Vikipediya ?

Müseyib bəy Əxicanov

Müseyib bəy Əxicanov (Müseyib bəy Qəhrəman bəy oğlu; d. 1892 - ö. 1920) — Azərbaycan milli azadlıq hərəkatının fəal iştirakçılarından biri, Azərbaycan Parlamentinin üzvü. Zaqafqaziya seyminin Müsəlman fraksiyasının, Zaqafqaziya Federasiyasının süqutundan (1918, 26 may) sonra isə Azərbaycan Milli Şurasının (1918, 27 may) üzvü, Bakı quberniyasının general-qubernatoru olmuşdur.

Müseyib bəy Əxicanov
Doğum tarixi 12 oktyabr 1892(1892-10-12)
Doğum yeri Cavad qəzası, Azərbaycan Respublikası
Vəfat tarixi 30 aprel 1920 (27 yaşında)
Vəfat yeri Bakı, Azərbaycan Respublikası
Təhsili Kiyev Müqəddəs Vladimir Universiteti

Həyatı

Əxicanov Müseyb bəy Qəhrəman bəy oğlu 1892-ci ildə Cavad qəzasının (indiki İmişli rayonu) Tomarxanlı kəndi (sonradan onun yaxın və uzaq qohum əqrabası indiki İmişli rayonu Cəfərli kəndi yaxınlığına köçmüşlər və həmin ərazi Axıcanlı kəndi adlanır). O da Rəşid bəy Axundzadə ilə bir yerdə Kiyev Universitetinin Hüquq fakültəsini bitirib. Yusif Vəzir Çəmənzəminlinin ən yaxın dostlarından biri olub. 1918-ci ildə türk ordusu Bakını alandan sonra Fəthi bəy Bakının qubernatoru olanda Axıcanov onun müavini vəzifəsində çalışıb. Sonra bir müddət qubernator və Cümhuriyyət parlamentinin üzvü olan Axıcanov 1920-ci ildə bolşeviklər hakimiyyətə gələndən sonra güllələnib.

Milli Şuranın "Azərbaycan Məclisi-Məbusanının təsisi haqqında qanunu"na (1918, 19 noyabr) əsasən Azərbaycan Cümhuriyyəti Parlamentinin tərkibinə daxil edilmişdir. "Müsavat" və bitərəflər fraksiyasının üzvü idi.

Məhəmməd Əmin Rəsulzadə 1954-cü ilin 28 mayında Ankarada Kültür Dərnəyindəki çıxışında "adları və xatirələri hamımıza əziz olanların" sırasında Fətəli Xan Xoyski, Nəsib bəy Yusifbəyli, Həsən bəy Ağayev, Səməd Paşa Mehmandarov, Abuzər bəy və Şeyxzamanovla yanaşı Müseyb bəy Axıcanovun da adını çox böyük ehtiramla çəkmişdi.

İstinadlar

  1. Azər Turan (2012)."Darülmöminin", s. 142.

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019