| Bu, Almas İldırım məqaləsinin müzakirə səhifəsidir. |
Məqalə prinsipləri
|
Aşağıda adını qeyd etdiyim mənbədə yazılanlarla məqalədə yazılanlar arasında fərqlər var. Məlumatı olanlar münasibət bildirsələr yaxşı olardı. Bu mənbə məqalənin özündə birinci qeyd olunub.
Azərbaycan ədəbiyyatı tarixinə Almas İldırım kimi daxil olmuş şairin əsl adı Əbdülhəsəndir. Lakin uşaqlıqdan onu babasının adı ilə Almas çağırarmışlar. Şeirlərini Almas İldırım imzasıyla dərc etdirdiyindən bu adla da tanınmış və məşhurlaşmışdır. Almas İldırım 1907-ci il mart ayının 24-də Bakı yaxınlığındakı Qala kəndində anadan olmuşdur. Əkinçi olan atası Hacı Əbdülməhəmməd kişinin Qala kəndində kiçik torpaq sahəsi, ləpədöyəndə isə bir-iki balıqçı qayığı vardı ki, bunlardan əldə etdiyi qazancla ailəsinin dolanacağını, çətinliklə də olsa, təmin edə bilirdi. Anası Nisə xanım evdarlıqla məşğul olmuş, uşaqlarını həmin qazancla böyüdürdü. 1913-cü ildə Almas altı yaşında ikən ailələri Şüvəlana, 1920-ci ildə isə Çəmbərəkəndə köçür. Kiçik Almas 1914-1915-ci tədris ilindən başlayaraq, Cənubi Azərbaycandan Bakı neft mədənlərində işləməyə gəlmiş fəhlələrin uşaqları üçün İran hökuməti tərəfindən açılmış “İttihad” məktəbində təhsil almağa başlayır. Bu məktəbdə dərslər Azərbaycan dilində tədris edilirdi, eyni zamanda fars dili fənninə də geniş yer verilirdi. Odur ki, A.İldırım “İttihad” məktəbini bitirərkən fars dilində mükəmməl yazı və danışıq təcrübəsi qazanmışdı.
— Almas İldırım. Seçilmiş əsərləri. Bakı, “Öndər nəşriyyat”, 2004, 160 səh. ISBN 9952-416-03-1
--Wertuose 22:51, 27 Oktyabr 2010 (UTC)