Əbu Hüseyn Müslim ibn Həccac ibn Müslim ibn Vard əl-Quşeyri ən-Nisaburi (ərəb. أبو الحسين مسلم بن الحجاج القرشي النيشابوري) (821 (h. 204) - 875 (h. 261) — mühəddis. "Camius-Səhih" və ya "Səhihi-Müslim" əsərinin müəllifidir.
| Müslüm ibn Həccac | |
|---|---|
| ərəb. مسلم بن الحجاج | |
 | |
| Doğum tarixi | 821[1][2][…] |
| Doğum yeri | |
| Vəfat tarixi | 6 may 875[1] |
| Vəfat yeri | |
| Elm sahələri | fiqh |
| Tanınmış yetirməsi | İbn Xuzeymə |
 Vikianbarda əlaqəli mediafayllar | |
Müslim hicrətin 204-cü ilində (821) Nişapur şəhərində anadan olmuşdur. Uşaqlıqdan hədis elmini çox sevmişdir. Təhsilini ilk dəfə yaşadığı şəhərdə olan alimlərdən almışdır. Sonralar o, Məhəmməd peyğəmbərin hədislərini toplamaq üçün İraq, Şam, Misir, Hicaz, Xorasan, Bağdad və bir çox başqa yerlərə səyahət etmişdir. Müslim, hicrətin 261-ci ilində (875) Rəcəb ayının 2-si Nişapur şəhərində vəfat etmişdir.
Əbu Fadl Əhməd ibn Sələmə demişdir:
"Mən Əbu Zura və Əbu Hatimin Müslimə qarşı olan münasibətini gördüm. Onlar hədis elmində Müslim ibni Həccacı əsrinin alimlərindən üstün sayırdılar."
Əbu Qüreyş demişdir:
"Dörd hafiz mövcuddur. Bunlar Əbu Zura, Məhəmməd ibn İsmail, əd-Dərimi və Müslimdir."
Məsləmə ibn Qasim demişdir:
"O, mötəbər hafizlərdən olub, hədis elmindən çox anlayışı var idi."
Xəlili demişdir:
"Onun fəzilətlərini qeyd etməyə ehtiyac yoxdur. Çünki, o, bundan da artıq məşhurdur."
- "əs-Səhih"
- "ət-Tabəqat".
- "əl-Əsma va-l-kunə".
- "ət-Təmyiz".
- "əl-Münfəridətu-l-vihdən".
- "Suələtu-l-imam Əhməd".
- "Əvhami-l-muhəddisin".
- "Əvlədi-s-sahəbə".
- "Əfradi-ş-şamiyyin".
- "əl-Əqran".
- "Məşəyix Malik".
- "Məşəyix Şöbə".
- "Məşəyixu-s-Səuri".
- "əl-Muxadramin".
- "əl-İntifa bi uhubi-s-siba".
- ↑ 1 2 Али-заде А. Исламский энциклопедический словарь (rus.). Москва: Ансар, 2007.
- ↑ AA.VV. Encyclopaedia of Islam, Encyclopédie de l’Islam (fr.). 1913.