci yeri tutmuşdular. Ağır atletlərimizə gəldikdə isə, onlar hazırki vaxta qədər 5 fərdi lisenziya qazanıb. Ancaq həmin lisenziya sahiblərinin kimliyi hələ müəyyənləşməyib. Amma onların arasında qadınların olmayacağı dəqiqdir. Çünki qadın ağır atletlərimiz hələ ki, heç bir lisenziya qazana bilməyiblər. --►Safir yüzüklü Cekli^mesaj 06:54, 15 noyabr 2011 (UTC)Cavabla

Pekin Ölimpiadası fikriniz mübahisəlidir. Ağır atletika üzrə 5 lisenziya fərdi yox, komanda kimi qazanılıb. Əks halda konkret kimlərinsə lisenziya qazanıldığı elan edilərdi. Komandada kimin təmsil olunmasından asılı olmayaraq 5 lisenziyanın komanda kimi qazanılması faktı siyahıda göstərilməlidir. Məlumat dəqiq olmalıdır. --Acategory 07:00, 15 noyabr 2011 (UTC)Cavabla

Pekində keçirilmiş Olimpiya Oyunları ilə bağlı dediklərim qətiyyən mübahisəli deyil. Həmin vaxt Azərbaycanın bədii gimnastika üzrə qrup hərəkətləri milli komandası finala yüksəlmiş və 24 avqust 2008-ci ildə 8 komandanın iştirakı ilə keçirilmiş finalda 7-ci olmuşdu. Ağır atletlərin isə komanda yarışı yoxdur. Əgər olsaydı belə komanda ilə qazanılan lisenziya 1 sayılır. 5 lisenziya isə 5 komanda deməkdir. Burada komanda anlayışı fərqli mənada işlənilir. Belə ki, Azərbaycanın Ağır atletlərdən ibarət həm qadın, həm də kişi komandası var. Ağır atletika üzrə Fransada keçirilən son dünya çempionatından sonra Azərbaycanın kişilərdən ibarət komandasının indiyə kimi qazandığı 162 xal Londonda keçiriləcək 30-cu Yay Olimpiya Oyunlarında 5 kişi idmançı ilə təmsil olunmaq imkanı verib. Qadınların yarışında isi toplamda əldə etdiyimiz 66 xal idmançılarımıza Olimpiadaya lisenziya qazanmaq imkanı verməyib. --►Safir yüzüklü Cekli^mesaj 07:22, 15 noyabr 2011 (UTC)Cavabla

Azərbaycan ağır atletika üzrə London olimpiadasına komanda kimi 5 lisenziya qazanıb. Bu lisenziya fərdi yox, məhz komanda kimi lisenziyadır. Bu məqalədə öz əksini tapmalıdır. --Acategory 18:54, 15 noyabr 2011 (UTC)Cavabla

 N Azərbaycan 2012-yə komanda kimi hələ heç bir lisenziya qazanmayıb. Ağır atletika üzrə isə komanda kimi nəinki 5, hətta 1 lisenziya belə qazanmaq mümkün deyil. Çünki 2012-də 15 dəst medal uğrunda ağır atletlər yalnız fərdi yarışacaqlar. --►Safir yüzüklü Cekli^mesaj 05:21, 16 noyabr 2011 (UTC)Cavabla

Müzakirədə fakt nəzərə alınmadığına görə polemikanı dayandırıram. Ancaq marağı olanlardan bu informsiya [1]ilə ilə tanış olmağı xahiş edirəm.--Acategory 12:37, 16 noyabr 2011 (UTC)Cavabla

Xəbər saytlarında elə səhvlərə tez-tez yol verirlər. --►Safir yüzüklü Cekli^mesaj 12:44, 16 noyabr 2011 (UTC)Cavabla