Müqəddəs Yakov kilsəsi (alm. Hauptkirche St. Jacobi) — Hamburqun beş əsas kilsəsindən biri. Kilsə 1529-cu ildə Lüteran kilsəsinə çevrilib. Kilsə şəhər mərkəzində yerləşir, 125 metr hündürlüyündə qülləyə malikdir və 1693-cü ildə Arp Şnitqer tərəfindən hazırlanmış məşhur orqanı ilə tanınır. Kilsə Müqəddəs Yakovun şərəfinə inşa edilib.[1]
| Müqəddəs Yakov kilsəsi | |
|---|---|
.11866.ajb.jpg) | |
 | |
| 53°33′01″ şm. e. 10°00′02″ ş. u.HGYO | |
| Ölkə | |
| Tikilmə tarixi | XIII əsr |
| Hündürlüyü | 125 m |
| Material | kərpic |
| Rəsmi sayt | jacobus.de |
 Vikianbarda əlaqəli mediafayllar | |
Kilsənin tarixi 1255-ci ildən başlayır. O, zaman Müqəddəs Yakov kilsəsi Hamburq şəhər divarlarından kənarda yerləşən kiçik bir Roma-Katolik kilsəsi idi. 1260-cı ildə şəhər divarları genişləndirildikdən sonra kilsə Hamburq şəhər ərazisinə daxil edildi. Hazırda şəhərin mərkəzində, əsas alış-veriş küçələrindən birinin (Mönckebergstraße) arxasında yerləşir. 1350-1400-cü illər arasında kilsə, Müqəddəs Pyotr Kilsəsinə bənzər üç nefli bir zal kilsəsi ilə əvəz edildi. Təxminən yüz il sonra, kilsənin layihəsinə cənub tərəfdən dördüncü nef əlavə edildi. Kilsənin şimal-şərqdəki tağı bu dövrdən (1438) qalıb və bu gün Hamburqda dünyəvi Qotika memarlığının yeganə nümunəsidir.[2]
1806-1813-cü illər arasında Hamburq Napoleon Bonapart qoşunları tərəfindən işğal edildikdə kilsə əsasən tövlə kimi istifadə edilirdi.
1826-1827-ci illərdə əvvəlki qüllə köhnəldiyi üçün tikilən ikinci qüllə, 1944-cü ildə İkinci Dünya müharibəsi zamanı bombardman nəticəsində kilsə binası ilə birlikdə məhv edildi. Yalnız tarixi daxili hissə salamat qalmışdı. 1963-cü ildə Müqəddəs Yakov kilsəsi orta əsrlər dizaynı əsasında yenidən quruldu. Lakin bu dəfə müasir qüllə inşa olundu.
Bina şəhər mərkəzindən keçən 10-cu meridian şərq uzunluğundan bir neçə metr şərqdə yerləşir. 1693-cü ilə aid məşhur Arp Şnitger orqanı, 60 registr və təxminən 4,000 boru ilə Şimali Avropanın ən böyük Barokko orqanıdır. 1989-1993-cü illər arasında orqan tamamilə bərpa edildi və 1993-cü il Pasxa bayramında yenidən təqdis edildikdən sonra hər bazar günü ibadət zamanı səslənir.
Orqan qalereyasındakı 34 şəkil Otto Vaqenfeldt və İoahim Lundtun əsərləridir. Bu şəkillər İncili hər kəsin qiymətləndirə biləcəyi və başa düşə biləcəyi şəkildə təsvir etmək üçün yaradılmışdır.[3]
Müqəddəs Yakov Kilsəsində üç orta əsr məbədi var, Baş Xor hissəsində Müqəddəs Üçlük məbədi (təxminən 1518), birinci cənub nefində Müqəddəs Pyotr məbədi (1508) və ikinci cənub nefində Müqəddəs Luka məbədi (1500). Müqəddəs Luka məbədi əvvəlcə Hamburq Kafedralından gətirilmişdir. Bu məbədlər əvvəlcə Roma Katolik məbədləri kimi xidmət etmək üçün tikilmişdir.
Həmçinin diqqətə layiq olan daha bir xüsusiyyəti əvvəlcə kitabxana kimi xidmət edən Keşişlər otağıdır. 1543-cü ildən bəri kafedral keşişlərinin kolleksiya otağı olmuş və 1710-cu ildə yenidən qurulmuşdur. Tavandakı divar rəsmləri, vətəndaş əxlaqını təsvir edərək, kilsə icmasının şəhər idarəsi üçün əhəmiyyətini göstərir. Divardakı mənzərə rəsmləri kimi, bu rəsmlər də İohan Moritz Risenberger tərəfindən çəkilmişdir. Divarlardakı gerblər XVI əsrdən bəri kilsə icmasına xidmət edən keşişləri, vəkilləri və münsiflərin adlarını əks etdirir.
- ↑ Анна Черная. "В Пензе выступил немецкий органист Герхард Леффлер". penza.kp.ru (rus). Сайт «Комсомольской правды». 2019-05-06. 2019-05-13 tarixində arxivləşdirilib. İstifadə tarixi: 2020-01-19.
- ↑ "Geschichte der Kirche". 2020-02-25 tarixində arxivləşdirilib. İstifadə tarixi: 2020-02-25.
- ↑ "St. Jacobi - Ev.-luth. Hauptkirche in Hamburg". 2013-09-27 tarixində orijinalından arxivləşdirilib. İstifadə tarixi: 2013-09-23.
- Stefan Kleineschulte: St. Jacobi in Hamburg — mehr als eine Kirche des Mittelalters. In: Mittelalter in Hamburg: Kunstförderer, Burgen, Kirchen, Künstler und Kunstwerke. Hrsg. von Volker Plagemann. Dölling und Galitz, Hamburg 2000.
Vikianbarda Müqəddəs Yakov kilsəsi (Hamburq) ilə əlaqəli mediafayllar var.- Hauptkirche St. Jacobi. "Arp-Schnitger-Orgel in der Hauptkirche St. Jacobi". orgelstadt-hamburg.de (alman). Orgelstadt Hamburg. 2019. İstifadə tarixi: 2020-01-19.